YEREMIA 36:4 - KITTA' MATANGKASA'

⁴ Lanri kammana anjo kukio'mi Barukh ana'na Neria nampa kusuro antulisi' ngasengi sikontu apa Napaua Batara mae ri nakke. Jari natulisi' ngasemmi Barukh lalang ri anjo kitta' nigulunga.

YEREMIA 36:4 Referans Kwoze

YEREMIA 32:12

nampa kupassareang anjo ruaya sura' mae ri Barukh ana'na Neria cucunna Mahseya. Kupassareangi anjo ri dallekanna Hanameel kammayatompa sa'bi-sa'bi le'baka antekengi anjo sura'-suraka, siagang ri dallekanna sikamma tau niaka ammempo anjoreng ri paranglakkenga.

YEHEZKIEL 2:9

Nampa nia' kucini' lima ta'jonjo mae ri nakke. Lalang ri anjo limaya nia' kitta' nigulung,

YEREMIA 36:32

Langngallea' kitta' nigulung beru, nampa kupassareang mae ri Barukh juru tulisikku. Nampa lanatulisiki sikontu apa kupaua mae ri ia, iamintu bonena anjo kitta' nigulung makase'rea, siagang nitambai siapa are pole pasang sangkammaya anjo.

YEREMIA 43:3

Barukh ana'na Neria angkompa salako untu' ambaliangi ikambe, sollanna nanikoasai ikambe ri tu Babel siagang akkulle nabuno yareka naengka' ikambe mange ri Babel.”

ROMA 16:22

Antulisikai anne suraka iamintu inakke, Tertius. Appikatua' sallang passari'battangang mae ri kau ngaseng.

ZAKHARIA 5:1

Kuparhatikangi pole, nampa nia'mo pole kucini' iamintu se're kitta' nigulung anri'baka rate ri allaka.

YEREMIA 36:28

angngalle kitta' nigulung maraeng, nampa kusuro tulisi' sikontu apa le'baka tattulisi' ilalang ri anjo kitta' nigulung makase'rea.

YEREMIA 36:26

Ba'lalo karaenga naparentakangi ri ana' bura'nena iamintu Yerahmeel siagang Seraya ana'na Azriel siagang Selemya ana'na Abdeel, sollanna najakkalakka' siagang Barukh juru tulisikku. Mingka nicokkoi ikambe ri Batara.

YEREMIA 36:23

Kamma le'ba'na Yehudi ambacai tallu yareka appa' barisi' naung, napolommi anjo bageanga siagang lading ca'di nampa napasambila antama' ri pepeka. Kammami anjo tulusu' nagaukang sa'genna la'busu' natunu ngaseng sikontu anjo kitta' nigulunga.

YEREMIA 36:21

Nampa nasuro karaenga Yehudi mange angngallei anjo kitta' nigulunga. Le'baki naalle battu ri kamara'na Elisama, nabacakammi Yehudi anjo kittaka mae ri karaenga kammayatompa mae ri sikamma pagawe niaka ammenteng ri tammulilina.

YESAYA 8:1

Nakana Batara mae ri nakke, “Angngalleko se're batu pannulisang, ia lompoa, nampa nutulisi' siagang hurupu' a'nassa anne: ‘Panrampasang Lacciri', Pangngellakkang Tippaka’.

YEREMIA 25:13

LaKuhukkungi Babel siagang sikontu bala le'baka Kurancanakang mae ri bansa-bansaya siagang le'baka Kupabattu mae ri Yeremia – iamintu sikontu bala niaka nitulisi' ilalang ri anne kittaka.

YEREMIA 30:2

Nakana ri nakke, “Tulisiki lalang ri se'rea kitta' sikontu apa le'baka Kupau mae ri kau.

YEREMIA 36:6

Lanri kammana anjo, punna narapi' sallang allonna appuasa taua, musti a'lampako mange anjoreng, nampa nubaca nulompoi sa'rannu sikontu anjo kusuro tulisika mae ri kau, sollanna nalangngere' ngaseng ke'nanga apa Napaua Batara mae ri nakke. Gaukangi anjo kammaya ri tampa' akkullea nalangngere' ngasengko tau niaka lalang ri Balla'Na Batara, kammayatompa tu Yehuda battua ri kota-kotana ke'nanga.

YEREMIA 36:14

Nampa anjo sikamma pagawea nasuromi Yehudi (iamintu ana'na Netanya, cucunna Selemya, siagang cucu kulantu'na Kusyi) a'lampa mange ri Barukh siagang naparentakang sollanna nierang battu mae ri ke'nanga anjo kitta' nigulung le'baka nibaca. Jari battumi Barukh angngerangi anjo kittaka.

YEREMIA 36:27

Le'baki Karaeng Yoyakim natunu anjo kitta' nigulung kusuro tulisika ri Barukh, Nasuroma' Batara

YEREMIA 51:59

Pa'lapa' barambanna Karaeng Zedekia iamintu Seraya ana'na Neria cucunna Mahseya. Ri taung makaappa' pamarentahanna Zedekia karaeng Yehuda, Seraya amminawangi ri Zedekia mange ri Babel. Jari kusaremi se're tugasa'.

YEREMIA 51:60

Sikontu bala eroka antujui Babel siagang passala' maraengannaya mae ri anjo pa'rasanganga le'ba'mi kutulisi' lalang ri se're kitta' nigulunga.

DANIEL 7:1

Ri se'reang bangngi, ri taung makase're Belsyazar a'jari karaeng ri Babel, inakke, Daniel, asso'na' siagang anggappa' paccini'. Anjo so'naya kucataki siagang anjo apa kucinika kamma minne caritana: Anging sarroa ammiriki battu kere-keremae, sa'genna appabattu bombang lompo ri tamparang lompoa.

YESAYA 30:8

Nasuroa' Allata'ala ancataki kaja'dallanna umma'Na lalang se'rea kitta', a'jari pappiu'rangi untu' satunggu-tungguna.