YEREMIA 38:16 - KITTA' MATANGKASA'

¹⁶ A'janji cokko-cokkomi Karaeng Zedekia ri nakke, nakana, “Lanri arenNa Allata'ala mattallasaka, iamintu Allata'ala assareaki' tallasa', assumpa' angkanaya tena nalaKubunoko yareka tena naKupassareangko mae ri tau eroka ambunoko.”

YEREMIA 38:16 Referans Kwoze

YEREMIA 37:17

Nampa Karaeng Zedekia nasuroi taua angngeranga' mange andallekang ri ia ri balla' karaenga. Anjoreng akkuta'nang cokko-cokkomi ri nakke angkana apaka nia' pasang battu ri Batara. Appialima' angkana, “Nia'.” Nampa kupauang pole angkana, “Lanipassareangki' mae ri karaeng Babel.”

YOHANES 3:2

Nia' se're wattu nabattu bangngi mange ri Isa. Nakana ri Isa, “Bapa' Guru, niassemmi angkanaya Allata'ala assuroKi' battu. Nasaba' tenanniakka manna sitau akkulle anggaukangi gau' appakalannasa' sangkamma le'baka Kigaukang, punna tena nanirurungangi ri Allata'ala.”

ZAKHARIA 12:1

Iaminne pasanNa Batara ri sesena Israel. LaNaka'rangi Batara langika, Napa'jari buttaya kammayatompa Nasarei katallassang rupataua, Nakana,

YESAYA 57:16

Tena natuli laKusalakang ummakKu; tena nauntu' situlusukKu lalarro, sollanna tena natappu' sumanga' ke'nanga, nasaba' iNakke ampattallasaki ke'nanga.

YEREMIA 34:20

LaKupassareangko mae ri musu eroka ambunoko. Maya'nu lanikanrei ri jangang-jangang yareka olo'-olo' sekkeka.

PAMMILANGNGANG 27:16

nakana, “O, Karaeng Allata'ala, assarea' katallassang mae ri sikontu apa attallasaka, kupalaki, Ki'jo'joki sitau akkullea ampimpingi anne bansaya;

PAMMILANGNGANG 16:22

Mingka su'ju'mi Musa siagang Harun anynyomba siagang nakana, “O Allata'ala, iKattemi katallassang mae ri sikontu apa attallasaka. Punna sitauja bawang doraka, apaka larroKi' mae ri sikontu ummaka?”

IBRANI 12:9

Nia' manggeta ri lino. Naajarakki' siagang nipakala'biriki. Jari, la'biangampa mae ri Mangge rohanita, niaka ri suruga, tantu musti la'bi tundukki' mae ri Ia sollanta attallasa'.

YESAYA 42:5

Karaeng Allata'ala ampa'jari siagang angka'rangi langika; Ia ampareki buttaya siagang sikamma attimboa rateanna. Nasarei rupataua nappasa' katallassang siagang nyawa. Napabattui pasang kammaya anne mae ri atanNa,

KATO'BA 12:7

Tubuta lammotereki, a'jari limbu'bu ri buttaya Nappasa' tallasatta lammotereki mae ri Allata'ala. Ia assareki' a'jari passare kalammoranNa.

LAMPA-LAMPANA 17:25

Tena todong Naparallu ri pannulunna rupataua, nasaba' Iami assarei katallassang siagang nyawa, kammayatompa assarei sikontu apa-apa rupataua!

LAMPA-LAMPANA 17:28

Kamma biasaya napau taua angkana, ‘Akkulleki' nia', attallasa', siagang a'gio' ri anne linoa lanri kakoasanNa Allata'ala.’ Sangkamma tonji siagang apa napaua tu cara'de'nu, angkanaya, ‘Ikatte ngaseng, ana'-ana'Naki' Allata'ala.’