YEREMIA 34:22 - KITTA' MATANGKASA'

²² LaKusuroi ke'nanga sollanna ammotere' mae ri anne kotaya, nampa nabunduki, nabeta, siagang natunui. Kota-kota Yehuda laKupa'jari sangkamma parang lompo tenaya nipammantangngi ri tau. INakke, Batara, anne akkana.”

YEREMIA 34:22 Referans Kwoze

YEREMIA 9:11

Nakana Batara, “LaKupa'jari rumbangngang Yerusalem tampa' paccokkoanna kongkong romanga. Kota-kota Yehuda la'jari sinoi, tampa' tenayamo nanipammantangngi.”

YEREMIA 39:8

Lalang kammana anjo tu Babel natunumi balla' karaenga sikamma balla'na ngaseng ra'yaka, kammayatompa naruntungi tembo'-tembo' kalli'na Yerusalem.

YEREMIA 52:13

Nebuzaradan natunui Balla'Na Batara, balla' karaenga, siagang balla'na sikontu pamimpinga ri Yerusalem.

YEREMIA 52:7

nirumbammi tembo'na kotaya ri musua. Anjo bangngia, manna pole nasitabang nakurung tu Babel anjo kotaya, sikontu tantara Yehuda lari mange ri Lappara'na Yordan. Anjorengi ke'nanga ri koko balla' karaenga angngolo, nampa assulu' battu ri pakke'bu' lompoa ampasisambungai ruaya tembo' ri anjo tampaka.

YEREMIA 44:22

Tenamo Natahangi Batara ancinikko assare koro'bang mae ri rewata-rewata maraenga. Anjo panggaukannu ja'dalaki siagang tunai. Doraka mako mae ri Batara siagang tenamo numannuruki ri parenta-parentaNa. Lanri kammana anjo, kamma-kamma memang anne ancuru'mi pa'rasangannu sa'genna tenamo nakkulle nipammantangngi, siagang arenna nipakemi a'jari kana pattunra. Tau ancinikai a'jari sanna'mi malla'na.”

YEREMIA 33:10

Nakana Batara, “Nakana taua anne tampaka sangkammai parang lompo, tena tau siagang olo'-olo' ammantang anjoreng. Anjo kananna ke'nanga memang annabai, nasaba' kota-kotana Yehuda siagang agang-aganga ri Yerusalem kosong ngasemmi; tena tau yareka olo'-olo' ammantang anjoreng.

MATIUS 22:7

Nalangngere'na Karaenga anjo kajarianga teaimi sipato' larrona. Nakirimmi tantarana nanasuro buno ngaseng anjo tau le'baka ambunoi pala'-palayanna. Kammayatompa kotana ke'nanga nasuro tunu tongi.

ZAKHARIA 7:14

Sanrapang anging barubu, Kubarrasaki ke'nanga sa'genna tarpassa ammantang ri sikamma pa'rasangang-pa'rasangang maraenga. Anne butta copponga a'jari sino sikalimi, tena sikali tau ammantang, siagang roso'mi buttana.”

ZAKHARIA 1:12

Nampa nakanamo anjo malaekaka, “O, Batara Kaminang Koasaya, tujupulo taummi salloTa larro mae ri kota Yerusalem siagang kota-kota niaka ri Yehuda. Siapapi salloTa tuli lalarro siagang tena naKipammopporangi ke'nanga?”

MIKHA 7:13

Mingka buttaya la'jari kalotoroki lanri kaja'dallanna pandudu'na.

AMOS 3:6

Maka latena nannekkere' tau ri kotaya punna nalangngere' sa'ra tarompe' tanra pa'bundukanga? Maka akkullei natuju bala se'rea kota, punna tena Napabattui Batara?

PIRAUNG 1:1

Tamaka sinona Yerusalem anne kamma, kota suara' dudua riolo. Tamaka porena riolo ri alla'na bansa-bansaya, anne kamma rapammi janda. Riolo kontui kota kaminang nisomba, anne kamma nipa'jarimi ata.

YEREMIA 38:23

Kukana pole, “Sikontu ana'na siagang bainenna karaenga lanierangi mange ri tu Babel. Manna kalenna karaenga tena todong nalakkulle ta'lappasa' battu ri ke'nanga. Lanijakkalaki karaenga ri karaeng Babel, siagang anne kotaya lanitunui sa'genna la'busu'.”

