Biblia Todo Logo
Bib sou entènèt

- Piblisite -




YEREMIA 43:12 - KITTA' MATANGKASA'

12 LapparinrA' pepe' ri sikamma balla'-balla' rewatana Mesir, nampa lanatunu karaeng Babel anjo patung-patung barhalaya ri anjo balla' rewataya yareka naengkaki mange ri pa'rasanganna. Rapang sitau pakalawaki antangkasi pakeanna battu ri gantuma, kamma tomminjo karaeng Babel lambarrasaki Mesir, nampa a'lampa ammotere' tena anrompai.

Gade chapit la Kopi




YEREMIA 43:12
36 Referans Kwoze  

Nakana Batara Kaminang Tinggia, “LaKuancuruki barhala-barhalaya siagang rewata-rewataya ri Memfis. Talaniakkamo pole karaeng ri Mesir. Sikontu pandudu'na laKupa'jari mallaki.


Ciniki siagang parhatikangi niaka ri tammulilinu, a'rappungammi ra'ya'nu battu mae ri kau. Lanri iNakke, Allata'ala mattallasaka, Kukana, tojeng, lalompoi pa'mai'nu lanri pandudu'nu, rapang bunting baine lompoa pa'mai'na lanri belo-belona.


Iaminne pappasang ri passala'na tu Mesir. Battui sallang Batara mange ri Mesir a'dongko' rammang gassinga larina. Annekkere' ngasengi sikamma barhalana tu Mesir ri dallekanNa siagang ca'dimi nyawana tu Mesir napakamma.


Moab! Ikau nupattoangi kaporeannu siagang kakalumanynyangngannu. Mingka kamma-kamma anne ikau kalennu lanibetako. Kasmos, rewatanu, siagang sikamma imanga siagang pagawena laniengkaki mae nipela'.


Batara Kaminang Koasaya, iamintu Allata'alana Israel, Nakana, “LaKuhukkungi Amon, rewata battua ri Tebe, siagang sikontu Mesir kammayatompa rewata-rewatana siagang sikamma karaenna. Karaeng Mesir siagang sikontu tau ampattoangai


akkalimbukKi' cahaya. IKatte ampaka'rangi langika sanrapang kema,


Beloi kalennu siagang kaga'gang siagang kalompoang, pakei kagammarranga siagang kala'biranga.


Se're tumalompona pa'rasanganga, ia battua ri golongang karaenga, musti ampipakei anjo tau eroka kipakala'biri'. Nampa nierang anjo taua nirurungang ri taua andongkoki jaranna karaenga allalo ri parang lompona kotaya. Anjo tumalompona pa'rasanganga la'jappai ri dallekanna akkiok-kio' angkana, ‘Kammaminne batena karaenga ambilang lompoi tau napakala'birika!’ ”


Larimi tu Filistin, siagang tenamo nasawe angngerangi sikamma patung-patung barhalana ke'nanga. Niallemi ri Daud siagang ana' buana anjo patung-patunga.


Anjo bangngia laKujappai sikontu butta Mesir, nampa Kubuno sikontu ana'-ana' bura'ne toaya, baji' rupataua, kammayatompa olo'-oloka. LaKuhukkungi sikontu rewatana Mesir, lanri iNakkeji bawang Batara.


Siagang kaminang parallua iamintu: musti sikamaseangko nasaba' iaminjo pangngamaseanga ampa'jari se're ngasengko, sa'gennu a'jari sukku'.


Ikau Umma'Nako Allata'ala. Nakamaseangko Allata'ala siagang Napileiko Allata'ala untu' a'jari umma'Na nasa'la' maraenga. Iaminjo saba'na numusti mangngamaseang, baji' pa'mai', tuna pa'mai', tena nukasara', siagang attahangko angkasiaki pa'risika.


Pake ngasengi sikontu sanjata Napassareanga Allata'ala mae ri kau; sollannu akkulle attahang angngewai sikamma akkala' salana Billisika.


Paralluko a'jari tau beru lalang tallasa'nu, lanri le'ba'numo niberui situru' ero'Na Allata'ala; iamintu assipa' tojeng, lambusu', siagang matangkasa'.


A'birimmi allalo bangngia; natasalloami nasingara'. Jari, baji' maki' ammari anggaukangi gau'-gau' sassanga. Parallui nipipakei kalenta sanjata singaraka.


LaNapa'jari Batara malla' ke'nanga. LaNaancuruki rewata-rewata niaka ri tompo'na buttaya. Nampa sikontu bansaya lanynyombai mae ri Batara, massing ri pa'rasanganna ke'nanga.


Bel, iamintu rewatana pa'rasangang Babel Kuhukkungi. LaKusuroi ampoterangi sikamma apa-apa le'baka narampasa'. Bansa-bansaya tenamo nalanynyomba mae ri ia. Runtummi tembo'-tembo'na Babel.


