YEREMIA 40:1 - KITTA' MATANGKASA'

¹ A'bicarai Batara ri nakke ri le'ba'namo Nebuzaradan, anjo komandang pasukanga, allappassanga' ri Rama. Nieranga' mange anjoreng lalang tassikko' siagang sikontu tau maraeng battua ri Yerusalem siagang Yehuda ia niengkaka salaku tunitahang mange ri Babel.

YEREMIA 40:1 Referans Kwoze

EFESUS 6:20

Passala' iaminjo Kabara' Bajika nakua'jarimo se're tunisuro, niaka kamma-kamma anne lalang ri tarungkua. Pappala' doanganga', sollangku barani ambicarai anjo Kabara' Bajika, situru' apa siratanga lakubicara.

LAMPA-LAMPANA 21:13

Mingka appialimi Paulus angkana, “Apa matu-matunnu angngarru' kamma ngaseng, sa'genna a'jari ancuru' kusa'ring atingku? Kamma-kamma anne sadiama'; teako angkana nijakkala' bawang, mingka sadiama' ba'lalo mate lanri Batara Isa.”

YEREMIA 31:15

Nakana Batara, “Ri Rama nia' kalangngerang sa'ra karru', siagang kunrareng napakamma pacce. Rahel angkarruki ana'-ana'na, taerokai nisaleori lanri tena ngasemmi ke'nanga.

YOSUA 18:25

Kammayatompa anne sampuloa angngappa' kota siagang sikamma desa-desa niaka ri tammulilina, iamintu: Gibeon, Rama, Beerot, Mizpa, Kefira, Moza, Rekem, Yirpeel, Tarala, Zela, Elef, Yebus (iamintu Yerusalem), Gibea siagang Kiryat-Yearim. Iaminjo sikamma butta nipassareanga mae ri kaluarga niaka lalang ri suku Benyamin, untu' a'jari pisakana ke'nanga.

LAMPA-LAMPANA 28:20

Jari iaminjo saba'na nakuero' angngagang ngasengko assibuntulu' siagang angngagang ngasengko a'bicara. Nasaba' iaji nanisikkoka' kapassabakkang Karaeng Mappasalama' salloamo naminasai bansa Israel.”

PAMMUJI 107:16

Saba' narumbangi pakke'bu'-pakke'bu' tambagaya, siagang nalicaki sikamma panjoli bassia.

PAMMUJI 68:6

Allata'ala niaka ammantang ri Balla' matangkasa'Na a'jari mangge mae ri ana' kukanga siagang angngagangngangi sikamma jandaya.

1 SAMUEL 7:17

Punna le'baki anjo tuli ammotereki mange ri balla'na ri Rama. Anjoreng a'jari hakingi ri tu Israel, siagang pole ambangung tongi pole se're tampa' pakkoro'bangngang untu' Batara.

YEREMIA 39:9

Kala'busanna ra'ya' niaka ija ammantang ri kotaya, siagang sikamma tau le'baka lari a'limbang ri tu Babel, niengka'mi mange ri Babel ri Nebuzaradan, komandang pasukang lompona Babel.

YEHEZKIEL 33:21

Ri tanggala' lima bulang sampulo, lalang taung makasampulo anrua ri wattu nipela'na ikambe, nia' sitau akkulle ta'lappasa' battu ri Yerusalem; battui angngerang kabara' ri nakke angkanaya tu'guru'mi kota Yerusalem.

2 PATTOTTORANG 16:1

Ri taung makatallumpulo angngannang ammarentana Karaeng Asa ri Yehuda, battumi Baesa karaeng Israel ambunduki tu Yehuda; napakajarreki kota Rama untu' antongkoki oloang assulu' antamaya ri Yehuda.

YEREMIA 42:7

Sampulo allo ribokoanganna, a'bicarami Batara ri nakke.