YEREMIA 44:10 - KITTA' MATANGKASA'

¹⁰ Mingka sa'genna kamma-kamma anne taerokako ampakatunai kalennu siagang attallasa' situru' hukkung Kupassareanga mae ri kau siagang mae ri boe-boenu.

YEREMIA 44:10 Referans Kwoze

PANGNGEBARANG 28:14

Tuli pakalompoi Batara, na nulamate'ne. Punna nubaliangi, langgappako bala.

PAPPICINI' 15:4

Inai tamallakka ri Katte, Batara? Inai taeroka ampa'la'bangi kalompoanTa? IKatteji bawang matangkasaka. Sikontu bansaya labattui anynyomba ri Katte, nasaba' nacini' ngasemmi sikontu taua kaadelang le'baka Kigaukang.”

1 PETRUS 5:6

Lanri kammana, pakatunai kalennu irawangang lino magassinNa Allata'ala. Sollanna Napakatinggiko sallang punna narapi' wattunna.

YEREMIA 8:12

He ummakKu, mustina siri'-sirikko lanri le'ba'na ngaseng nugaukang anjo apa tuna kammaya! Mingka kapala' rupako siagang tena siri'-siri'nu. Lanri kammana anjo latu'gurukko sangkamma tau maraeng le'baka tu'guru'; cappu'mi riwaya'nu punna Kuhukkungko.

ROMA 11:20

Anjo kammatojengi. Mingka nanipela' ke'nanga lanri tenana natappa' ke'nanga, naikau nitarimako lanri tappa'nu. Jari lanri kammana, teako a'jari tampoi; passangalinna musti mallakko.

LUKAS 23:40

Mingka nipauammi ri anjo tu ja'dala' se'reanga angkana, “Tena numalla' ri Allata'ala? Ikau nihukkung mate tongko sangkamma Ia.

MATIUS 27:54

Malla'mi komandanna surudadua siagang sikamma surudadu niaka anjagai Isa, ri wattunna nacini' ta'ge'goso' buttaya siagang yangasenna anjo kajarianga. Nakanamo ke'nanga, “Ma'nassa Ana'Na tojeng Allata'ala anne Taua!”

MALEAKHI 4:2

Mingka ikau tau mannurukia ri Nakke, lammumbai koasangKu mappasalamaka rapang mataallo, nasioro'na angngerangi pappakamolle ri garring. Lata'lappasakko siagang larannuko rapang ana' sapi beru assuluka battu ri barana.

YEHEZKIEL 9:4

“A'lampako mange ri sikontu kotaya siagang sarei pammatei abanna sikamma tau si'naya siagang susaya pa'mai'na lanri anjo panggaukang appakaringika ri anjo kotaya.”

YEREMIA 36:24

Manna pole sanna' napala'na Elnatan, Delaya, siagang Gemarya sollanna tena natunui karaenga anjo kitta' nigulunga, mingka taerokai karaenga ampilangngeri ke'nanga. Baji' nakaraenga kammayatompa sikamma pagawe allangngerekai bonena anjo kittaka tena na'jari malla' yareka assesse' lalang nicini'.

YEREMIA 10:7

Inai kutadeng taeroka mappilangngeri mae ri Katte, Karaenna sikontu bansaya? Tojeng, siratang sikaliKi' nipakalompo. Battu ri sikontu cara'deka ri alla'na bansa-bansaya siagang battu ri sikontu karaenna ke'nanga, tena manna sitau akkulle nipasangkamma iKatte, o Batara.

YESAYA 66:2

Sikontu linoa sangnging bate pare' limangKu, jari yangasenna anjo apa nipa'jari. Mingka ia Kungaia iamintu tau tuna pa'maika, assesse' lalanga lanri dosa-dosana, ia mallaka siagang mannurukia mae ri Nakke.

YESAYA 57:15

Saba' kammaminne kananNa Allata'ala Kaminang Tinggia na matangkasa', makoasaya sa'genna satunggu-tungguna, “AmmantangA' ri tampa' tinggia siagang tangkasaka, mingka ammantang tongA' ri alla'na tau tuna pa'maika siagang tau assesse' lalanga lanri dosa-dosana, untu' ampamollei sumanga'na siagang panrannuanna ke'nanga.

PANGNGEBARANG 16:6

Tau tenaya namminra nyawana mae ri Allata'ala lanipammopporangi; tau mappilangngeria lanipalili battu ri sikontu kaja'dallanga.

PANGNGEBARANG 14:16

Tau bajika akkala'na tutui na bella battu ri kaja'dallanga, tau dongoka lintaki nai' larrona, nampa amang nasa'ring.

PANGNGEBARANG 8:13

Punna nipakala'biri' Batara, battuanna nikabirisi kaja'dallanga; takungaiyai kaborroanga siagang katampoanga. Kukabirisi gau'-gau' ja'dalaka siagang kana-kana annipua.

PAMMUJI 51:17

O, Batara, tulunga' a'bicara, nakulammuji-muji mae ri Katte.

