YEREMIA 41:5 - KITTA' MATANGKASA'

⁵ nia'mo tau sagantujupulo battu ri Sikhem, Silo, siagang Samaria. Le'baki nacukkuru' janggo'na ke'nanga, nakae-kae pakeanna, siagang nakere'-kere' kalenna ke'nanga. Angngerangi ke'nanga gandung siagang kamanynyang untu' napassareang ri Balla'Na Batara.

YEREMIA 41:5 Referans Kwoze

1 KARAENG-KARAENG 16:24

Mingka ribokoanganna ammallimi se're moncong 6.000 doe' pera' ballinna battu ri sitau niarenga Semer. Nampa ambangung se're kota ri anjo monconga siagang naareng Samaria, situru' arenna Semer, areng patannaya riolo anjo monconga.

2 KARAENG-KARAENG 25:9

Natunui Nebuzaradan Balla'Na Batara, balla' karaenga siagang balla'na sikontu pamimpinga ri Yerusalem.

YOSUA 18:1

Le'baki nabeta tu Israel anjo pa'rasangang Napa'janjianga Batara, asse'remi ke'nanga ri Silo, nampa nabangung ke'nanga Kema KahaderanNa Batara.

PAOLE 14:1

“Ikaumi umma'Na Karaeng Allata'alanu. Jari punna susako lanri kamateangko, teako loko'-lokoki batangkalennu yareka teako cukkuruki bageang dallekanna ulunnu sangkamma nagaukanga bansa-bansa maraenga.

1 KARAENG-KARAENG 12:1

A'lampai Rehabeam mange ri Sikhem, lanri sikontu ra'yaka ri Israel bageang wara' nia'mi a'rappungang anjoreng untu' angngangkaki a'jari karaeng.

HAKING-HAKING 9:1

Ri se'reang allo a'lampami Abimelekh, iamintu ana'na Gideon, mange ri kota Sikhem, napammantangia bijanna amma'na. A'bicarami anjoreng mae ri ke'nanga angkana,

PA'JARIANG 33:18

Lalang ri pa'lampanna Yakub battu ri Mesopotamia, battumi siagang salama' ri kota Sikhem, ri pa'rasangang Kanaan. Nampa nabangummo kemana ri se'reang parang ri ampi'na kotaya.

YESAYA 15:2

Pandudu'na Dibon angngambiki nai' ri buluka untu' mange angngarru' ri tampa' panynyombanga ri rewata-rewataya. Pandudu'na Moab si'nami angkarruki kota Nebo siagang Medeba. Nacukkuruki uu'na siagang janggo'na tanra susana ke'nanga.

1 KARAENG-KARAENG 16:29

Ri taung makatallumpulona assagantuju pamarentahanna Karaeng Asa ri Yehuda, Ahab ana'na Omri a'jari karaeng ri Israel na ammarenta ri Samaria ruampulo anrua taung sallona.

1 KARAENG-KARAENG 12:25

A'jari karaennamo ri Israel, nakassakkimi Yerobeam kota Sikhem ri daera pa'monconganna Efraim, nampa ammantang anjoreng untu' sinampekang wattu. Nampa a'lampa pole battu anjoreng na nakassakki kota Pnuel.

1 SAMUEL 1:7

Kammaminjo kajariang taung-taung. Punna a'lampa ke'nanga mange ri Balla'Na Batara, tuli nipa'risi nyawana Hana ri Penina. Biasai Hana angngarru' siagang taerokai angnganre lanri nihinana.

YEREMIA 7:14

Jari, anne BallakKu nupattoanga, siagang anne tampa' Kupassareanga mae ri boe-boenu siagang mae ri kau, laKupakamma tongi kota Silo riolo.

YEREMIA 7:12

A'lampako mange ri Silo, iamintu kota le'baka riolo Kupile a'jari tampa' panynyombang mae ri Nakke. Ciniki apa le'baka Kugaukang mae ri anjo tampaka lanri dosana ummakKu Israel.

PAMMUJI 102:14

LambangungKi' na Kikamaseang Sion, narapi'mi wattunTa untu' mangngamaseang ri ia.

2 SAMUEL 10:4

Na najakkala'mo Hanun anjo sikamma tunisurona Daud, nacukkuruki siali janggo'na ke'nanga, napolongi pakeanna ke'nanga sa'genna pungku'na, nampa nasuro ke'nanga a'lampa.

YOSUA 24:32

Maya'na Yusuf, naeranga umma' Israel battu ri Mesir, nitarawangi ri Sikhem, iamintu butta naballia Yakub sibilangngang doe' pera' battu ri ana'-ana'na Hemor, manggena Sikhem. Anjo buttaya niwarisiki mae ri jari-jarina Yusuf.

PA'JARIANG 34:2

Ri wattunna nicini' Dina ri Sikhem, iamintu ana'na Hemor tu Hewi, a'jari karaenga ri anjo daeraya, nalariammi Sikhem anjo tuloloa, nampa napassa nagau' sala.

PA'JARIANG 37:12

Ri se'reang allo, ri wattu a'lampana sikamma daenna Yusuf untu' angkalawaki sikamma bembena siagang gimbala'na manggena ke'nanga,

HAKING-HAKING 18:31

Anjo patung barhala bate pare'na Mikha tuli niaki ri Lais ri wattu nia'na KemaNa Batara ri Silo.

PAMMUJI 78:60

Nabokoimi KemaNa ri Silo, tampa' pammantanganNa ri alla'na rupataua.

YEREMIA 16:6

Sikamma tau kalumanynyanga siagang tau kasi-asia ri anne pa'rasanganga lamatei natena tau antarawangi ke'nanga. Tena manna sitau lansessai kalenna yareka anggondoloki ulunna salaku pammatei ri kasusaanna ke'nanga.

YEREMIA 41:4

Allo ammukona, ri tenanapa naassengi taua angkana nibunoi Gedalya,

YEREMIA 47:5

Tu Gaza nitujui ri susa lompo; pandudu' Askelon a'jari rapangi tau pepe. Siapapi sallona tu Filistin tassesaya tulusu' lasi'na?

YEREMIA 48:37

Le'ba' ngasemmi nacukkuru' uu'na siagang janggo'na ke'nanga, nabokkaki paling-palinna, siagang ammake kaeng karung, pammatei ri kasusaanna ke'nanga.

YO"EL 2:13

Teako pakeannu nukae-kae mingka atinnu.” Assaile mako mae ri Karaeng Allata'alanu. Sarro sa'baraKi siagang lompo panynyayang lammoro' pa'maiKi na mangngamaseang. Nangai appamopporang siagang taNangaiyai anghukkunga.

1 PATTOTTORANG 19:4

Jari najakkala'mi Hanun anjo sikamma tunasuroa Daud, nacukkuruki janggo'na ke'nanga, napolong-polongi pakeanna ke'nanga sa'genna ri aya'na mami bodona. Nampa nasuro ke'nanga a'lampa.