YEREMIA 44:2 - KITTA' MATANGKASA'

² Iaminne pasanNa Batara Kaminang Koasaya, iamintu Allata'alana Israel, mae ri ke'nanga, angkana, “Kalennu ngaseng le'ba' anciniki bala le'baka Kupabattu mae ri Yerusalem siagang kota maraenga ri Yehuda. Sa'genna pole kamma-kamma anne anjo kota-kotaya ancuru' ngasengiji siagang tena nanipammantangngi.

YEREMIA 44:2 Referans Kwoze

YEREMIA 34:22

LaKusuroi ke'nanga sollanna ammotere' mae ri anne kotaya, nampa nabunduki, nabeta, siagang natunui. Kota-kota Yehuda laKupa'jari sangkamma parang lompo tenaya nipammantangngi ri tau. INakke, Batara, anne akkana.”

YEREMIA 9:11

Nakana Batara, “LaKupa'jari rumbangngang Yerusalem tampa' paccokkoanna kongkong romanga. Kota-kota Yehuda la'jari sinoi, tampa' tenayamo nanipammantangngi.”

YESAYA 6:11

Akkuta'namma' angkana, “Siapa sallona lakajariang anne kammaya, Batara?” Appialimi angkana, “Sa'genna a'jari rumbangngang anjo kota-kotaya natena taunna, tenamo nipammantangngi sikamma ballaka, siagang la'jari sino sikalimi na roso' buttaya.

MIKHA 3:12

Lanri anjo kaja'dallannu, lanipa'jekoi Sion rapang koko, la'jari tambungang loroi Yerusalem, siagang la'jari romangi bonto Balla'Na Batara.

YEREMIA 4:7

Rapang singa assuluka battu ri paccokkoanna kamma tomminjo a'lampami pammanrakia ri bansa-bansa battua ero' ampanraki Yehuda. Laruntungi Yehuda a'jari kamma loro tampa' tenaya napammantangngi tau.

ZAKHARIA 1:6

Tete ri sikamma anjo na'bi atangKu ngaseng, Kupabattumi sikamma parentaKu siagang sikamma pappakaingakKu mae ri boe-boenu. Mingka tena najampangi ke'nanga sa'genna musti natanggongi ke'nanga kale'bakkang kajariang kodina. Nampa assesse' lalammo ke'nanga, siagang mangakumi ke'nanga mae ri Nakke angkanaya iNakke, Batara Kaminang Koasaya, le'ba' anghukkungi ke'nanga situru' kasalanna ke'nanga, siagang sangkamma apa le'baka Kupattantu.”

PIRAUNG 1:16

Lanri iaminjo nammatti' je'ne' matangku, taenamo ero' assarea' sumanga' na panynyaleori. Taenamo apa-apanna bansaku, lanri la'bi koasana musua.

PIRAUNG 1:1

Tamaka sinona Yerusalem anne kamma, kota suara' dudua riolo. Tamaka porena riolo ri alla'na bansa-bansaya, anne kamma rapammi janda. Riolo kontui kota kaminang nisomba, anne kamma nipa'jarimi ata.

YEREMIA 44:22

Tenamo Natahangi Batara ancinikko assare koro'bang mae ri rewata-rewata maraenga. Anjo panggaukannu ja'dalaki siagang tunai. Doraka mako mae ri Batara siagang tenamo numannuruki ri parenta-parentaNa. Lanri kammana anjo, kamma-kamma memang anne ancuru'mi pa'rasangannu sa'genna tenamo nakkulle nipammantangngi, siagang arenna nipakemi a'jari kana pattunra. Tau ancinikai a'jari sanna'mi malla'na.”

YEREMIA 25:11

Sikontu anne pa'rasanganga laKubalang parekangi ancuru' siagang a'jari sino. Bansa-bansa niaka ri tammulilina la'jari atai mae ri karaeng Babel tujupulo taung sallona.

YEREMIA 7:34

Anne pa'rasanganga la'jari parang kalotoro' naroso'. LaKupammari sa'ra rannua siagang sa'ra passua'-suarrang pa'buntinganga ri kota-kota Yehuda siagang ri agang-agang niaka ri Yerusalem.

YESAYA 24:12

Ancuru' taba sikalimi kotaya, sikamma pakke'bu' lompona runtung ngasemmi tassimbung-simbung.

2 KARAENG-KARAENG 21:13

LaKuhukkungi Yerusalem sangkamma batena Kuhukkung Samaria siagang Ahab karaeng Israel kammayatompa jari-jarina. LaKubarrasaki sa'genna tangkasa' sanrapang panne le'baka nibissai nampa nipatinompang.

YOSUA 23:3

Le'ba'mi kucini' ngaseng sikontu apa Nagaukanga Karaeng Allata'alanu mae ri sikontu bansa niaka anrinni lanri untu' ikau ngaseng. KalenNa Karaeng Allata'alanu barjuang untu' ikau.

PAOLE 29:2

Nasuroi Musa asse're sikontu tu Israel, nampa nakana mae ri ke'nanga, “Le'ba'mi nucini' kalennu apa Nagaukanga Batara mae ri karaeng Mesir, sikontu pagawena siagang sikontu pa'rasanganna.

KAIMANGNGANG 26:43

Mingka anjo buttaya musti nikosongi rolong ri pandudu'na niaka, sollanna akkulle ammari-mari tojeng. Siagang anjo ummakKu musti najappai ngasengi anjo hukkungang Kupabattua mae ri ke'nanga lanri taero'na anturuki paratorang-paratorangKu siagang parenta-parentaKu.

KALAPPASSANG 19:4

“Le'ba' ngasemmi nucini' apa Kugaukanga mae ri tu Mesir, siagang antekamma bateKu angngerangko mae ri KalengKu ri anne tampaka lalang kakoasang lompoKu, rapang jangang-jangang rajawali angngerangi ana'na lalang ri ka'nyi'na.

KAIMANGNGANG 26:31

naKuancuru' kota-kotanu, tampa'-tampa' panynyombannu, siagang tena naKutarimai sikamma koro'bannu.

DANIEL 9:12

TindakanTa sicoco' le'baki apa le'baka Kipa'janjiang mae ri kambe siagang mae ri pamarentana ikambe. Le'ba'mi Kihukkung kota Yerusalem la'bi sannakkangngang nakota maraenga ri anne linoa.

YEREMIA 8:3

Na sikamma tau attallasaka ija battu ri anne bansa ja'dalaka, le'baka Kupasiara' mange-mange, lala'bi erokangngangi matea kala attallasaka. INakke, Batara Kaminang Koasaya, anne akkana.”