YEREMIA 36:11 - KITTA' MATANGKASA'

¹¹ Mikhaya ana'na Gemarya siagang cucunna Safan nalangngereki Barukh ambacai kana-kananNa Batara battu ri anjo kitta' nigulunga.

YEREMIA 36:11 Referans Kwoze

YEREMIA 36:10

Nampa nabaca Barukh battu ri kitta' nigulunga sikontu apa-apa le'baka kupau, nampa appilangngeri ngaseng taua. Anjo kittaka nibacai lalang ri Balla'Na Batara ri kantoro'na Gemarya, ana'na Safan, jurutulisi'na pamarentaya. Anjo kantoroka niaki ri bageang rateang parang lakkenga, rampi'na oloang antamaya ri Pakke'bu' Lompo Beruna Balla'Na Batara.

2 PATTOTTORANG 34:20

Nampa appasulu' parenta karaenga mae ri Hilkia, Ahikam ana'na Safan, Abdon ana'na Mikha, Safan jurutulisi'na pa'rasanganga siagang Asaya pambantuna karaenga, angkana,

2 KARAENG-KARAENG 25:22

Le'baki anjo naangka'mi Karaeng Nebukadnezar tu niarenga Gedalya ana'na Ahikam cucunna Safan, a'jari guburnur ri Yehuda untu' ammarenta mae ri sikontu tau niaka ija ammantang anjoreng.

YEREMIA 36:13

Napaui mae ri ke'nanga sikontu anjo apa nabacaya Barukh ri Balla'Na Batara.

2 KARAENG-KARAENG 22:3

Nia' sitau jurutulisi'na Yosia, iamintu niarenga Safan ana'na Azalya, cucunna Mesulam. Ri taung makasampulo assagantuju ammarentana Karaeng Yosia, appasulu'mi parenta kamma anne Yosia mae ri anjo jurutulisi'na, “A'lampako mange ri Imang Lompo Hilkia ri Balla'Na Batara, siagang pappalakki laporang ri passala'na siapa jaina doe' le'baka napasse're sikamma imang tugasaka ri pakke'bu' antamaya ri Balla'Na Batara.

YEREMIA 26:24

Mingka kamma-kamma anne lanri pannulunna Ahikam ana'na Safan, inakke Yeremia, tena nipassareanga' mae ri ra'yaka untu' nibuno.