YEREMIA 4:27 - KITTA' MATANGKASA'

²⁷ Napaui Batara angkanaya sikontu linoa la'jari parang lompoi, mingka tena nalaNapanraki taba sikali.)

YEREMIA 4:27 Referans Kwoze

YEREMIA 46:28

Jari teako mallakki, he ummakKu, labattuA' untu' ampasalamakko. Bansa-bansa, tampa'nu Kupasiara', laKupanraki kabusuki, mingka ikau tena Kupakammako. Memang, tena nulata'lappasa' battu ri hukkungang mingka hukkungangKu mae ri kau adeleki situru' katantuanga. INakke, Batara, anne akkana.”

YEREMIA 5:18

Nakana Batara, “Mingka manna nakamma mamo, anjo wattua tena tonja naKuancuruki ummakKu.

YEREMIA 5:10

LaKusuroi musua ampanraki koko anggoro'na ke'nanga, mingka tena napanraki taba sikali. LaKusuroi anjo musua ambattasaki tangke-tangke anggoro'na ke'nanga, nasaba' anjo tangke-tangkea teai iNakke ampatangi.

YEREMIA 30:11

LabattuA' siagang laKupasalamakko. Bansa-bansa ri tampa'nu Kupela' Kupasisa'la'-sa'la' laKupanraki ngasengi, mingka ikau tena naKupakammako. Memang tena nulata'lappasa' battu ri hukkungang mingka hukkungangKu adeleki situru' katantuang. INakke, Batara, anne akkana.”

YEHEZKIEL 11:13

Lalang kupabattuna anjo kana-kana kammaya, ti'ring tu'guru'mi naung Pelaca nampa mate. Jari su'ju'ma' siagang akkio' angkana, “Aduh Batara Kaminang Tinggia! Apaka laKibuno ngasengi anne bansa Israel niaka tassesa?”

KAIMANGNGANG 26:44

Mingka manna ri nia'na ija ke'nanga ri pa'rasanganna musua, tena nalaKubokoi yareka tena nalaKuancuru' tabasikali ke'nanga. Nasaba' punna Kuancuruki ke'nanga, battuanna Kutappu'mi parjanjiangKu siagang ke'nanga, sa'dangkang iNakke anne Batara, Allata'alana ke'nanga.

YEHEZKIEL 33:28

Anjo pa'rasanganga laKupa'jari parang sino, siagang anjo kakoasanna nakalompoang pa'maika ke'nanga lalanynya'mi. Sikamma buluka ri Israel la'jari sinomi, sa'genna manna sitau tania' barani angngoloi.

YEHEZKIEL 6:14

Iyo, iNakke langngangkaki nai' limangKu nampa Kuancuru' pa'rasanganna ke'nanga, sa'genna a'jari sino dudu, appakkaramula battu ri parang niaka bageang timboro' sa'genna mange ri kota Ribla ri bageang wara'. Battu ri sikontu tampa'-tampa' napammantangngia tu Israel, tena manna se're lanipasalama'. Jari naassemmi sikontu taua angkanaya iNakkemi Batara.”

YEREMIA 18:16

Anne pa'rasanganga napa'jarimi ke'nanga tampa' appakaringi'-ringi', siagang tuli a'jari pa'rasangang nicau-cau. Sikontu tau allaloa ammenggong ngaseng ulunna lanri ringi'-ringi'na.

YEREMIA 7:34

Anne pa'rasanganga la'jari parang kalotoro' naroso'. LaKupammari sa'ra rannua siagang sa'ra passua'-suarrang pa'buntinganga ri kota-kota Yehuda siagang ri agang-agang niaka ri Yerusalem.

YEREMIA 4:7

Rapang singa assuluka battu ri paccokkoanna kamma tomminjo a'lampami pammanrakia ri bansa-bansa battua ero' ampanraki Yehuda. Laruntungi Yehuda a'jari kamma loro tampa' tenaya napammantangngi tau.

YESAYA 24:1

LaNapanraki Batara linoa, sa'genna a'jari kalotoro' siagang sino. LaNabulintaki bageang ratena nampa napasimbung-simbung sikamma pandudu'na.

2 PATTOTTORANG 36:21

Kammami anjo na'rupamo apa Napaua Batara tete ri Na'bi Yeremia, angkanaya anjo pa'rasanganga la'jari kalotoroki sallang 70 taung sallona, salaku sambenna taung-taung allo Pammari-mariang tenaya nijampangi.

NEHEMIA 9:31

Mingka lanri teai sipato' lompona pangngamaseanTa, tena Kibokoi yareka tena Kiancuruki ke'nanga. Memang iKattemi Allata'ala tenaya sangkammanTa; lompoi pangngarimanginTa, sukkuki pangngamaseanTa!

YEREMIA 4:20

Ma'mole-molei battu balaya angngancuruki sikontu pa'rasanganga. Ti'ring nipanraki kemaku, nikae-kaei kaenna.

YEREMIA 9:11

Nakana Batara, “LaKupa'jari rumbangngang Yerusalem tampa' paccokkoanna kongkong romanga. Kota-kota Yehuda la'jari sinoi, tampa' tenayamo nanipammantangngi.”

YEREMIA 25:11

Sikontu anne pa'rasanganga laKubalang parekangi ancuru' siagang a'jari sino. Bansa-bansa niaka ri tammulilina la'jari atai mae ri karaeng Babel tujupulo taung sallona.

YEREMIA 44:6

Iaminjo saba'na naKutumpa lussakKu siagang pangngalarroingKu mae ri kota-kota Yehuda siagang agang-aganga ri Yerusalem. Yangasenna Kutunui sa'genna a'jari loro-loro siagang kalotoro' sangkamma akkullea nicini' kamma-kamma anne.

YEHEZKIEL 20:17

Mingka ribokoanganna mangngamaseangA' mae ri ke'nanga, sa'genna tajaria Kubuno ke'nanga anjoreng ri parang kassika.

KAIMANGNGANG 26:31

naKuancuru' kota-kotanu, tampa'-tampa' panynyombannu, siagang tena naKutarimai sikamma koro'bannu.

YESAYA 17:6

Rapang poko' zaitun cappuka nialle rapponna, na piram batu mami ammantang ri cappa'-cappa' tangkenna, kamma tomminjo bansa Israel, sike'de' mami lasalama'. INakke, Batara Allata'alana Israel, anne akkana.”

PIRAUNG 2:7

Nasorongbokoi tampa' pakkoro'bangngang matangkasa'Na, na Nabokoi Balla' KalenNa; Nalappassangi musua anruntungi tembo'-tembo'na. Ri tampatta riolo anynyomba siagang assua'-suara', napakemi musua ma'rannu-rannu lanri ammetana.

ZEFANYA 1:18

Ri anjo wattu allo hebaka, laNapa'nyatai larroNa Batara, na sikontu bulaenna siagang pera'na ke'nanga takkulleai ampasalamaki kalenna ke'nanga. Sikontu buttaya laancuruki assolong, nitunu ri pepe' kalarroanNa. Ti'ring laNabi'buki sikontu nyawa niaka ri tompo'na anne buttaya.