YEREMIA 42:3 - KITTA' MATANGKASA'

³ sollanna Napicinikiangi Karaeng Allata'ala ikambe angkana kemae musti a'lampa siagang apa musti nagaukang ikambe.”

YEREMIA 42:3 Referans Kwoze

PANGNGEBARANG 3:6

Angngu'rangiko mae ri Batara lalang sikontu apa nugaukanga, na Iami lampicinikiangko nikanaya carana attallasa' bajika.

PAMMUJI 86:11

Kiajarakka' mae ri erotTa, o, Batara, sollanna kupinawang siagang majarre'; Kiajaria' a'jari tumappilangngeri sibatu pa'mai'.

MIKHA 4:2

lanakana ngaseng ke'nanga, “Umba kinai' ri bontoNa Batara ri Balla'Na Allata'alana Israel! LaNapangngajarrangi mae ri katte apa mustia nigaukang. Lanipinawangi oloanNa lanri pangngajaranNa Batara battu anjorengi ri Yerusalem; battu ri Sion a'bicara mae ri umma'Na.”

YEREMIA 6:16

Nakana Batara ri umma'Na, “Ammentengko ri sikamma panyingkulu'na aganga, siagang parhatikangi baji'-baji'! Pakkuta'nangngangi sikamma agang-agang riolo-rioloa, siagang kereanga kaminang baji' anjo aganga. Pinawammi anjo aganga, sollanna sannang katallassannu.” Mingka angkanai ke'nanga, “Tena, tena naero' ikambe ampinawangi anjo aganga!”

EZRA 8:21

Nampa kupa'la'bammo kupau anjoreng ri biring Binanga Ahawa angkana sikontu taua musti appuasai siagang napakatunai kalenna ri dallekanNa Allata'ala. Appala' doammi ikambe sollanna nipimping ikambe ri Allata'ala lalang ri anjo pa'jappanga, siagang Najagai ikambe, ana'-ana'na ikambe, siagang sikontu barang-baranna ikambe.

YESAYA 2:3

nakana ngaseng ke'nanga, “Umba kinai' ri Bulu'Na Batara, ri Balla'Na Allata'alana Israel. LaNapangngajarrangi mae ri katte apa mustia nigaukang. Lanipinawangi oloanNa, saba' battu ri Yerusalem ajaranNa Batara, battu ri Sion A'bicara.”

1 KARAENG-KARAENG 8:36

poro Kipilangngeri ke'nanga battu ri suruga. Siagang pammopporangi dosana ummatTa Israel kammayatompa karaenna ke'nanga. Ajaraki ke'nanga anggaukangi apa tojenga. Le'baki anjo, o Batara, paturummi bosia ri anne pa'rasanganTa, pa'rasangang Kipassareanga mae ri ummatTa untu' nakammai sa'genna satunggu-tungguna.

PAOLE 5:29

Ka'de' natuli kammana anjo pa'mai'na ke'nanga! Ka'de' natuli napakalompoA' siagang naturuki sikontu parentaKu, sa'genna salewangang ke'nanga siagang jari-jarina sa'genna satunggu-tungguna!

PAOLE 5:26

Niakka rupatau akkulle tuli attallasa' le'ba'namo nalangngere' Allata'ala mattallasaka a'bicara battu lalang ri pepeka?

PAMMUJI 27:11

Kipicinikianga' apa Kikaerokia, o, Batara, rurunganga' mange ri oloang lambusuka, saba' tamaka jaina musungku.