YEREMIA 40:11 - KITTA' MATANGKASA'

¹¹ Lalang anjo wattua sikontu tu Israel niaka ri pa'rasangang Moab, Amon, Edom, siagang pa'rasangang-pa'rasangang maraenga, nalangngereki angkanaya karaeng Babel nasaremi ising sipa'gang tu Israel ammantang ri Yehuda, kammayatompa angkanaya le'ba'mi naangka' Gedalya a'jari guburnur.

YEREMIA 40:11 Referans Kwoze

YESAYA 16:4

Saremi ikambe ising annumpang ri pa'rasangannu. La'langimi ikambe mae ri tau eroka ampanraki ikambe.” (Panjallakkanga siagang pammanrakia nia' kala'busanna, siagang sikamma tau angngancurukai siagang tau anjallakkangai pa'rasangang Israel lalanynyaki.

YEHEZKIEL 35:15

sangkamma todong sannannu ri wattunna a'jari sino Israel Kupatanga. Moncong-moncong Seir, ba'lalo sikontu Butta Edom la'jari sino sikali. Jari sikontu taua lanaassemmi angkanaya iNakkemi Batara.’ ”

YEHEZKIEL 35:5

Battu riolo iji nanumusu Israel siagang nulappassang ke'nanga nibuno ri wattunna nituju ri bala salaku hukkungang kala'busang mae ri dosana ke'nanga.

YEHEZKIEL 25:12

Nakana Batara Kaminang Tinggia, “Bansa Edom le'baki nagaukang sala lompoa, lanri a'gau' pallaki mae ri Yehuda, salaku tindakang pa'balassang.

YEHEZKIEL 25:8

Nakana Batara Kaminang Tinggia, “Napaui Moab angkanaya anjo Yehuda sangkammai siagang bansa-bansa maraenga.

YEHEZKIEL 25:6

Nakana Batara Kaminang Tinggia, “Attempa limako siagang a'rannu-rannuko. Nupakatunai butta Israel.

YEHEZKIEL 25:2

“He tau, tunrai pa'rasangang Amon.

YEHEZKIEL 5:12

Bage tallunna pandudu'nu lamatei passabakkang garring siagang bala kacipurang antujuai kotaya. Bage tallunna lamate nibunoi siagang pa'dang ri pantaranganna kotaya, nampa bage tallunna pole laKupasiaraki mange-mange siagang laKuondangi siagang pa'dang.

YEHEZKIEL 5:3

Boliki sike'de' battu ri anjo uuka siagang rokoki lalang ri lappa'na jubanu.

YEREMIA 24:9

LaKupa'jari cilakai ke'nanga sa'genna sikontu bansaya ri sikontu linoa a'jari malla' ngasengi. Kemae-kemae ke'nanga Kupasiara', lanicau-caui ke'nanga, dipa'jari kakkallang siagang nicalla-calla. Arenna ke'nanga lanipakei a'jari pattunra.

1 SAMUEL 12:12

Mingka nuassenna angkana lanabundukiko Nahas, anjo karaeng Amon, nusorongbokomi Batara a'jari Karaennu nampa nukana ri nakke, ‘Eroki ikambe niparenta ri se'reang karaeng.’

1 SAMUEL 11:1

Nampa Nahas, iamintu karaeng tu Amon, napagio'mi tantarana nampa nakurung anjo kota Yabesh ri daera Gilead. Angngussulu'mi panduduka mae ri Nahas kamma anne, “Appare' maki' parjanjiang siagang ikambe, nampa latundu' ikambe mae ri katte.”

PAMMILANGNGANG 25:1

Lalang ammantanna bansa Israel ri Lappara' Ka'bung Sitim, appakkaramulami tubura'-bura'nena ke'nanga a'gau' bawang siagang tubai'-baine bansa Moab niaka anjoreng.

PAMMILANGNGANG 22:1

A'lampami pole bansa Israel nampa akkema ri lappara'na Moab, ri daera ba'leanna Binanga Yordan, ri ampi'na kota Yerikho.

PA'JARIANG 36:8

Jari anjo Esau niarenga todong Edom, ammantammi ri Daera Monconna Seir.

PAMMILANGNGANG 25:2

Nikio'mi ke'nanga ri anjo tubai'-bainea mange ri passua'-suarrang koro'banga untu' ampakalompoi rewatana ke'nanga. Amminawang tommi tu Israel angkanrei anjo koro'banga siagang anynyomba ri rewatana tu Moab.

YESAYA 11:14

Lassamai ke'nanga ambunduki tu Filistin ri bageang ilau' siagang anrampasaki bansa-bansa bageang irayaya. Lanapatunduki ke'nanga bansa Edom siagang Moab, siagang bansa Amon latundu' tongi mae ri ke'nanga.

YEREMIA 41:10

Nampa najakkala' Ismael sikamma ana' bainena karaenga siagang sikontu tau niaka ija ri Mizpa le'baka napassareang Nebuzaradan mae ri Gedalya untu' najagai. Natahangi Ismael ke'nanga nampa a'lampa naerang ke'nanga mange ri daerana Amon.

YEREMIA 43:5

Yohanan siagang anjo sikontu perwiraya naerangi mange ri Mesir sikamma tau niaka ija ri Yehuda, kammayatompa sikontu tau niakamo ammotere' battu ri pa'rasangang maraeng, tampa'na ke'nanga tassiara'.

YEHEZKIEL 34:6

Jari pitilampa-lampaimi sikamma gimbalakKu ri bulu'-bulu' tinggia siagang sikamma monconga. Tassiaraki ke'nanga mange ri sikontu buttaya, tena manna sitau amparhatikangi yareka amboyai ke'nanga.

YEREMIA 43:6

Bura'ne, baine, ana'-ana', siagang ana'-ana' tulolonna karaenga ia nipassareanga ri Nebuzaradan mae ri Gedalya untu' nijagai, kammayatompa inakke siagang Barukh, nierang ngaseng maki' mange ri Mesir.