YEREMIA 34:7 - KITTA' MATANGKASA'

⁷ ri wattunna sitabang pasukanna karaeng Babel nia' battu ambunduki anjo kotaya. Nabunduki tongi ke'nanga kota Lakhis siagang Aseka, ruaya kota ammakea pattahangngang, attahanga ija ri Yehuda.

YEREMIA 34:7 Referans Kwoze

YOSUA 10:3

Lanri kammana anjo nia'mo tau nasuro Adoni-Zedek mange ri Karaeng Hoham ri Hebron, Karaeng Piream ri Yarmut, Karaeng Yafia ri Lakhis, siagang Karaeng Debir ri Eglon, ampabattui anne pasanga,

YEREMIA 4:5

Tuiki tarompe'nu ri sikontu pa'rasangang! Bajiki batenu akkio' siagang lompoi. Suroi lari pandudu' Yehuda siagang Yerusalem mange ri kota-kota niaka tembo' pattahanganna.

MIKHA 1:13

Ikau ngaseng pandudu'na Lakhis, patabami jaranga ri kareta bunduka! Nupalembai dosa-dosa nigaukanga ri Israel sa'genna doraka tommo Yerusalem napakamma.

YEREMIA 34:1

Ri wattunna Nebukadnezar karaeng Babel siagang pasukanna nibantua ri pasukang-pasukang battu ri sikontua bansa siagang bansa tunduka irawanganna, battumi ambunduki Yerusalem siagang kota-kota niaka ri tammulilina, a'bicarami Batara mae ri nakke.

YEREMIA 11:12

Nampa a'lampa tu Yehuda siagang pandudu'na Yerusalem mange appala' tulung ri rewata-rewata maraeng napakalompoa assare koro'bang. Tena nalanakulle anjo rewata-rewataya ampasalamaki ke'nanga ri wattunna battu balaya.

YEREMIA 8:14

Nakana umma'Na Allata'ala, “Angngapa natena apa-apa nigaukang? Umba nakissama-sama a'lili mange ri kota-kota niaka pattahanganna, lappassang maki' anjoreng mate. Le'ba'mi Natappuki Karaeng Allata'ala, angkanaya musti panrakki'. Le'ba' maki' Nasare racung untu' niinung lanri dorakaki' mae ri Ia.

2 PATTOTTORANG 27:4

Ambangungi kota-kota ri daera monconna Yehuda siagang tembo'-tembo' pattahangnganga kammayatompa menara-menara niaka ri romanga.

2 KARAENG-KARAENG 19:8

Anggappai kabara' anjo panglimana tantara Asyur angkanaya a'lampami karaenna ambokoi Lakhis siagang sitabangi a'bundu' sipa'baliang tau niaka ri kota Libna, tena nabella battu ri anjo tampaka. Jari a'lampami anjo perwiraya mange anjoreng untu' assigappa anjo karaenna.

PAOLE 28:52

Lanabunduki ngasengi sikamma kota niaka ri pa'rasangang Napassareanga Karaeng Allata'alanu mae ri kau. Anjo tembo'-tembo' kalli' tinggia siagang nukanaya kassa' siagang nupattoanga laruntung ngasengi.

YOSUA 10:5

Jari asse'remi anjo limaya karaeng Amori, iamintu karaeng Yerusalem, Hebron, Yarmut, Lakhis siagang Eglon, nampa a'lampa ke'nanga siagang sikontu tantarana ke'nanga allipungi siagang ambunduki Gibeon.

YESAYA 36:2

Le'baki anjo nasuromi perwira tinggi tantarana battu ri Lakhis mange ri Yerusalem nirurungang ri tantara jai, untu' antuntuki sollanna mangaku nibeta Karaeng Hizkia. Battui ke'nanga ri anjo kotaya, angngallemi tampa' ri koko niarenga Koko Pasassa, ri ampi'na solongang allo'loranga je'ne' battua ri kollang bageang rateang.