YEREMIA 32:29

siagang lanatunui sa'genna la'busu' siagang ngaseng sikamma balla' napammantangngia tau ampakallarroA', lanri iratemi ri pattongko'na sikamma anjo ballaka attunu ke'nanga dupa untu' Rewata Baal, kammayatompa appatiri' anggoro' untu' napassareang mae ri rewata-rewataya.

YEREMIA 4:7

Rapang singa assuluka battu ri paccokkoanna kamma tomminjo a'lampami pammanrakia ri bansa-bansa battua ero' ampanraki Yehuda. Laruntungi Yehuda a'jari kamma loro tampa' tenaya napammantangngi tau.

YESAYA 64:10

Kota-kota matangkasatTa sanrapammi parang lompoa, Yerusalem a'jari parang kalotoro' siagang sino.

YESAYA 37:26

Tale'bakapi nulangngere' angkanaya yangasenna anjo apa le'baka kajariang apa le'ba' memammo Kurancana battu riolo? Nampa kamma-kamma anne iNakke anggaukangi. INakke assareko koasa untu' angngancuruki kota-kota niaka pattahanganna a'jari rumbangang.

YESAYA 24:12

Ancuru' taba sikalimi kotaya, sikamma pakke'bu' lompona runtung ngasemmi tassimbung-simbung.

YESAYA 13:3

Le'ba'mi Nakio' Batara sikamma pejuang nipileNa. Kassaki ke'nanga, napatappaki kalenna siagang akkullei Nakalompoang pa'mai'. Nasarei tugasa' Batara ke'nanga untu' anghukkungi sikamma tau natabaya pangngalarroinNa.

YESAYA 6:11

Akkuta'namma' angkana, “Siapa sallona lakajariang anne kammaya, Batara?” Appialimi angkana, “Sa'genna a'jari rumbangngang anjo kota-kotaya natena taunna, tenamo nipammantangngi sikamma ballaka, siagang la'jari sino sikalimi na roso' buttaya.

2 PATTOTTORANG 36:17

Napagio'mi Batara atinna karaeng Babel sollanna battu ambunduki ke'nanga. Anjo karaenga nabunomi tu Yehuda rungka-rungkaya, kammayatompa ia niaka lalang ri Balla'Na Batara. Tena manna sitau nakamaseang, tau toa yareka tau rungka, bura'ne yareka baine, tau garring yareka tau tagarring. Nipassareang ngasengi ri Allata'ala ke'nanga mae ri karaeng Babel.

2 SAMUEL 16:11

Nampa nakanamo pole Daud ri Abisai siagang sikontu atanna, “Ana' kalengku appattujuang ero' ambunoa'; angngapa nulannasa' ngaseng anciniki panggaukanna anne tu Benyamin? Batara ansuroi antunraia'; lanri kammana teako apa-apai siagang lappassammi nanatunraia'.

2 KARAENG-KARAENG 25:6

Nampa nierang Karaeng Zedekia mange ri Karaeng Nebukadnezar ri kota Ribla, nampa nitappu' hukkungang mate.

YEREMIA 34:2

Nasuroa' a'lampa mange ri Zedekia karaeng Yehuda, nampa akkana kamma anne, “INakke, Karaeng Allata'alana Israel, laKupassareangi anne kotaya mae ri karaeng Babel siagang lanatunui.

YEREMIA 50:13

Lanri larroKu, nalaKupa'jari rumbangngang Babel siagang tenamo ampammantangngi. Sikontu allaloa anjoreng lata'bangka ngasengi siagang a'jari mallaki.

YEHEZKIEL 13:22

Tau bajika tenaya naero' Kuapa-apai, nupakaca'di nyawana lanri balle-ballenu. Tau ja'dalaka nupakalompoi nyawana sollanna tuli doraka siagang tena nipasalamaki ke'nanga.

2 KARAENG-KARAENG 25:9

Natunui Nebuzaradan Balla'Na Batara, balla' karaenga siagang balla'na sikontu pamimpinga ri Yerusalem.

YEREMIA 2:15

Ammarrummi sa'ranna musunna rapang sa'ra singa, nipa'jari roso'mi buttana natena apa-apa wassele'na, kota-kotana la'busuki nakanre pepe', nibalang parekang ta'ronang tena bonena.