YEREMIA 41:1 - KITTA' MATANGKASA'

¹ Ri bulang tuju anjo taunga, Ismael ana'na Netanya cucunna Elisama a'lampai siagang sampulo tau mange ri Mizpa untu' assibuntulu' siagang Gedalya. (Ismael iamintu sitau bija karaeng, kalase'renna perwira tinggia ri kakaraenganga.) Lalang sipangnganreang ngasenna ke'nanga,

YEREMIA 41:1 Referans Kwoze

YEREMIA 40:8

Jari Ismael ana'na Netanya, Yohanan ana'na Kareah, Seraya ana'na Tanhumet, siagang ana'-ana'na Efai battu ri Netofa, kammayatompa Yezanya battu ri Maakha, a'lampa ngasengi siagang taunna ke'nanga mange ri Gedalya ri Mizpa.

YEREMIA 40:6

A'lampa' mange ri Gedalya ri Mizpa, nampa ammantang anjoreng ti tangnga-tangngana ra'ya' nibolika ri pa'rasangang Yehuda.

PAMMUJI 41:9

Nakana ke'nanga, “Teai sipato' sanna'na garrinna, tena olona lakkulle ambangung poleang.”

YOHANES 13:18

Tena nanataba ngasengko anne apa Kupabattua. Kuassemmi angkanaya inai-nai le'ba' Kupilei. Mingka musti a'rupai apa niaka tattulisi' lalang ri Kittaka, iamintu, ‘Tau Kuaganga sipangnganreang, la'jari musui ri Nakke.’

YEHEZKIEL 17:13

Nampa napilei kalase'renna bijanna anjo karaeng Yehuda, appare' parjanjiang siagang ia, siagang nasuro assumpa lamajarre' mae ri karaeng Babel. Anjo karaeng Babel naallei sikamma tau pamimpinga siagang tau cara'deka

YEREMIA 36:20

Anjo sikamma pagawea naboliki anjo kitta' nigulunga ri kamara'na Elisama, anjo juru tulisika, nampa a'lampa mange ri karaenga allaporo' ngasengi anjo passalaka.

YEREMIA 36:12

Nampa a'lampamo mange ri balla' karaenga, ri kantoro'na juru tulisi'na pamarentaya. Sitabangi rapa' anjoreng sikontu pagawe pamarentaya. Delaya ana'na Semaya, Elnatan ana'na Akhbor, Gemarya ana'na Safan, Zedekia ana'na Hananya, Elisama sitau jurutulisi', siagang sikamma pagawe maraenga niaki anjoreng.

PANGNGEBARANG 27:4

Anjo larroa pallaki siagang ammanraki, mingka inai akkulle attahang andallekangi akkimburua?

PANGNGEBARANG 13:10

Katampoanna poro pa'beserang bawang napaumba; tau cara'deka eroki annarima pangngajarang.

PAMMUJI 109:5

Nabalasaki ke'nanga kabajikangku siagang kaja'dallang, pangngamaseangku siagang kabirisang.

2 PATTOTTORANG 22:10

Ri wattunna naassemmo Atalya angkanaya matemi Ahazia ana'na, naparentakammi sollanna nibuno kabusu' kaluargana karaeng Yehuda.

2 KARAENG-KARAENG 25:25

Mingka ri bulang 7 anjo taunga, Ismael ana'na Netanya cucunna Elisama, sisambung bijaya ija siagang karaenga, a'lampai siagang 10 tau mange ri Mizpa. Nabakkai siagang nabunoi ke'nanga anjo Gedalya siagang tu Yehuda na tu Babel niaka naagang.

2 KARAENG-KARAENG 11:1

Ri wattunna naasseng Atalya angkanaya matemi ana'na, iamintu Karaeng Ahazia, naparentakammi sollanna nibuno kabusu' sikontu kaluargana Ahazia.

2 SAMUEL 3:27

Tena nasallo battuna Abner mange ri Hebron, nikio'mi ri Yoab mae ri sa'ri, mae ri ampi'na pakke'bu' lompoa, sangkamma angkanaya nia' rahasia lanabicara. Ti'ring natobo'mi Yoab parru'na Abner sa'genna mate. Kammaminjo namatemo Abner nibuno ri Yoab untu' ambalasaki pammunoanna Abner ri andi'na Yoab iamintu Asael.

YEREMIA 39:14

naallema' battu ri paranglakkenna balla' karaenga. Nampa napassareanga' ri Gedalya ana'na Ahikam, cucunna Safan, ia mustia angngantarakka' ammotere' siagang salama'. Jari ammantamma' ri alla'na ra'yaka.

YEREMIA 40:5

Ri tenanapa ku'lampa, nakana Nebuzaradan, “Punna erokko, akkulleko ammotere' mange ri Gedalya ana'na Ahikam cucunna Safan, le'baka niangka' ri karaeng Babel a'jari guburnur mae ri kota-kota Yehuda. Akkulleko ammantang siagang ia ri tangnga-tangngana ra'yaka, yareka manna pole kamae nukaerokia.” Nampa nasarema' siapa are jaina kanre-kanreang siagang hadia, nampa nalappassanga' a'lampa.

YEREMIA 40:13

Le'baki anjo, Yohanan siagang sikamma perwira tenaya namanyara mae ri musua, battui mange ri Gedalya ri Mizpa

2 KARAENG-KARAENG 25:22

Le'baki anjo naangka'mi Karaeng Nebukadnezar tu niarenga Gedalya ana'na Ahikam cucunna Safan, a'jari guburnur ri Yehuda untu' ammarenta mae ri sikontu tau niaka ija ammantang anjoreng.

YEREMIA 40:7

Karaeng Babel le'baki naangka' Gedalya a'jari guburnur ri Yehuda untu' ammarenta mae ri sikontu tau niaka ija ammantang ri Yehuda, iamintu sikamma tau kaminang kasi-asia. Sipa'gang battu ri sikamma perwira siagang parajuri' Yehuda tenaya namanyara mae ri Babel, nalangngereki anjo passala' niangka'na Gedalya.