Biblia Todo Logo
Bib sou entènèt

- Piblisite -




YEREMIA 39:14 - KITTA' MATANGKASA'

14 naallema' battu ri paranglakkenna balla' karaenga. Nampa napassareanga' ri Gedalya ana'na Ahikam, cucunna Safan, ia mustia angngantarakka' ammotere' siagang salama'. Jari ammantamma' ri alla'na ra'yaka.

Gade chapit la Kopi




YEREMIA 39:14
18 Referans Kwoze  

Tulusu' nitahangku ri paranglakkenna balla' karaenga sa'genna narapi' allonna nialle Yerusalem ri musua.


Mingka kamma-kamma anne lanri pannulunna Ahikam ana'na Safan, inakke Yeremia, tena nipassareanga' mae ri ra'yaka untu' nibuno.


Nampa naparentakang karaenga mae ri Imang Hilkia, Ahikam ana'na Safan, Akhbor ana'na Mikha, Safan jurutulisi'na pa'rasanganga, siagang Asaya pambantuna karaenga, angkana,


A'bicarai Batara ri nakke ri le'ba'namo Nebuzaradan, anjo komandang pasukanga, allappassanga' ri Rama. Nieranga' mange anjoreng lalang tassikko' siagang sikontu tau maraeng battua ri Yerusalem siagang Yehuda ia niengkaka salaku tunitahang mange ri Babel.


Ri wattungku nitarungku ija ri paranglakkenna balla' karaenga, Nasuroa' Batara,


Nampa nabesokka' ke'nanga nai' assulu' ri anjo bungunga. Le'baki anjo, anjoremma' ri paranglakkenna balla' karaenga nitahang.


Jari naparentakammi Karaeng Zedekia sollangku nitarungku ri bageang paranglakkenna balla' karaenga. Jari ammantamma' anjoreng; allo-alloku nisare roti battu ri tampa' papparekang rotia, sa'genna la'busu' ngaseng parsadiaang rotia ri anjo kotaya.


Kale'bakkanna kajariammi apa le'baka nitappu riolo, nipattojeng ri kananNa Batara.


Jari a'lampami Hilkia, Ahikam, Akhbor, Safan siagang Asaya mange appala' pangngunju' ri sitau baine niarenga Hulda, iamintu na'bi niaka ammantang ri pakkampongang berua ri Yerusalem. Bura'nenna niarengi Salum ana'na Tikwa, cucunna Harhas; jama-jamanna iamintu pangurusu' pakeang sambayang ri Balla'Na Batara. Le'ba'na nalangngere' kasingaranna ke'nanga,


Nampa appasulu' parenta karaenga mae ri Hilkia, Ahikam ana'na Safan, Abdon ana'na Mikha, Safan jurutulisi'na pa'rasanganga siagang Asaya pambantuna karaenga, angkana,


Anjo wattua tantarana karaeng Babel nabunduki Yerusalem. Nitahanga' ri parang lakkenna balla' karaenga


Jari Nebuzaradan siagang rua perwira tinggina, iamintu Nebusyazban siagang Nergal-Sarezer kammayatompa sikontu perwira tantara Babel maraenga,


Ri tenanapa ku'lampa, nakana Nebuzaradan, “Punna erokko, akkulleko ammotere' mange ri Gedalya ana'na Ahikam cucunna Safan, le'baka niangka' ri karaeng Babel a'jari guburnur mae ri kota-kota Yehuda. Akkulleko ammantang siagang ia ri tangnga-tangngana ra'yaka, yareka manna pole kamae nukaerokia.” Nampa nasarema' siapa are jaina kanre-kanreang siagang hadia, nampa nalappassanga' a'lampa.


A'lampa' mange ri Gedalya ri Mizpa, nampa ammantang anjoreng ti tangnga-tangngana ra'ya' nibolika ri pa'rasangang Yehuda.


Ri bulang tuju anjo taunga, Ismael ana'na Netanya cucunna Elisama a'lampai siagang sampulo tau mange ri Mizpa untu' assibuntulu' siagang Gedalya. (Ismael iamintu sitau bija karaeng, kalase'renna perwira tinggia ri kakaraenganga.) Lalang sipangnganreang ngasenna ke'nanga,


Mingka Karaeng Yoyakim nasuroi Elnatan ana'na Akhbor siagang siapa are tau maraeng a'lampa mange ri Mesir na naalle Uria.


Karaeng Babel le'baki naangka' Gedalya a'jari guburnur ri Yehuda untu' ammarenta mae ri sikontu tau niaka ija ammantang ri Yehuda, iamintu sikamma tau kaminang kasi-asia. Sipa'gang battu ri sikamma perwira siagang parajuri' Yehuda tenaya namanyara mae ri Babel, nalangngereki anjo passala' niangka'na Gedalya.


Swiv nou:

Piblisite


Piblisite