YEREMIA 33:25 - KITTA' MATANGKASA'

²⁵ Mingka sangkamma bateKu, iNakke, Batara, le'ba' appare' parjanjiang siagang alloa na bangngia, siagang appare' paratorang untu' angngatoroki langika siagang buttaya,

YEREMIA 33:25 Referans Kwoze

YEREMIA 33:20

“Le'ba'Ma' anynyikko' parjanjiang siagang alloa na bangngia, sollanna anjo alloa siagang bangngia tuli battui punna narapiki wattunna; anjo parjanjianga takkulleai nipela'.

PAMMUJI 104:19

ApparekKi' bulang untu' pammatei wattu, naassengi alloa wattu pa'labuanna.

PA'JARIANG 8:22

Ilalang nia'na anne linoa, tuli lania' wattu pa'lamungang siagang wattu pakkattoang, wattu dinging siagang wattu bambang, wattu timoro' siagang wattu bara', wattu allo siagang bangngi.”

PA'JARIANG 1:17

Naboli'mi Allata'ala anjo barang-barang singaraka ri langi' untu' ansingari buttaya,

PAMMUJI 119:91

Sikontu niaka anne kamma, niaki lanri parentaTa, saba' yangaseng ke'nanga ata-atanTa.

PAMMUJI 148:6

Ia ampattantui massing-massing tampa'na, a'jari katantuanna satunggu-tungguna.