YEREMIA 38:12 - KITTA' MATANGKASA'

¹² Nasuroa' Ebed-Melekh ampantamaki anjo kaeng-kaenga ri epaku untu' a'jari pa'ganjala', sollanna tena napa'risia' anjo otereka. Nakuturukimo anjo parentana Ebed-Melekh.

YEREMIA 38:12 Referans Kwoze

EFESUS 4:32

Paralluko baji' ati siagang tuna pa'mai' mae ri massing para ikau; kammayatompa massing sipammopporangko, sangkamma todong Napammopporangko Allata'ala tete ri Almasi.

ROMA 12:10

Musti massing sikamaseang duduko sangkamma tau assari'battanga lalang se're balla'; kammayatompa massing sipirioloiko assare sallang.

ROMA 12:15

Amminawangko rannu siagang tau rannua; siagang amminawang tongko angngarru' siagang tau angngarruka.

YEREMIA 38:7

Anjo wattua nia' sitau tu Sudan anjama ri balla' karaenga. Arenna iamintu Ebed-Melekh. Nalangngereki angkanaya nipantamakka' ri anjo bungunga. Ri wattunna karaenga sitabangi ammimping rapa' ri Pakke'bu' Lompo Benyamin,

YEREMIA 38:11

Jari a'lampami Ebed-Melekh siagang anjo tau tallua mange ri gudanna balla' karaenga, angngalle kaeng-kaeng toa anjoreng, nampa napanaung siagang otere' mae ri nakke lalang bungunga.

YEREMIA 38:13

Nampa nabesokka' ke'nanga nai' assulu' ri anjo bungunga. Le'baki anjo, anjoremma' ri paranglakkenna balla' karaenga nitahang.