“Attannangko pammatei siagang pa'la'bangi pau mae ri bansa-bansa angkanaya tu'guru'mi Babel! Teako rahasiakangi anjo passalaka! Merodakh, rewatana, niancuruki, siagang patung-patunna lalea reppe'mi tassimbung-simbung, kammayatompa sikamma barhalana sanna'mi batena nihina-hina.


Nakana Yerusalem, “Rannui pa'maikku lanri Batara, mate'nei atingku lanri Allata'ala. Rapang bunting bura'ne siagang baine ammake belo-belo ga'ga ngaseng, kammaminjo Napatabaya Batara ri nakke baju kasalamakkang siagang pammetang.


He, bansaku, lanalayaniko bansa maraenga; lanakalawaki ke'nanga olo'-olo' piaranu lanajamai kokonnu siagang koko anggoro'nu.


Napakei kaadelanga siagang kasalamakkanga a'jari baju bassi siagang topi baja. Attojeng-tojengi appattujuang untu' appakabaji' siagang ambalasaki tau a'gau' tenaya naadele'.


Ambangungko, he Yerusalem, ambangung mako! Pakajarreki pa'mai'nu! Pakei pakeang kalompoannu! He Yerusalem, kota matangkasaka, takkulleami allalo antama tau rantasaka ri pakke'bu' lomponu.


Iaminne kale'bakkanna rewata-rewata Babel; riolo nisombai patung Bel, siagang Nebo, mingka kamma-kamma anne nipatekeki ri olo'-olo' a'jari erangang mae ri olo'-olo' posoa.


Ciniki, anjomi ke'nanga! Pasukang a'jarang ta'rua-rua a'gimbara' battu. Nampa nakabarrammo anjo pajagaya angkana, “Runtummi Babel! Patung-patung napakalompoa ke'nanga ancuru'mi tassia'-siara' ri buttaya.”


Tuli lasalewangangi kakaraenganna, mingka musu-musunna lanipakasiriki.”


Imang-imanna ampappicinikangi kasalamakkang battua ri Nakke; lakkelongi umma'na siagang akkio' rannu.


Anjo patung-patunga takkulleai natulung paeranna, kalenna ke'nanga nilalingi a'jari tahanang. Iaminjo kale'bakkanna ke'nanga.


Sikamma patung-patunna barhalaya ri Heliopolis ri Mesir, laniancuru' ngasengi, siagang sikamma balla'-balla' rewataya ri Mesir lanitunui sa'genna la'busu'.”


Tembo'-tembo'na kota Damsyik laKutunui, siagang sikamma balla' karaenna Karaeng Benhadad laKupa'jari ammutungi. INakke, Batara Kaminang Koasaya, anne akkana.”


Tena tau yareka olo'-olo' angngoloi. Lalang patampulo taung tena tau lampammantangngi.


Ri wattunna ammotere' mange ri Mesir, lanaerangi patunna rewatana musunna siagang pakkakasa' bulaeng siagang pera' le'baka nipassareang mae ri anjo rewataya. Siapa are taung sallona tena nalanabunduki karaenna anjo pa'rasangang waraka.


Ikau ngaseng, he ummaka, musti nupauangi ke'nanga angkanaya lanipanraki anjo sikamma rewata-rewata tenaya napa'jari langika siagang buttaya. Lanipa'lanynyaki ke'nanga battu ri tompo'na buttaya.)


Anjo barhala-barhalaya tena anggaranna, siratangi nicau-cau siagang nihina. Punna narapiki sallang wattunna lapanraki ke'nanga.


Iaminne areng-arenna sikamma tau mustia angnginung battu ri anjo kaca pangnginungang anggoro'Na Batara: karaeng Mesir siagang sikamma pagawena kammayatompa tunna'galaka jabatang; sikontu tu Mesir siagang bansa maraeng niaka ammantang ri Mesir; sikontu karaenga ri pa'rasangang Us; sikontu karaenga ri kota-kota Filistin ri Askelon, Gaza, Ekron; sikontu tau attallasaka ija ri Asdod; sikontu tu Edom, Moab, siagang Amon; sikontu karaenga ri Tirus siagang Sidon; sikontu karaenga ri birinna Tamparang Tangngaya; kota-kota Dedan, Tema, siagang Bus; sikontu tau ancukkuru' bodoai uu'na; sikontu karaeng Arab; sikontu karaeng suku-suku campurang ammantanga ri parang lompoa; sikontu karaenga ri Zimri, Elam, siagang Madai; sikontu karaenga wara', bellaya siagang ambania, tunggala' taua. Sikontu bansa ri sikontu tompo'na buttaya musti nainungi anjo anggoroka. Na tau kala'busanga musti angnginungi anjo anggoroka iamintu karaeng Babel.


Lanri kammana anjo, iNakke Batara Kaminang Tinggia Kukana: Butta Mesir laKupassareangi mae ri Karaeng Nebukadnezar. Lanaellaki siagang lanarampasaki kammayatompa lanaengkaki sikontu anjo kakalumanynyangnganna Mesir salaku sawala'na tantarana.


Swiv nou:

Piblisite


Piblisite