YEREMIA 39:2 - KITTA' MATANGKASA'

² Ri tanggala' salapang bulang appa' taung makasampulo asse're pamarentahanna Zedekia, niruntummi tembo' kotaya ri musu,

YEREMIA 39:2 Referans Kwoze

ZEFANYA 1:10

Nakana Batara, “Ri anjo alloa lania' kalangngerang sa'ra karru' ri Pakke'bu' Lompo Juku'. Sa'ra piraung lakalangngerang battu ri kampong berua, siagang sa'ra runtung heba' lammarrung battu ri bulu'-buluka.

YEHEZKIEL 33:21

Ri tanggala' lima bulang sampulo, lalang taung makasampulo anrua ri wattu nipela'na ikambe, nia' sitau akkulle ta'lappasa' battu ri Yerusalem; battui angngerang kabara' ri nakke angkanaya tu'guru'mi kota Yerusalem.

YEREMIA 5:10

LaKusuroi musua ampanraki koko anggoro'na ke'nanga, mingka tena napanraki taba sikali. LaKusuroi anjo musua ambattasaki tangke-tangke anggoro'na ke'nanga, nasaba' anjo tangke-tangkea teai iNakke ampatangi.

YEREMIA 1:3

Le'baki anjo a'bicarai pole Batara ri ia a'mole-mole, appakaramula ri rewasa' ammarentana Yoyakim ana'na Yosia sa'genna taung makasampulo asse're ri rewasa' ammarentana Zedekia ana'na Yosia. Ri bulang makalima anjo todong taunga niengkaki pandudu'na Yerusalem mange ri butta pammelakkanga.

YEREMIA 32:1

Ri taung makasampulo pammarentahanna Zedekia karaeng Yehuda, iamintu ri taung makasampulona assagantuju pamarentahanna Nebukadnezar karaeng Babel, a'bicarai Batara ri nakke.

YEREMIA 34:22

LaKusuroi ke'nanga sollanna ammotere' mae ri anne kotaya, nampa nabunduki, nabeta, siagang natunui. Kota-kota Yehuda laKupa'jari sangkamma parang lompo tenaya nipammantangngi ri tau. INakke, Batara, anne akkana.”

YEREMIA 37:8

Nampa lammotere' tu Babel na nabuccu' anne kotaya, nampa nabeta siagang natunu.

YEHEZKIEL 4:3

Angngalleko panci bassi siagang rapammi anjo rinring bassi; padongkoki anjo pancia ri alla'nu siagang kota Yerusalem. Nampa a'dalle' mangeko ri anjo kotaya, sanrapang angkana ikau angkurungi. Iaminjo la'jari pangngebarang mange ri bansa Israel.

YEHEZKIEL 5:2

Bage tallunna musti nutunui ri tangnga-tangngana anjo kotaya ri wattunna le'ba'mo nikurung anjo kotaya. Bage tallunna pole musti nutattaki siagang pa'dannu nanuinroi anjo kotaya. Nabage tallunna kala'busanga nupasiaraki nai' ri allaka, nampa laKuondang siagang pa'dangku.

ZAKHARIA 8:19

“Puasa nigaukang lalang bulang makaappa', makalima, makatuju, siagang makasampulo la'jari passua'-suarrang appakarannua siagang appakasannanga mae ri pandudu'na Yehuda. Mangngaiko ri katojengang siagang passiamakkang!”