YEREMIA 36:10 - KITTA' MATANGKASA'

¹⁰ Nampa nabaca Barukh battu ri kitta' nigulunga sikontu apa-apa le'baka kupau, nampa appilangngeri ngaseng taua. Anjo kittaka nibacai lalang ri Balla'Na Batara ri kantoro'na Gemarya, ana'na Safan, jurutulisi'na pamarentaya. Anjo kantoroka niaki ri bageang rateang parang lakkenga, rampi'na oloang antamaya ri Pakke'bu' Lompo Beruna Balla'Na Batara.

YEREMIA 36:10 Referans Kwoze

YEREMIA 36:11

Mikhaya ana'na Gemarya siagang cucunna Safan nalangngereki Barukh ambacai kana-kananNa Batara battu ri anjo kitta' nigulunga.

YEREMIA 52:25

tuju tumailalanna karaenga niaka ija ri kotaya, panglima, wakkele' panglima angngurusukai sura'-sura'na tantaraya, siagang annampulo tumalompo maraenga.

YEREMIA 26:10

Ri wattunna nalangngere' pagawe-pagawena pamarenta Yehuda apa kajarianga, akkaro-karomi ke'nanga assulu' battu ri balla' karaenga nampa a'lampa mange ri Balla'Na Batara, siagang ammempo ri Pakke'bu' Lompo Berua.

YEREMIA 36:8

Jari nabacami Barukh anjo kana-kananNa Batara lalang ri Balla'Na Batara, sangkamma nipassuroanga mae ri ia.

YEREMIA 36:6

Lanri kammana anjo, punna narapi' sallang allonna appuasa taua, musti a'lampako mange anjoreng, nampa nubaca nulompoi sa'rannu sikontu anjo kusuro tulisika mae ri kau, sollanna nalangngere' ngaseng ke'nanga apa Napaua Batara mae ri nakke. Gaukangi anjo kammaya ri tampa' akkullea nalangngere' ngasengko tau niaka lalang ri Balla'Na Batara, kammayatompa tu Yehuda battua ri kota-kotana ke'nanga.

YEREMIA 35:4

Kuerangi ke'nanga mange ri Balla'Na Batara, antama' ri kamara'na ana'-ana' gurunna Na'bi Hanan ana'na Yigdalya. Anjo kamaraka tampa'na irateannai kamara'na Imang Maaseya ana'na Salum, ri ampi'na kamara'na pagawe-pagawe maraenga. Maaseya iami pagawe tinggi anjannangngi sikamma pakke'bu'na Balla'Na Batara.

YEREMIA 29:3

Kusuro erangi anjo suraka ri Elasa ana'na Safan, siagang Gemarya ana'na Hilkia ia nisuroa battu ri Zedekia karaeng Yehuda mange ri Nebukadnezar karaeng Babel. Anjo suraka kammai anne bonena,

YEREMIA 26:24

Mingka kamma-kamma anne lanri pannulunna Ahikam ana'na Safan, inakke Yeremia, tena nipassareanga' mae ri ra'yaka untu' nibuno.

2 KARAENG-KARAENG 18:37

Jari nakekke'mi pakeanna Elyakim, Sebna siagang Yoah a'jari pammatei ri si'nana pa'mai'na, nampa a'lampa mange allaporoki mae ri karaenga anjo apa le'baka napau anjo perwirana tantara Asyur.

2 KARAENG-KARAENG 15:35

Mingka sayanna, katena naputtai tampa'-tampa' panynyombanga mae ri rewataya sa'genna tuli assarena koro'bang siagang attununa dupa ra'yaka anjoreng. Iaminne Yotam ambangungi Pakke'bu' Lompo Bageang Waraka ri Balla'Na Batara.

2 SAMUEL 20:25

Jurutulisi'na pa'rasanganga: Seya. Imanga: Zadok ana'na Abyatar.

1 KARAENG-KARAENG 6:36

Ri dallekanna anjo Balla'Na Batara, niparekimi paranglakkeng bageang lalang. Anjo paranglakkenga nikulilingi ri tembo' a'lapisi'-lapisika: irateanna tattallung lapisika batu, nia' silapisi' kayu camara Libanon.

YEREMIA 43:3

Barukh ana'na Neria angkompa salako untu' ambaliangi ikambe, sollanna nanikoasai ikambe ri tu Babel siagang akkulle nabuno yareka naengka' ikambe mange ri Babel.”

YEHEZKIEL 40:38

Ri paranglakkeng bageang pantarang nia' se're kamara' pannambai ri pakke'bu' lompo bageang lalang ri bageang wara'. Battu ri anjo kamara' pannambaia nia' se're pakke'bu' a'lampa mange ri kamara' lompoa. Anjoremmi nibissai sikamma olo'-olo' eroka nipassareang a'jari koro'bang nitunu.

2 KARAENG-KARAENG 22:3

Nia' sitau jurutulisi'na Yosia, iamintu niarenga Safan ana'na Azalya, cucunna Mesulam. Ri taung makasampulo assagantuju ammarentana Karaeng Yosia, appasulu'mi parenta kamma anne Yosia mae ri anjo jurutulisi'na, “A'lampako mange ri Imang Lompo Hilkia ri Balla'Na Batara, siagang pappalakki laporang ri passala'na siapa jaina doe' le'baka napasse're sikamma imang tugasaka ri pakke'bu' antamaya ri Balla'Na Batara.