YEREMIA 4:19 - KITTA' MATANGKASA'

¹⁹ Tamaka sessana atingku, takutahangngami pa'risika. Takukulleami ampakasanannangi kalengku annenrengi nyawaku ri barambangku, lanri kulangngere'na sa'ra tarompeka, siagang gora assa'raya ero' a'bundu'.

YEREMIA 4:19 Referans Kwoze

HABAKUK 3:16

Kulangngere'na anjo kammaya, annekkere'mi atingku siagang amme'bere'mi muncengku. A'jari lammama' tena kagassingangku, kemae-kemae jappaku tatto'roi bangkengku. Sannanga' lattayang kabattuanna hukkunganNa Allata'ala mae ri tau battua a'bakka.

YESAYA 22:4

Teako nakke nuparhatikang; boli'ma' kamma nakukarruki sikamma bansaku mateamo. Teako cobai ansaleoria'.

YESAYA 16:11

Ammarrangi kusa'ring siagang ancuruki pa'maikku anciniki sarenna Moab siagang Kir-Heres.

YEREMIA 9:10

Inakke, Yeremia, kukana, “Erokka' angngarru' siagang susai pa'maikku lanri sikamma rukuka ri paranga siagang ri moncong-monconga kalotoro' sikalimi siagang tanioloami ri tau. Tenamo nilangngere' sa'ra olo'-olo', jangang-jangang siagang olo'-olo' maraenga lari ngasemmi siagang lanynya' ngasemmi.”

YEREMIA 9:1

Tamaka baji'na ka'de' ulungku rapangi bungung rassia je'ne', na matangku rapangi salu' je'ne' tulusu' assolonga je'ne'na! Nakuakkulle angngarru' allo bangngi, angkarruki julu bansaku nibuno ri musu.

YESAYA 21:3

Linguma' kugappana anjo paccinika, sa'genna takkulleama' accini' siagang allangngere'. Malla'ma' siagang pa'risi'mi kusa'ring, rapang baine lamanaka.

GALATIA 4:19

Sikamma ana'-anakku kukarimangngia! Kamma-kamma anne lussa'mi sedeng nyawaku lanri ikau ngaseng. Pa'risikka' kusa'ring, sanrapang baine eroka allassukang ana'. Punna tenapa nanutarima ri kalennu sipa'-sipa' battua ri Almasi, tuli lakupisa'ringinna anne pa'risika!

DANIEL 8:27

Nampa a'jari lammamo kusa'ring pakkasiakku, sa'gengku tu'guru' garring pirangallo are. Le'baki anjo ambangumma' nampa kugaukang ammotere' sikamma tugasakku untu' karaenga. Mingka lussakka' annawa-nawai anjo sikamma apa kucinika na tena nakkulle kupahang battuanna.

DANIEL 7:15

Sikamma anjo apa kucinika napakalingui siagang napakalussaki pa'maikku.

YESAYA 15:5

Kukamaseangi Moab! Pandudu'na a'lette'mi mange ri kota Zoar siagang Eglat-Selisia. Nia' angngambi' ri oloang mangea ri Luhit nampa angngarru'; nia' lari mange ri Horonaim nampa ammarrang-marrang natuju bala.

PAMMUJI 116:7

Kupakasannangi pa'maikku, saba' bajiki Batara mae ri nakke.

ROMA 10:1

Sikamma sari'battangku ngaseng! Sanna' ma'minasaku sollanna nipasalama' ngaseng sikontu bansaku. Nasanna'mo bateku ampappala' doangangi ke'nanga mae ri Allata'ala.

AMOS 3:6

Maka latena nannekkere' tau ri kotaya punna nalangngere' sa'ra tarompe' tanra pa'bundukanga? Maka akkullei natuju bala se'rea kota, punna tena Napabattui Batara?

DANIEL 7:28

Sikammami anne carita kupabattua. Sanna' lussakku sa'genna pi'lasa' tanjakku, mingka tena manna sitau kupauang anne passalaka ngaseng.

PIRAUNG 2:11

Akkambammi matangku lanri tenammariku angngarruka tojeng, pa'risi' nyawaku tena rapanna. Pacce nyawaku anciniki runtung bansaya; anciniki ana'-anaka siagang ana' loloa sessa ri tangngana aganga ri kota-kotaya.

PIRAUNG 1:16

Lanri iaminjo nammatti' je'ne' matangku, taenamo ero' assarea' sumanga' na panynyaleori. Taenamo apa-apanna bansaku, lanri la'bi koasana musua.

YEREMIA 23:9

Iaminne pasangku ri sesena na'bi-na'bia: Ancuruki atingku siagang annekkerekka'. Batara siagang kana matangkasa'Na ampa'jaria' rapang tau nasa'ring lanri jai duduna anggoro' kuinung.

YEREMIA 20:9

Mingka punna lalang atingku kukana, “Boli'mi kamma kukaluppai Batara, teama' a'bicara lalang arenNa,” rapammi pepe' pasanNa a'bara ilalang ri ati mailalangku. Le'baki kucoba amparrangngi, mingka ma'nassa tena nakukullei.