PAMMUJI 34:18

Punna akkio' tu bajika, nipilangngeri ri Batara, na nipasalama' ke'nanga battu ri kasukkarranga.

2 PATTOTTORANG 34:27

assesse' lalang mako siagang nupakatunami kalennu ri dallekangKu. Le'ba'mi Kupau angkanaya laKuhukkungi Yerusalem siagang sikontu pandudu'na, mingka ri wattu nulangngere'na anjo kanangKu angngarru' mako siagang nukae-kaemi pakeannu tanra si'nana nyawanu. Kulangngere'mi pappala' doannu,

2 PATTOTTORANG 33:19

Lalang ri kitta' Pau-pauanna Na'bi-na'bia nia' tongi nicata' pappala' doanna Manasye siagang papialinNa Allata'ala mae ri anjo pappala'na, kammayatompa carita ri passala'na dosa-dosa nagaukanga lalang tenanapa natoba', tampa'-tampa' panynyombang barhala siagang patung-patung Dewi Asyera napareka, siagang barhala-barhala nasombaya.

2 PATTOTTORANG 33:12

Lalang nakasia'namo anjo sessaya napakatunami kalenna ri dallekanNa Karaeng Allata'alana, nampa appala' doang appala' pannulung.

2 PATTOTTORANG 32:26

Mingka kale'bakkanna napakatunami kalenna Hizkia siagang tu Yerusalem; jari lalang attallasa'na ija Hizkia, tenapa nanipabattui anjo hukkunganga.

2 KARAENG-KARAENG 22:19

assesse'lalang mako siagang nupakatunami kalennu ri dallekangKu. Le'ba'mi Kugammara' Yerusalem siagang pandudu'na angkanaya eroki Kuhukkung. Eroki Kupa'jari anjo kotaya sanna' appakamalla'na nicini', siagang laKupa'jari anjo arenna Yerusalem kana pattunra. Mingka ri wattunna nulangngere' anjo kana panggammarakKu, angngarru' mako siagang nukae-kaemi pakeannu napakamma si'na pa'mai'nu. Kulangngere'mi pappala' doannu,

1 KARAENG-KARAENG 21:29

“Le'ba'mi nucini' antekamma batena Ahab ampakatunai kalenna ri dallekangKu? Lanri kammana anjo, tena nalaKupabattu balaya ri tallasa'na ija. Ri wattu ana'napi nampa Kupabattu anjo balaya mae ri kaluargana.”

KALAPPASSANG 10:3

Nampa a'lampami Musa siagang Harun mange andallekang ri karaenga na nakana ri ia, “Batara, Allata'alana bansa Ibrani, appasangi angkana, ‘Siapapi sallonu taeroka tundu' mae ri Nakke? Lappassammi ummakKu a'lampa, sollanna akkulle ke'nanga nagaukang ibadana mae ri Nakke.

KALAPPASSANG 9:30

Mingka kuassengi angkanaya ikatte siagang sikamma pagaweta tenapa namalla' mae ri Karaeng Allata'ala.”

KALAPPASSANG 9:17

Mingka manna mamo nakamma anjo, tuli tinggi langganu siagang taerokako allappassangi ummakKu a'lampa.

PAMMUJI 78:10

Nadakkai parjanjianna ke'nanga siagang Allata'ala, taerokai mannuruki ri hukkunNa.

YEREMIA 6:15

Mustina siri'-siriki ke'nanga lanri le'ba'na nagaukang ngaseng anjo panggaukang tunaya. Mingka kapala' rupai siagang tena siri'na ke'nanga. Lanri kammana, latu'guruki ke'nanga sangkamma tau maraenga; cappu'mi riwaya'na ke'nanga punna Kuhukkungi ke'nanga. INakke, Batara, anne akkana.”

YEREMIA 26:4

Nasuroa' Batara ampaui anne mae ri ke'nanga, “INakke, Batara, le'baki Kuparentakang mae ri kau sollanna mannurukiko mae ri Nakke siagang nupajappa hukkung-hukkung le'baka Kupassareang mae ri kau.

YEREMIA 32:23

Mingka ri wattunna battu ke'nanga mae anrinni ri pa'rasanganga siagang naempoi, tenamo namannuruki ke'nanga ri parenta-parentaTa, kammayatompa taerokai attallasa' situru' ajarang-ajaranTa. Sikontu apa Kiparentakanga mae ri ke'nanga tena manna se're nagaukang ke'nanga. Lanri kammana anjo naKipabattumo sikontu anne balaya mae ri ke'nanga.

YESAYA 42:24

Inai ampassareangi Israel untu' nirampasa'? Sai KalenNa tonji Batara? Ri Ia maki' doraka, tena nittallasa' situru' parentaNa, siagang tena nimannuruki ri ajaranNa.

YEREMIA 5:3

Sikontutojenna ia Natuntuka Batara iamintu pa'mai' tamamminraya. Natunrungko Batara, mingka tena nujampangi. Nalicakko, mingka taerokako niajara'. Kapala batuko, siagang taerokako toba' battu ri dosa-dosanu.