YEREMIA 44:4 - KITTA' MATANGKASA'

⁴ Tulusu' Kusuroi battu ata-atangKu sikamma na'bia mae ri kau, ampisangkaiko anggaukangi anjo kaja'dallang tenaya Kungai.

YEREMIA 44:4 Referans Kwoze

YEREMIA 26:5

Musti nupilangngeri tongi apa napaua ata-atangKu, sikamma na'bi tenaya ammarina tuli Kusuro battu mae ri kau. Mingka teako ampilangngeri ke'nanga.

YEREMIA 7:25

Baku' assulu'na boe-boenu battu ri Mesir sa'genna anne alloa tuli nia' Kusuro ata-atangKu, sikamma na'bia, battu mae ri kau.

YEREMIA 7:13

MangKu pole a'mole-mole a'bicara mae ri kau, mingka taerokako mappilangngeri. Nugaukang ngasengi sikamma anjo dosaya, siagang taerokako appiali punna akkiokKa'.

ZAKHARIA 7:7

Iaminjo Napaua Batara tete ri na'bi-na'biNa ri jammang allaloa ri wattunna nipammantangngi ija Yerusalem siagang coppong katallassanna pandudu'na. Anjo wattua tena nanjorenja ri desa-desa ri tammulilina kotaya ammantang taua, mingka ba'lalo ri bageang timboro' siagang ri bangkeng-bangkeng bulu' niaka ri bageang ilau'.

YEHEZKIEL 16:47

Sanggami pakkasia'nu ampinawangi ke'nanga siagang ampalembai anjo panggaukang appakaringi'-ringi'na ke'nanga? Tenapa! Tasalloami nula'bi panrakkangngang pole nake'nanga.

YEHEZKIEL 8:10

Jari antamama' nampa kuciniki. Rinring-rinrinna anjo kamaraka niukiriki siagang sangka' rupa ulara' kammayatompa olo'-olo' harang maraengannaya, siagang sangka' rupa ukirang barhala nasombaya tu Israel.

YEREMIA 29:19

Yangasenna anjo kammaya kajariangi mae ri ke'nanga, lanri tena naturuki pasangKu tenaya ammari-marina Kupabattu mae ri ke'nanga tete ri atangKu na'bi-na'bia. Taerokai ke'nanga amparhatikangi anjo pasangKu.

YEREMIA 16:18

LaKubalasaki dosana siagang kaja'dallanna ke'nanga siagang hukkungang a'lappi rua, lanri narantassimi pa'rasangangKu siagang jai barhala. Anjo barhala-barhalaya tena na'nyawa, sangkammai maya'.”

2 PATTOTTORANG 36:15

A'mole-molemi Batara, Allata'alana boe-boena ke'nanga appabattu tunisuro untu' ampakaingaki Umma'Na, lanri NasayanNa ke'nanga siagang Balla'Na.

1 PETRUS 4:3

Ri wattu allaloa, le'ba'mi sallo nugaukang apa nangaia nagaukang tau tenaya natappa' mae ri Batara. Tena nabaji' batenu appanggaukang ri katallassannu. Nuturukiangi hawa napasunu, angnginung-nginungko sa'gennu nasa'ring, assua'-suarakko, angnginung-nginungko siagang appakaringi'-ringikko anynyomba mae ri barhalaya.

YEREMIA 35:17

Lanri kammana anjo, naiNakke, Batara Kaminang Koasaya, iamintu Allata'alana Israel, lappabattuA' mae ri kau – tu Yehuda siagang Yerusalem – sikontu bala le'baka Kupattantu untu' ikau ngaseng, sangkamma le'baka Kupau. Anjo kammaya Kugaukangi lanri tenana nuero' mappilangngeri punna a'bicarA' mae ri kau, siagang lanri tenana nuero' appiali ri wattunnu Kukio'.”

YEREMIA 32:33

NabokoiMa' ke'nanga siagang manna pole tuli Kuajara' ke'nanga mingka tuli tenana naero' mappilangngeri siagang tena naero' angngu'rangi.

YEREMIA 32:34

Ba'lalo balla' nibangunga untu' tampa' anynyomba ri Nakke le'ba' tommi nara'massi ke'nanga lanri naboli'na anjo barhala-barhala appakaringi'-ringi'na ke'nanga anjoreng ri tampaka.

YEREMIA 32:35

Ambangungi ke'nanga tampa'-tampa' pakkoro'bangngang untu' Rewata Baal ri Ka'bung Lappara' Hinom, nampa napassareang ana'-ana'na ke'nanga a'jari koro'bang mae ri Rewata Molokh. Padahala', tale'bakai Kusuro ke'nanga anggaukangi anjo kammaya, ba'lalo tale'bakai ammumba lalang ri pikkirangKu angkanaya lanagaukangi ke'nanga anjo panggaukang appakaringi'-ringi' kammaya siagang napa'jari dorakai tu Yehuda.”

YEREMIA 35:15

Tena ammariKu assuroi battu mae ri kau sikamma atangKu na'bi-na'bia, siagang napakainga' mako ke'nanga sollanna nupakabaji' panggaukannu na nupamari a'gau' ja'dalaka. Napakaingakko ke'nanga sollanna tena nunynyomba mae ri rewata-rewata maraenga siagang tena nupare' atai kalennu mae ri anjo rewata-rewataya, sollannu akkulle ammantang tuli anrinni ri pa'rasangang Kupassareanga mae ri kau siagang mae ri boe-boenu. Mingka taerokako amparhatikangi siagang taerokako mappilangngeri ri Nakke.

DANIEL 9:6

Tena namappilangngeri ikambe mae ri na'bi-na'bia, iamintu ata-atanTa, le'baka a'bicara lalang arenTa mae ri sikamma karaenna ikambe, mae ri sikamma pamimpinna ikambe, mae ri boe-boena ikambe kammayatompa mae ri sikontu bansana ikambe.

NEHEMIA 9:30

Attaung-taungKi' sa'bara' ampakaingaki; tete ri sikamma na'bia, nama'bicara RohTa ri ke'nanga. Mingka natongkoki tolinna ummatTa, jari Kipassareammi ke'nanga mae ri bansa-bansa sikamma pa'rasangang.

NEHEMIA 9:34

Boena ikambe, karaeng, imang, siagang sikamma tutoa-toaya, nadakkai hukkunTa siagang nabawang-bawangngangi. Sikontu parenta siagang pappakainga' Kipassareanga, tanajampangiai, tena todong napilangngeri.

YEREMIA 7:17

Nucini'mi kalennu apa nagaukanga ke'nanga ri kota-kota Yehuda siagang ri agang-aganga ri Yerusalem!

YEREMIA 7:18

Ana'-anaka appasse'rei kayu tunuang, tubura'-bura'nea apparinra pepe', siagang tubai'-bainea alleo' labu' untu' appare' kanrejawa lanapassareanga ke'nanga mae ri rewata baine, ia naarenga ke'nanga Ratu Suruga. Siagang untu' ampakapa'risiki atingKu assare tongi ke'nanga anggoro' mae ri rewata-rewata maraenga.

YEHEZKIEL 18:31

Pamari anjo sikontu panggaukang ja'dala' nugaukanga siagang lappassammi a'jari beru atinnu siagang pikkirannu. Angngapa numusti mate?