YEREMIA 44:13 - KITTA' MATANGKASA'

¹³ Sangkamma bateKu anghukkungi Yerusalem, kamma tomminjo bateKu langhukkungi ke'nanga ammantanga ri Mesir. Lamatei ke'nanga lalang pa'bundukang, lanri kacipurang yareka lanri garring.

YEREMIA 44:13 Referans Kwoze

YEREMIA 43:11

Labattui Nebukadnezar siagang lanabetai Mesir. Siagang sikamma tau le'baka nipattantu lamate lanri garring, lamatei lanri garring. Tau le'baka nipattantu laniengka' salaku tau nitahang, laniengkaki salaku tau nitahang; tau nipattantua lamate lalang pa'bundukang, lamatei lalang pa'bundukang.

YEREMIA 11:22

Lanri kammana anjo, Nakanamo Batara Kaminang Koasaya, “LaKuhukkungi ke'nanga! Sikamma tau rungkana ke'nanga lamatei lalang pa'bundukang, lamate cipuruki ana'-ana'na ke'nanga.

YEREMIA 42:18

Sangkamma iNakke, Karaeng Allata'alana Israel Kutumpai kalarroangKu siagang kalussakkangKu mae ri pandudu'na Yerusalem, kamma tomminjo laKutumpai kalussakkangKu mae ri kau ngaseng a'lampaya mange ri Mesir. Lamallaki taua ancinikko; lanihinako, siagang lanipakei arennu a'jari kana pattunra. Tenamo nalanucini' pole butta passolongang cera'nu.”

YEREMIA 24:10

LaKupabattui mae ri ke'nanga pa'bundukanga, kacipuranga, siagang garringa sa'genna mate ngaseng ke'nanga siagang tenamo ammantang tassesa anrinni ri pa'rasangang le'baka Kupassareang mae ri ke'nanga siagang boe-boena ke'nanga.”

YEREMIA 21:9

Tunggala' tau ammantanga ri kotaya lamatei lanri pa'bundukang, kacipurang, yareka lanri garring. Mingka tau assuluka manyara mae ri tu Babel angkurungai anne kotaya, lata'lappasaki siagang talanibunoai.

YEREMIA 42:16

“Anjo pa'bundukang siagang kacipurang nukamallakkanga lanaondangko sa'gennu mange ri Mesir, siagang lamateko anjoreng ri pa'rasanganga.

YEREMIA 42:17

Sikontu tau terasaka pa'mai'na ero' a'lampa mange ri Mesir siagang ammantang anjoreng, lamatei lalang pa'bundukang, yareka lamatei lanri kacipurang yareka lanri garring. Tena manna sitau lata'lappasa' battu ri bala laKupabattua mae ri ke'nanga; yangasenna lamatei.

YEREMIA 24:9

LaKupa'jari cilakai ke'nanga sa'genna sikontu bansaya ri sikontu linoa a'jari malla' ngasengi. Kemae-kemae ke'nanga Kupasiara', lanicau-caui ke'nanga, dipa'jari kakkallang siagang nicalla-calla. Arenna ke'nanga lanipakei a'jari pattunra.

HOSEA 9:6

Punna battui balaya, siagang nierang ngasengko mange ri pa'rasangang maraeng, anjo niaka tassesa ammantang battu ri kau ngaseng lanipasse'rei ri tu Mesir untu' nabuno siagang natarawang ri Memfis! Lattimboi rukuka siagang katintinga antongkoki tampa'-tampa' bate balla'nu siagang barang-barang pera'nu tinggia anggaranna.