YEREMIA 34:11 - KITTA' MATANGKASA'

¹¹ Mingka ri bokoang allo amminrai pikkiranna ke'nanga, nampa naalle ammotere' anjo ata-ataya, siagang napassai ke'nanga a'jari ata ammotere'.

YEREMIA 34:11 Referans Kwoze

KATO'BA 8:11

Angngapa nagampang kamma taua anggaukangi kaja'dallanga? Lanri tenana nalinta' nipitabai hukkungang.

PANGNGEBARANG 26:11

Sanrapang kongkong angkanrei ammotere' langngena, kammaminjo tau toloa ampa'mole-molei kadongokanna.

ZEFANYA 1:6

LaKupanraki ke'nanga tau tenaya nabattu mae ri Nakke yareka tenaya naero' Kururungang kammayatompa ma'bokoa mae ri Nakke siagang tenayamo naero' amminawang mae ri Nakke.”

HOSEA 7:16

Tulusu' amminawanna ke'nanga ri rewata-rewata tena sikalia koasana. Takkulleai nipattoang ke'nanga, rapang anrong pana akkombeka otere'na. Tampoi a'bicara pamimping-pamimpinna ke'nanga, passala' kammanami anjo nalanibuno ke'nanga siagang pa'dang, na nikakkali ri tu Mesir.”

HOSEA 6:4

Mingka Nakana Batara, “He tu Israel siagang tu Yehuda! Apa musti Kugaukang mae ri kau ngaseng? Pangngainnu mae ri Nakke poro sinampe'ji natenamo, rapang saliuka ri wattu bari'basa'.

YEREMIA 37:5

Tantarana Babel anjo wattua nakurungi Yerusalem, mingka ri wattunna nalangngere' ke'nanga angkanaya a'jappami tantara Mesir battu ri Mesir untu' a'bundu', ammunduru'mi ke'nanga.

YEREMIA 34:21

Zedekia karaeng Yehuda siagang sikamma pagawe pamarentahanna laKupassareangi mae ri sikamma tau eroka ambunoi ke'nanga. LaKupassareangi ke'nanga mae ri tantarana Babel, ia ambokoia mako ri kamma-kammaya anne.

PAMMUJI 125:5

Mingka tau a'gau' jekkonga poro nihukkung laloi ri Batara siagang tau ja'dalaka. Poro salewangang lalo ummatTa!

PAMMUJI 36:3

Nakanai kalenna sanna' heba'na, sa'genna tanaassenga kasalanna, siagang tena nakabirisi.

1 SAMUEL 26:21

Appialimi Saul angkana, “A'gau' dorakama'. Daud, ammotere' mako ana'! Tenamo nakula'gau' ja'dala' mae ri kau, lanri nurellakanga' attallasa' ri bangngia. Tolo sikali panggaukangku. Lingu tojeng-tojemma' nakke!”

1 SAMUEL 24:19

Langkara' sikali nia' tau assibuntulu' siagang musunna nampa naboli' attallasa' anjo musunna! Jari, tapporo Nabarakkakiko Batara lanri anjo panggaukang baji'nu anne alloa mae ri nakke!

KALAPPASSANG 9:28

Appala' doang mako mae ri Batara; ganna'mi kasessanna ikambe lanri anne gunturuka siagang bosi eska. Lakulappassang mako a'lampa. Tea' mako ammantangngi pole anrinni.”

KALAPPASSANG 8:15

Ri wattunna nacini' karaenga angkanaya mate ngasemmi anjo tumpanga, kapala batumi pole. Na kamma le'baka Napau Batara, taerokai karaenga anjampangi kananna Musa siagang Harun.

KALAPPASSANG 8:8

Nakio'mi Karaenga Musa siagang Harun nampa nakana, “Appala' doang mako mae ri Batara sollanna Napa'lanynya' anne sikamma tumpanga, nampa kulappassang a'lampa bansanu untu' mange assare koro'bang mae ri Batara.”

YEREMIA 34:10

Sikontu ra'yaka siagang sikamma pagawe pamarentaya le'baki appare' parjanjiang untu' ampakabebasaki massing atanna ke'nanga siagang tenamo napare' atai ke'nanga, angkanaya lanalappassang tojeng-tojengi ke'nanga.

YEREMIA 34:12

Jari Batara, iamintu Allata'alana Israel, Nasuroa' akkana kamma anne mae ri sikamma anjo taua, “Ri wattunna Kuerang boe-boenu assulu' battu ri Mesir siagang Kupakabebasa' ke'nanga battu ri nipare' ataya, le'ba'Ma' appare' parjanjiang siagang ke'nanga.

YEREMIA 34:16

Sikamma pagawe pamarentahanna Yehuda siagang Yerusalem kammayatompa sikamma pagawe balla' karaenga, imang-imanga siagang sikontu pajaga tampa'nu le'ba'mi nuassai anjo parjanjianga lanri ammolong sapi, iamintu nupolong ruai, nampa a'jappako ri alla'na anjo ruang bageang polonganga. Mingka, ribokoanganna amminrai pikkirannu siagang nupakatunA'. Anjo sikamma ata le'baka nulappassang situru' nakaerokia ke'nanga, nuallei ammotere' siagang nupassai ammotere' a'jari atannu. Lanri kammana anjo, iNakke, Batara, Kukana angkanaya nudakkaimi parentaKu, siagang tena nuturuki sara'-sara'na, lanri tenana nanupakabesaki julu bansanu Israel. Jari, kamma-kamma anne, baji'mi naiNakke assareko kabebasang: kabebasang untu' mate lalang pa'bundukang yareka lanri garring, yareka lanri kacipurang. LaKugaukangi mae ri kau sangkamma nugaukanga mae ri sapi nupolonga anjo. LaKupa'jari sannaki malla'na sikontu bansaya ri lino anciniki apa Kugaukanga mae ri kau.