YEREMIA 37:7 - KITTA' MATANGKASA'

⁷ akkana kamma anne mae ri tunasuroa Zedekia: “Pauangi Zedekia kamma anne, ‘Niaki tantara Mesir a'jappa mae anrinni untu' ambantuko, mingka la'gilingi nampa ammotere'.

YEREMIA 37:7 Referans Kwoze

PIRAUNG 4:17

Mangngammi matanna ikambe attayang pannulung tenaya nabattu-battu. Manrannuangi ikambe ri pannulunna senreang bansa, mingka tenaya nakkulle assare apa-apa.

YEHEZKIEL 17:17

Ba'lalo anjo tantara heba'na Mesir tena kullena ambantui battu ri bundu'na tu Babel appareka pannambungang-pannambungang butta siagang angngekea kaloro'-kaloro' untu' ambunoi tau jaia.

YEREMIA 37:3

Karaeng Zedekia nakiringi Yukhal ana'na Selemya, siagang Imang Zefanya ana'na Maaseya untu' battu ampalaki ri nakke sollanna kuappala' doang mae ri Karaeng Allata'ala untu' kasalamakkanna bansaya.

YEREMIA 21:2

“Appalakko pitunju' battu ri Batara untu' ikatte, nasaba' nikurummi kotata ri Nebukadnezar karaeng Babel siagang pasukanna. Gassingka lappa'niaki gau' malompo Batara untu' ikatte, na Napassa Nebukadnezar ampamonoki ammotere' pasukanna.”

2 KARAENG-KARAENG 22:18

Mingka ri passala'na Karaeng Yosia, iaminne pasangKu, Karaeng Allata'alana Israel, ‘Le'ba'namo nulangngere' apa niaka tattulisi' lalang ri anjo kittaka,

YEHEZKIEL 29:16

Israel tenamo nalappala' bantuang mae ri kau. Anjo sarennu, he Mesir, lampakaingaki bansa Israel antekamma salana ke'nanga ampattoangi Mesir, sangkamma le'baka nagaukang ke'nanga. Jari naassemmi bansa Israel angkanaya iNakke Batara Kaminang Tinggia.”

YEREMIA 2:36

Linta' sikaliko a'lampa mange ri rewata-rewatana bansa maraenga untu' appala' tulung! Mattantu lanipakala'bai nyawanu ri tu Mesir, sangkamma batenu nipakala'ba nyawanu ri tu Asyur.

PANGNGEBARANG 21:30

Tena kaporeang, tarang pikkirang, siagang kacara'dekang akkulle attahang ri dallekanNa Batara.

YEREMIA 2:18

Apa nusawala' a'lampa mange ri Mesir? Ero' angnginungi je'ne'na Binanga Nil? Apa nusawala' a'lampa mange ri Asyur? Ero' angnginungi je'ne'na Binanga Efrat?

YEREMIA 2:37

Lanubokoi Mesir siagang la'ba pa'mai' siagang siri'-siri'. INakke, Batara, antollaki ke'nanga tau nupattoanga; tena apa-apa passawallang lanugappa battu ri ke'nanga.”

YEREMIA 21:1

Zedekia karaeng Yehuda nasuroi mae ri nakke Imang Pasyhur ana'na Malkia, siagang Imang Zefanya ana'na Maaseya. Nasuroi ke'nanga ampabattui mae ri nakke anne pappala'na angkana,

YEREMIA 37:5

Tantarana Babel anjo wattua nakurungi Yerusalem, mingka ri wattunna nalangngere' ke'nanga angkanaya a'jappami tantara Mesir battu ri Mesir untu' a'bundu', ammunduru'mi ke'nanga.

YEREMIA 37:6

Batara, iamintu Allata'alana Israel, Nasuroa'

PIRAUNG 1:7

Le'ba'namo runtung na nakasia' pa'risika, nau'rangi Yerusalem rewasa' le'ba' lalona, ri wattu jaina barang-baranna; antekamma batena tu'guru' mae ri kakoasanna musunna, na tena manna sitau ero' battu antulungi. Ammakkala' mami musu-musunna anciniki katu'guranna.

YEHEZKIEL 30:22

INakke, Batara Kaminang Tinggia angkana: INakke anne musunna karaeng Mesir, siagang laKutepo' rua-ruai paling-palinna, baji' anjo bajika ija kammayatompa anjo tepokamo. Jari latu'guru'mi anjo pa'danga battu ri limanna.

YESAYA 30:7

Sia-siaji bantuanna Mesir. Lanri kammana anjo nigallara'mi Mesir, ‘Naga tenaya bahayana’.”

YESAYA 36:6

Memang nurannuangi bantuanna Mesir, mingka anjo kammaya rapanji ammake poko' rea a'jari takkang; – sinampe' tepoki anjo takkanga nampa nato'do' limannu. Kammaminjo kagassinganna Mesir mae ri sikontu tau manrannuanga ri ia.’ ”