YEREMIA 42:19 - KITTA' MATANGKASA'

¹⁹ Nampa kukana pole, “Le'ba'mi Naparentakang Batara sollanna ikau niaka ija tassesa ri Yehuda tena nu'lampa mange ri Mesir. Lanri kammanami anjo nakupakaingakko kamma-kamma anne,

YEREMIA 42:19 Referans Kwoze

PAOLE 17:16

Se'rea karaeng takkulleai ammallaki jai jarang untu' tantarana siagang takkulleai nasuro anne bansaya ammotere' mange ri Mesir untu' ammalli jarang, lanri le'baki Napau Batara angkanaya takkulleai ammotere' umma'Na mange ri anjo pa'rasanganga.

NEHEMIA 9:26

Mingka apparicui ummatTa na tamannurukia, nabawang-bawangngangi hukkunTa siagang paratoranTa, nabunoi na'bi-na'bi ampakaingakai ke'nanga, assuroai ke'nanga ammotere' ri Katte, Allata'alana. O, Batara, a'mole-mole tongKi' nihina ri ke'nanga.

1 TESALONIKA 4:6

Ri anne passalaka, tea' laloko niakki appanggaukang sala yareka annipu mae ri sari'battanna. Pirangalloang le'ba'mi napau sitojeng-tojenna ikambe mae ri kau ngaseng angkanaya laNahukkungi Batara sikontu tau anggaukangai kasalang kammaya anjo.

EFESUS 4:17

Lanri kammana, nasaba' arenNa Batara, iaminne lakupaua siagang lakupattantua: tea' mako attallasa' sangkammai pole tau tenayapa natappa' ri Allata'ala, siagang tau tenaya nannaba-naba pikkiranna.

LAMPA-LAMPANA 2:40

Kammaminjo napakasingaraka Petrus mae ri ke'nanga. Siagang ilalang a'rupa-rupa bicara maraengang, napakainga' tommi ke'nanga sollanna napakabella kalenna ke'nanga battu ri anne bansa ja'dalaka laNahukkunga sallang Allata'ala.

YEHEZKIEL 17:15

Mingka karaeng Yehuda angngewai siagang akkiringi tau mange ri Mesir untu' appala' jarang siagang tantara jai. Maka lania' wassele'na anjo usahana? Maka lanilappassangi ta'lappasa'? Tena olona lanadakkai parjanjianga natena nanihukkungi!

YEHEZKIEL 3:21

Punna nupakaingaki anjo tau bajika sollanna tena na'gau' dosa, siagang naturuki pappakainga'nu, tena nalaKuhukkungi siagang ikau lasalamakko.”

YEHEZKIEL 2:5

apaka napilangngeri ke'nanga yareka tena; ia parallua, iamintu musti naassengi ke'nanga angkanaya nia' na'bi ri tangnga-tangngana ke'nanga.

YEREMIA 38:21

Mingka punna teaki' ampassareangi kalenta karaeng, le'ba'mi Nappappicinikang Batara apa lakajarianga.

2 PATTOTTORANG 24:19

Assuromi Batara na'bi-na'bi untu' ampakaingaki ke'nanga sollanna ammotere' anynyomba mae ri Batara; mingka taerokai ra'yaka mappilangngeri.

PAOLE 31:21

siagang jai bala lompo lantujui ke'nanga. Mingka anne kelonga tuli lanikelongangi siagang tuli lanipakei salaku sa'bi mae ri ke'nanga. Ba'lalo manna ri kamma-kammaya anne, lalang tenanapa naKuerangi ke'nanga mange ri anjo pa'rasangang Kupa'janjianga, Kuassemmi nawa-nawanna ke'nanga.”

PAMMILANGNGANG 14:3

Untu' apa naNaerangki' Batara mange anjoreng ri pa'rasanganga? Mateki' sallang lalang pa'bundukanga nampa nijakkala' sikamma bainenta siagang ana'-anatta. Sai bajikangngangi ammotereka mange ri Mesir!”

YESAYA 21:12

Appialima' angkana, “Labattui bari'basaka, mingka bangngia pole. Punna erokko akkuta'nang, battu poleang mako akkuta'nang.”