YEREMIA 13:17

Punna kuttu nyawanu mappilangngeri, la'mere'-merekia' angngarru'. Pacce pa'maikku angkarruki anjo katampoannu. Lammattiki je'ne' matangku lanri niengka'na umma'Na Batara salaku tunitahang.

YEREMIA 4:21

Siapapi sallona lakucini' tau a'bunduka sipaccappu'? Siapapi sallona lakulangngere' sa'ra tarompe' appakatongoloka?

YEREMIA 4:5

Tuiki tarompe'nu ri sikontu pa'rasangang! Bajiki batenu akkio' siagang lompoi. Suroi lari pandudu' Yehuda siagang Yerusalem mange ri kota-kota niaka tembo' pattahanganna.

PAMMUJI 146:1

Pujimi Batara! He nyawaku, pujimi Batara!

PAMMUJI 119:136

Assolongi je'ne' matangku sanrapang binanga, lanri tenana nituruki hukkunTa.

PAMMUJI 119:53

Sanna' larroku mae ri tau ja'dalaka, lanri nabokoi hukkunTa.

PAMMUJI 103:1

Battu ri Daud. Pujimi Batara, he nyawaku, sikontu pa'maikku, pujimi areng matangkasa'Na.

PAMMUJI 16:2

Kukana, “IKattemi Bataraku, kate'neangku, tenamo la'biangngang naiKatte!”

HAKING-HAKING 5:21

Allumpami je'ne'na Binanga Kison allo'lorangi musua. Maju, majumako tubarani, ikau nyawaku!

PAMMILANGNGANG 10:9

Na punna a'bundukko ri pa'rasangannu untu' ampartahangkangi kalennu mae ri musu battua ambundukiko, tuiki anjo tarompe'-tarompeka. Na iNakke, Karaeng Allata'alanu, labattu antulungko siagang ampasalamakko battu ri musu-musunnu.

PA'JARIANG 49:6

Talamminawangnga' ri passitujuanna ke'nanga, kammayatompa ri pakkumpulanna ke'nanga. Saba' ammunoi ke'nanga lalang larrona, napara'bai sapi lakia untu' kasannanganna.

1 KORINTUS 14:8

Nia' pole conto maraeng: Punna nipasa'ra sambarangang anjo tarompe' pa'bundukanga, maka inai lasadia ero' a'bundu'?

YEREMIA 6:24

Nalangngere'na anjo kabaraka, naummi sumanga'na pandudu' Yerusalem. Nibattuimi ri malla', siagang sessami pakkasia'na ke'nanga rapang baine eroka ammana'.

YEREMIA 8:21

Ancuruki pa'maikku lanri garring lompoi bansaku; susama' nakulussa'.

YEREMIA 49:2

Mingka lanarapiki sallang wattunna nalaKupilangngeriang pandudu'na Raba, ibukotana anjo Amon, iamintu sa'ra-sa'ra pakkio' pa'bundukang. Anjo kotaya la'jari rumbangngangi siagang desa-desa niaka ri tammulilina lala'busuki nakanre pepe'. Nampa Israel lanaallei ammotere' buttana battu ri tau le'baka riolo angngalle passai.

YEREMIA 50:22

A'gamarrungi sa'ra bunduka ri pa'rasanganga, siagang a'jarimi kaancurang lompoa.

DANIEL 4:19

Nalangngere'na anjo kammaya, Daniel iamintu niarenga todong Beltsazar, ta'bangkami siagang kalanna'-lannassangi siapa are sallona. Jari, inakke, Karaeng Nebukadnezar kukanamo ri ia, “He Beltsazar, teako lussakki lanri ia anjo so'naya siagang battuanna.” Appialimi Beltsazar angkana, “O karaengku, baji' sikali ebara' angkana sikamma anjo apa nibotoa lalang ri anjo so'naya teai ikatte natuju passangalinna musu-musunta.

2 KARAENG-KARAENG 4:19

Ti'ring akkio'mi anjo anaka mae ri manggena angkana, “Edede! Pa'risiki ulungku!” Nakanamo manggena mae ri se'reang palayanna, “Erangi anne anaka mange ri amma'na.”

2 KARAENG-KARAENG 8:11

Nampa najanjang tarrusu'mo Elisa anjo Hazael sa'genna a'jari lussa'mo Hazael. Ti'ring angngarru'mi Elisa.

YESAYA 21:4

Lussaki pa'maikku; annekkerekka' napakamma malla'. Poro malla'ji naerang battu bangngi kuminasaia.

YEREMIA 8:18

Rapangi nie'ba' atingku na pacce, susa tena balleanna.

PIRAUNG 1:20

O Batara, Kiparhatikanga', lussaki na puccala' atingku, ancuruki lanri dorakaku le'ba' laloa. Ri sikamma aganga nia' pammunoang, lalang balla' nia' kamateang.