YEREMIA 38:11 - KITTA' MATANGKASA'

¹¹ Jari a'lampami Ebed-Melekh siagang anjo tau tallua mange ri gudanna balla' karaenga, angngalle kaeng-kaeng toa anjoreng, nampa napanaung siagang otere' mae ri nakke lalang bungunga.

YEREMIA 38:11 Referans Kwoze

YEREMIA 38:7

Anjo wattua nia' sitau tu Sudan anjama ri balla' karaenga. Arenna iamintu Ebed-Melekh. Nalangngereki angkanaya nipantamakka' ri anjo bungunga. Ri wattunna karaenga sitabangi ammimping rapa' ri Pakke'bu' Lompo Benyamin,

YEREMIA 38:10

Nampa nakanamo karaenga ri Ebed-Melekh, “Angngerangko tau tallu nampa nupasulu' Yeremia battu ri anjo bungunga lalang tenanapa namate.”

YEREMIA 38:12

Nasuroa' Ebed-Melekh ampantamaki anjo kaeng-kaenga ri epaku untu' a'jari pa'ganjala', sollanna tena napa'risia' anjo otereka. Nakuturukimo anjo parentana Ebed-Melekh.

YOSUA 6:19

Sikontu barang-barang pera', bulaeng, tambaga, siagang bassia musti nisa'laki untu' Batara, nampa niboli' ilalang ri tampa' pammolikang barang-baranNa Batara.”

YEREMIA 38:6

Nampa naallea' ke'nanga siagang napanaunga' siagang otere' antama' ri bungunna Malkia ana' bura'nena karaenga, niaka lalang ri paranglakkenna balla' karaenga. Tena je'ne'na anjo bungunga, poro peo'ji bawang lalang; nakuantama'mo ri peoka anjo.