YEREMIA 34:9 - KITTA' MATANGKASA'

⁹ sikamma ata-ata tu Ibrani niaka ri ke'nanga, baji' nabura'ne kammayatompa bainea sollanna tenamo manna sitau battu ri bansa Israel ampare' atai julu bansana.

YEREMIA 34:9 Referans Kwoze

FILIPI 3:5

Inakke, sagantuju allo umurukku nanisunnaka', salaku tu Israel, battu ri suku bansa Benyamin. Inakke Ibrani totoka'. Ri passala' mannurukia mae ri hukkung agama Yahudia, inakke anne anggotana' golongang Farisia.

2 KORINTUS 11:22

Maka tu Ibrani anjo ke'nanga? Inakke tu Ibrani tonja'. Tu Israel ke'nanga? Inakke tu Israel tonja'. Turungannai Abraham ke'nanga? Inakke pole kamma tonja'!

1 KORINTUS 6:8

Mingka, ba'lalo ikaumi kalennu a'gau' taadele' siagang ampakarugi tu maraenga! Ba'lalo parannu tonji tau tappa' nupakamma!

YEREMIA 34:10

Sikontu ra'yaka siagang sikamma pagawe pamarentaya le'baki appare' parjanjiang untu' ampakabebasaki massing atanna ke'nanga siagang tenamo napare' atai ke'nanga, angkanaya lanalappassang tojeng-tojengi ke'nanga.

YEREMIA 30:8

Nakana pole Batara Kaminang Koasaya ri umma'Na, “Punna battu sallang anjo alloa, laKutepoki anjo lembarang Kupatabaya ri salanggannu, siagang Kulappassangi passikko'nu. Tenamo nula'jari ata pole mae ri bansa maraenga.

YEREMIA 27:7

Sikontu bansaya la'jari atai mae ri ia, mae ri ana'-ana' bura'nena, siagang mae ri cucunna sa'genna narapi' wattunna pa'rasangang kalenna tu'guru' todong. Anjo wattua bansa Babel la'jari atai mae ri bansa-bansa kassaka siagang karaeng-karaeng lompoa.

YEREMIA 25:14

LaKubalasaki sikamma panggaukanna tu Babel; lanipa'jari atai ke'nanga ri karaeng-karaeng lompoa siagang ri jaia bansa.’ ”

1 SAMUEL 14:11

Ri wattunna napappicinikang kalenna ke'nanga mae ri tu Filistin ri anjo balla' jagaya, nakanamo anjo tu Filistinga, “Ciniki, nia' tu Ibrani assulu' battu ri kali'bong paccokkoanna!”

1 SAMUEL 4:9

Pa'baraniangi nyawanu, ikau tu Filistin! A'bundu' mako sangkamma bura'ne. Punna tena, lanapa'jariko ata anjo tu Ibrania, sangkamma ke'nanga riolo a'jari atai mae ri kau ngaseng. Lanri kammana, a'bundu' mako siagang barani!”

1 SAMUEL 4:6

Nalangngere' tommi tu Filistin gora-gora lompona ke'nanga, sa'genna nakanamo ke'nanga, “Angngapai anjo tu Ibrania na'gora-gora lompo kamma?” Mingka ri wattunna naasseng ke'nanga angkanaya battumi Patti ParjanjianNa Batara mae ri kemana tu Ibrani,

PAOLE 15:12

“Punna nia' tu bura'ne yareka baine battu ri bansanu ambalukangi kalenna untu' a'jari atannu, musti anjamai ri kau lalang annang taung sallona. Ri taung makatujua, musti nupakabebasaki anjo taua.

KALAPPASSANG 3:18

Lanapilangngeri ummakKu kana-kanannu. Nampa musti siagangko sikamma pamimpinna tu Israel a'lampa mange andallekang ri Karaeng Mesir siagang angkana ri ia, ‘Batara, Allata'alana tu Ibrani, nia'mi battu ampappicinikangi KalenNa mae ri kambe. Kamma-kamma anne kisaremi ising ikambe a'lampa kira-kira tallungallo sallona nijappai battu anrinni, mange ri parang lompoa untu' assare koro'bang mae ri Batara, Allata'alana ikambe.’ ”

KALAPPASSANG 2:6

Ri wattunna nasungke ana' bainena karaenga anjo karanjenga, nacini'mi anjo ana' lolo niaka lalang, sitabang angngarru'. Tu'guru'mi pangngamaseanna anjo ana' bainena karaenga na nakana, “Anne ana' tu Ibrani.”

PA'JARIANG 40:15

Nasaba', riolo nakke nilukkaka' battu ri tu Ibrani. Nampa anrinni ri Mesir tena le'bakapa' anggaukangi manna sirupaya kaja'dallang sa'gengku siratang nipantama' ri tarungkua.”

PA'JARIANG 14:13

Mingka nia'mo sitau ta'lappasa' battu ampabattuangi Abram anjo tu Ibrania, sikamma anjo apa kajarianga. Anjo Abram niaki ammantang ri ampi'na poko'-poko' kayu karama' ri tampa' passambayanganna niarenga Mamre, sitau tu Amori. Na anjo Mamre siagang sikamma sari'battanna, iamintu Eskol siagang Aner, agannai Abram.