YEREMIA 36:8 - KITTA' MATANGKASA'

⁸ Jari nabacami Barukh anjo kana-kananNa Batara lalang ri Balla'Na Batara, sangkamma nipassuroanga mae ri ia.

YEREMIA 36:8 Referans Kwoze

YEREMIA 1:17

Sadia-sadia mako Yeremia! A'lampamako siagang pabattui mae ri ke'nanga, sikontu apa Kuparentakanga mae ri kau. Teako mallakki mae ri ke'nanga, sollanna tena naKupa'jari pila' mallakko punna assidallekangko siagang ke'nanga.

1 KORINTUS 16:10

Punna battu Timotius mae ri kau ngaseng, tarima bajiki sollanna ero' ammantang sallo-sallo ri tangnga-tangnganu; nasaba' Timotius siagang inakke sangkammaja', iamintu para anjama' untu' Batara.

MATIUS 16:24

Nampa Nakana Isa mae ri ana'-ana' gurunNa, “Tau eroka amminawang ri Nakke takkulleai tanapariboko kaparalluang kalenna, nanapisang salli'na, nampa amminawang tuli ri Nakke.

YEREMIA 36:4

Lanri kammana anjo kukio'mi Barukh ana'na Neria nampa kusuro antulisi' ngasengi sikontu apa Napaua Batara mae ri nakke. Jari natulisi' ngasemmi Barukh lalang ri anjo kitta' nigulunga.

NEHEMIA 8:3

Nampa appakaramula bari'basa' sa'genna tangngallo nabaca Ezra anjo kitta' Hukkunga mae ri ke'nanga. Na yangasenna ke'nanga mappilangngeri baji'mi.

YEREMIA 32:12

nampa kupassareang anjo ruaya sura' mae ri Barukh ana'na Neria cucunna Mahseya. Kupassareangi anjo ri dallekanna Hanameel kammayatompa sa'bi-sa'bi le'baka antekengi anjo sura'-suraka, siagang ri dallekanna sikamma tau niaka ammempo anjoreng ri paranglakkenga.

YEREMIA 36:6

Lanri kammana anjo, punna narapi' sallang allonna appuasa taua, musti a'lampako mange anjoreng, nampa nubaca nulompoi sa'rannu sikontu anjo kusuro tulisika mae ri kau, sollanna nalangngere' ngaseng ke'nanga apa Napaua Batara mae ri nakke. Gaukangi anjo kammaya ri tampa' akkullea nalangngere' ngasengko tau niaka lalang ri Balla'Na Batara, kammayatompa tu Yehuda battua ri kota-kotana ke'nanga.