YEREMIA 33:21 - KITTA' MATANGKASA'

²¹ Kammatommi anjo le'ba' tommA' anynyikko' parjanjiang siagang atangKu Daud, angkanaya battu ri jari-jarina tuli lania' tassitau a'jari karaeng; siagang le'ba'Ma' anynyikko' parjanjiang siagang imang-imang jari-jarina Lewi angkanaya ia ke'nanga tuli lallayaniA'. Anjo parjanjiang-parjanjianga takkulleai nikaluppai.

YEREMIA 33:21 Referans Kwoze

PAMMUJI 89:34

Mingka tuli laKukamaseanna Daud, talaKukaluppaiyai nyawa tamamminraKu.

2 PATTOTTORANG 7:18

laKurupai anjo janjingKu mae ri manggenu Daud, angkanaya tuli lania' battu ri jari-jarina a'jari karaeng mae ri tu Israel.

2 PATTOTTORANG 21:7

mingka taerokai Batara amputtai karaeng jari-jarina Daud, lanri le'baki a'janji angkanaya jari-jarina Daud tuli lammarenta.

2 SAMUEL 23:5

Kamma tomminjo jari-jariku batena Nabarakkaki Allata'ala, parjanjianNa ri nakke tena pamminraNa, mannannungang siagang sangkaki janjinNa, yangasenna bajiki atoro'na. Natanggongi Allata'ala pammetangku na Naturuki sikontu apa Nakaerokia pa'maikku.

PAPPICINI' 5:10

Kipa'jarimi ke'nanga se're bansa nisa'laka iamintu bansa imang-imang sollanna nalayani ke'nanga Allata'alata, nammarenta irateanganna linoa.”

MATIUS 24:35

Lalanynyaki langika siagang linoa, mingka tuli lania'na kana-kanangKu satunggu-tungguna.”

DANIEL 7:14

Nisarei kalompoang siagang kakoasanga salaku karaeng, sa'genna sikamma tau battua ri sikontu bansaya, suku bansaya siagang bahasaya napare' atai kalenna mae ri ia. Lattahangi kakoasanna satunggu-tungguna, siagang pamarentahanna tena nalanigulung.

YEREMIA 33:18

tuli lania' imang-imang battu ri suku Lewi allayaniA' siagang assare ri Nakke koro'bang olo'-olo', gandung, siagang passare nitunua.”

YESAYA 55:3

Pilangngeri, he bansaKu, battu mako mae ri Nakke, laKusareko katallassang sitojennaya. Lanri pangngamaseang siagang kajarrekang Kupa'janjianga ri Daud, appareKa' janji mannannungang siagang ikau ngaseng.

PAMMUJI 132:17

Anrinni sitau turunganna Daud Kupa'jari karaeng; laKupakajarreki pamarentahanna.

PAMMUJI 89:36

SikalijA' assumpa untu' satunggu-tungguna lanri areng matangkasakKu; tena Kula'balle-balle mae ri Daud.

YESAYA 66:22

Rapang langi' beru siagang butta beru lattahanga lanri koasaKu, kamma tomminjo turungannu siagang arennu tuli lania'na.