YEREMIA 44:18 - KITTA' MATANGKASA'

¹⁸ Mingka baku' ammarina ikambe assare koro'bang mae ri Ratu Suruga, siagang tenamo nippatiri' anggoro' salaku passare mae ri ia, kakurangammi ikambe ri yangaseng-ngasenna; matemi taunna ikambe lalang pa'bundukang yareka lanri kacipurang.”

YEREMIA 44:18 Referans Kwoze

YEREMIA 40:12

Lanri kammana anjo, nabokoimi tampa'-tampa' napammantangia ke'nanga nipasisa'la'-sa'la', nampa ammotere' mange ri Yehuda. Battui ke'nanga mange ri Gedalya ri Mizpa, siagang appa'rappungi ke'nanga sanna' jaina anggoro' siagang rappo-rappoang.

2 PATTOTTORANG 28:23

Nacilakai kalenna siagang ra'ya'na lanri assarena koro'bang mae ri rewata-rewatana tu Siria le'baka ambetai. Nakana nawa-nawana, “Rewata-rewata Siria le'ba' ambantui karaeng-karaeng Siria, jari punna assarea' koro'bang mae ri anjo rewata-rewataya, barang akkulle tonga' natulung.”

YEREMIA 19:13

Sikontu balla' niaka ri Yerusalem siagang sikontu balla' karaenga ri Yehuda lanipa'jari rantasaki sangkamma Tofet; lanri irate ri tompo'na sikamma anjo ballaka le'ba'mi taua attunu dupa untu' rewata-rewata ri langi', siagang assare koro'bang anggoro' untu' rewata-rewata maraeng.”

HOSEA 2:5

Amma'nu pasundala' tena siri'na. Angkanai, ‘Erokka' a'lampa mange ri tanring-tanringku, assarea' kanre-kanreang siagang inung-inungang, kaeng wol siagang kaeng lenang, minynya' zaitun siagang anggoro'.’