YEREMIA 39:17 - KITTA' MATANGKASA'

¹⁷ Mingka iNakke, Batara laKula'langngiko. Tena nalaKupassareangko mae ri tau nukamallakkanga.

YEREMIA 39:17 Referans Kwoze

PAMMUJI 50:15

Akkiokko mae ri Nakke ri wattu kasukkarang, iNakke lallappassangko, siagang lamammujiko mae ri Nakke.”

2 SAMUEL 24:14

Appialimi Daud angkana, “O, dende'! Ballasa'ma' inakke! Mingka bajikangngang mami Batara anghukkung ngasengki' kala rupa tau langhukkunga'; nasaba' Batara lompo pangngamaseangi.”

YEREMIA 38:9

“O Karaeng Mala'birikku, anjo panggaukanna ngaseng taua tena nabaji'. Napantamaki ke'nanga Na'bi Yeremia ri bungunga; ma'nassa lamate cipuruki sallang lalang, nasaba' la'busu'mi kanrea ri anne kotaya.”

PA'JARIANG 15:1

Le'baki anjo, anggappami Abram pappiso'na siagang nalangngere'mi Batara angkana ri kalenna, “Teako mallakki Abram. LaKujagaiko battu ri balaya, siagang laKusareko pahala lompo.”

MATIUS 25:40

Lappiali Karaenga Nakana, ‘Asseng laloi anne: ri wattu nugaukanna sikammaya anjo mae ri kalase'renna sari'battangKu kaminang tunaya, ilalang kammana minjo nanugaukammo ri Nakke!’

DANIEL 6:16

Nampa ammotere'mi pole anjo taua ngaseng andallekang ri karaenga, siagang angkana, “O karaengku, parallui kiu'rangi angkanaya situru' undang-undang Media siagang Persia, parenta napasuluka karaenga takkulleai nipinra-pinra.”

YEREMIA 38:1

Nasuroa' Batara ampabattui anne pasanga mae ri ra'yaka angkana, “Anne kotaya laKupassareangi mae ri tantara Babel, siagang lanibetai ri ke'nanga. Inai-nai ammantang lalang ri kotaya lamatei lalang pa'bundukang, yareka lanri kacipurang yareka lanri garring. Mingka inai-nai assulu' nampa napassareang kalenna mae ri tu Babel, tena nalanibunoi; lasalamaki nyawana.” Sefaca ana'na Matan, Gedalya ana'na Pasyhur, Yukhal ana'na Selemya, siagang Pasyhur ana'na Malkia nalangngere' ngasengi ke'nanga anjo sikontu apa kupaua.

1 KARAENG-KARAENG 18:15

Appialimi Elia angkana, “Lanri Batara Kaminang Koasa kulayania, a'janjia' labattu kalengku andallekang ri karaenga ia memang anne alloa.”

1 KARAENG-KARAENG 18:16

Jari a'lampami Obaja allaporoki mae ri karaenga, nampa a'lampamo Ahab mange angngagangi sibuntulu' Elia.

2 KARAENG-KARAENG 6:16

Appialimi Elisa angkana, “Teako mallakki. Ia niaka angngagangki' la'bi jaiangngangi naanjo ke'nanga.”