YEREMIA 34:10 - KITTA' MATANGKASA'

¹⁰ Sikontu ra'yaka siagang sikamma pagawe pamarentaya le'baki appare' parjanjiang untu' ampakabebasaki massing atanna ke'nanga siagang tenamo napare' atai ke'nanga, angkanaya lanalappassang tojeng-tojengi ke'nanga.

YEREMIA 34:10 Referans Kwoze

YEREMIA 26:16

Nampa sikamma pagawe pamarentaya siagang ra'yaka nakanamo ri anjo imang-imanga siagang na'bi-na'bia, “Anne taua a'bicarai lalang arenNa Karaeng Allata'alata; tena nasiratang nihukkung mate.”

YEREMIA 26:10

Ri wattunna nalangngere' pagawe-pagawena pamarenta Yehuda apa kajarianga, akkaro-karomi ke'nanga assulu' battu ri balla' karaenga nampa a'lampa mange ri Balla'Na Batara, siagang ammempo ri Pakke'bu' Lompo Berua.

MARKUS 6:20

Nasaba' le'ba'mi nasuro jagai baji'-baji' Herodes kasalamakkanna Yohanes lalang ri tarungkua, lanri mallaki ri Yohanes. Naassengi angkanaya tau baji' anjo Yohanes, nisuroa ri Allata'ala. Na memang, punna a'bicara Yohanes, nangai tonji Herodes allangngereki, manna mamo na'jari sanna' lussa'na nyawana napakamma.

YEREMIA 38:4

Jari a'lampami anjo sikamma pagawea mae ri karaenga nampa angkana, “Anne taua musti nihukkung matei. Nasaba', lanri akkana kammana napanaungi sumanga'na sikontu tantaraya siagang tau maraenga ammantanga ri anne kotaya. Tena natulungi ra'yaka, passangalinna nacilakai ke'nanga.”

YEREMIA 36:12

Nampa a'lampamo mange ri balla' karaenga, ri kantoro'na juru tulisi'na pamarentaya. Sitabangi rapa' anjoreng sikontu pagawe pamarentaya. Delaya ana'na Semaya, Elnatan ana'na Akhbor, Gemarya ana'na Safan, Zedekia ana'na Hananya, Elisama sitau jurutulisi', siagang sikamma pagawe maraenga niaki anjoreng.

YESAYA 29:13

Nakana Batara, “Anjo taua nasombA' siagang bawana, mingka atinna lalang bellai ri Nakke. Agamana ke'nanga poro atorang napare'ji rupataua, untu' niapele'ji bawang.

YEREMIA 34:11

Mingka ri bokoang allo amminrai pikkiranna ke'nanga, nampa naalle ammotere' anjo ata-ataya, siagang napassai ke'nanga a'jari ata ammotere'.

KALAPPASSANG 21:2

Punna ammalliko sitau ata nabansanu tonji, musti napanjamangko annang taung sallona. Ri makatujuna taung, musti nilappassangi anjo taua siagang tena naparallu a'bayara' apa-apa.

KAIMANGNGANG 25:10

Musti nusa'laki anjo taung makalimampuloa, siagang nupa'la'bang kabebasanga mae ri sikontu pandudu'na pa'rasanganga. Lalanna anjo taunga sikontu barang-barang le'baka nibalukang musti nipoterangi mae ri uru patannaya yareka mae ri jari-jarina. Inai-nai nibalukang salaku ata musti nipoterangi mae ri kaluargana.