YEREMIA 4:18 - KITTA' MATANGKASA'

¹⁸ Yehuda, kalennu tonji ampabattui anjo balaya mae ri kalennu. Batenu attallasa' siagang sikamma panggaukannu a'jari passabakkang mae ri sikontu anjo passessa ampa'rissiai atinnu.

YEREMIA 4:18 Referans Kwoze

YEREMIA 2:19

Kaja'dallannu tonji anghukkungi kalennu, nisessako lanri nusorongbokoA', iNakke, Allata'alanu. Kamma-kamma anne kasia'mi pai'na siagang paccena punna nubokoiA' siagang tena nupakalompoA'. INakke, Karaeng Allata'alanu anne le'ba' a'bicara; iNakkemi Karaeng Allata'ala Kaminang Tinggia siagang Makoasaya.”

PAMMUJI 107:17

Nia' dongo' siagang sessa lanri dosa-dosana ke'nanga, siagang nisessai lanri kasalanna ke'nanga.

YEREMIA 2:17

Kalennu tonji a'jari passabakkang sikontu apa kajarianga mae ri kalennu, lanri ri wattunnu Kuulu ri pa'jappannu, ma'bokoko ri Nakke, Karaeng Allata'alanu

YESAYA 50:1

Nakana Batara ri Israel, “He ummakKu, nukapangi angkana Kubongkako rapang se'rea bura'ne ambongkai bainenna? Punna kamma, kemae sura' talla'na? Nukapangi angkana Kubalukangko, rapang sitau mangge ambalukangi ana'na mae ri tau assingaraka pappiinrang? Tena! Nitahangko siagang nipelakko, lanri dosanu siagang kaja'dallang kalennu!

PANGNGEBARANG 1:31

Lanri kammana, lanukasia' ngasengi sallang kale'bakkanna sikamma panggaukang-panggaukannu siagang rancana-rancana kodinu.

YEREMIA 6:19

Parhatikangi, he ikau buttaya! Taerokai ummakKu antarimai pangngajarangKu siagang taerokai mannuruki ri Nakke. Lanri kammana anjo ero'na ke'nanga, Kupitujui ke'nanga bala lompo.

YEREMIA 26:19

Mingka Karaeng Hizkia siagang tu Yehuda tena nabunoi Na'bi Mikha. Ba'lalo malla'mi Hizkia mae ri Batara siagang napala'mi sollanna nanikamaseang. Jari taNapa'jariami Batara anjo ero'Na untu' ampabattui cilakaia mae ri ke'nanga. Na kamma-kamma anne, sike'de' mamaki' anne appabattu cilaka lompo mae ri kalenta.”

YEREMIA 5:19

Mingka punna akkuta'nang ke'nanga angkana angngapa naKugaukang ngaseng anjo sikammaya mae ri ke'nanga, pauangi Yeremia, angkanaya antekamma batena ke'nanga ambokoiA' ri pa'rasangang kalenna ke'nanga untu' anynyomba ri rewata-rewatana bansa maraenga, kamma tomminjo la'jari atai ke'nanga ri bansa-bansa maraeng ri pa'rasangang maraeng.”

PANGNGEBARANG 5:22

Anjo dosana tau ja'dalaka sanrapangi sikko' tattannanga untu' kalenna tonji ke'nanga.

YEREMIA 5:25

Mingka iaminjo dosa-dosanu ngaseng anrompai sikontu anjo apa bajika sa'genna tena nukasiaki baji'na.

YEHEZKIEL 39:24

Kugaukangi mae ri ke'nanga simbattala' siagang kara'massang siagang kaja'dallanna ke'nanga, nampa Kubokoi ke'nanga.”

HOSEA 7:2

Tena le'bakai ammumba ri pikkiranna ke'nanga angkanaya laKuu'rangi ngasengi anjo sikontu kaja'dallanna ke'nanga. Mingka katongkokangi ri dosa-dosana ke'nanga sa'genna a'nassai Kucini'na.”

YEREMIA 14:16

Sikamma tau antarimaya anjo sikamma botona ke'nanga lanibuno kamma tongi anjo carana. Lanipasambilai maya'na ke'nanga mange ri sikamma agang-aganga ri Yerusalem natena antarawangi ke'nanga. Kammami anjo sarenna ke'nanga siagang tubai'-bainena siagang ana'na ke'nanga. LaKusarei ke'nanga angkasiaki apa kale'bakkanna kaja'dallanna ke'nanga.”

PIRAUNG 3:15

Poro paikaji bawang Nasareanga' untu' kanreku siagang je'ne' inungku.