YEREMIA 33:12 - KITTA' MATANGKASA'

¹² Nakana Batara Kaminang Koasaya, “Anne pa'rasangang siagang kota-kotana sangkammaya parang lompo, tena nipammantangngi ri tau yareka olo'-olo'. Mingka manna nakamma, ri bokoangallo lania' ammotere' parang-parang ruku' tampa'na taua akkalawaki gimbala'.

YEREMIA 33:12 Referans Kwoze

YESAYA 65:10

UmmakKu lanynyombai ri Nakke; gimbala'na siagang sapina ke'nanga la'rukuki ri Lappara'na Saron siagang Ka'bung Akhor.

YEREMIA 51:62

Punna le'baki anjo, appala' doang mako kamma anne, ‘O Batara, le'baki Kipau angkanaya anne kotaya laKiancuruki sa'genna sikamma rupataua kammayatompa olo'-oloka lalanynya' taba sikali, siagang anne tampaka la'jari sangkammai parang lompo satunggu-tungguna.’

YEREMIA 36:29

Nasuroa' Batara ampauangi karaenga kamma anne, “Le'baki nutunu anjo kitta' nigulunga, siagang akkuta'nangko ri Yeremia angkana angngapa natulisiki angkanaya labattui karaeng Babel angngancuruki anne pa'rasanganga kammayatompa ambunoi pandudu'na siagang olo'-olo'na.

YEREMIA 31:24

Lammantangi taua ri Yehuda siagang ri desa-desana. Anjoreng lania' pamarri siagang tummarakai olo'-olo' sapi siagang gimbala'.

YEREMIA 17:26

Sikamma tau niaka battu ri kota-kota Yehuda, kammayatompa battu ri desa-desa niaka ri tammulilina Yerusalem; laniaki ke'nanga battu ri daera Benyamin, battu ri daera bangkeng buluka, battu ri daera monconga siagang battu ri daera Yehuda bageang timboro'. Langngerangi ke'nanga mange ri BallakKu iamintu olo'-olo' lanipare' koro'bang, baji' lanitunua kammayatompa tenaya, kammayatompa gandung passare, kamanynyang, siagang passare kasukkurang.

KELONG MALA'BIRI' 1:7

Paumi, he tanringku, kemaeko akkalawaki gimbala' kemae nupatinro ke'nanga punna karueng? Masakang lasanrapanga' tau padete' ri alla'-alla'na gimbala'na sikamma belanu?

YEREMIA 31:12

Labattui ke'nanga mange ri Bulu' Sion accaya nicini' rupanna, akkelong a'rannu-rannu lanri sikontu passareKu mae ri ke'nanga, iamintu gandung, minynya', anggoro', sapi siagang gimbala'. Rapang ke'nanga koko ga'ga gannaka ri je'ne, siagang tena kakurangang apa-apa.

YEREMIA 32:15

Batara Kaminang Koasaya, iamintu Allata'alana Israel, Nakana angkanaya, balla', tampa', siagang koko anggoro' lanipare' balukangi sallang.”

YEREMIA 50:6

UmmakKu rapangi gimbala' le'baka nilappassang lingu ri monconga ri pakalawakinna. Pitilampa-lampaimi ke'nanga battu ri moncong se'rea mange ri moncong maraenga siagang tanaassengami angkana kemae balla'na ke'nanga.

HAGAI 1:4

“He ummakKu, maka narapi'mi wattunnu untu' ammantang lalang ri balla' bajika siagang kassaka, nampa BallakKu tuli sangkammana tambungang loro?

YEHEZKIEL 36:35

Jari sikontu taua la'jari lannasaki lanri anjo butta rosoka sumpaeng, kamma-kamma anne a'jarimi koko Eden; siagang kota-kota sinoa riolo, ancuruki siagang a'jari loromi, kamma-kamma anne a'jarimi kota-kota kassa' pattahanganna siagang jai pandudu'na.