YEREMIA 33:11 - KITTA' MATANGKASA'

¹¹ Mingka anjoreng ri tampaka lania' pole kalangngerang sa'ra karannuang siagang kalompoang pa'mai' kammayatompa sa'ra passua'-suarrang pa'gaukang pa'buntingang. Lania' todong kalangngerang kelong-kelong tau angngerang koro'bang kasukkurang mange ri BallakKu. Lanakana ke'nanga, ‘Appala' sukkurukko mae ri Batara Kaminang Koasaya, lanri Ia bajiki siagang pangngamaseanNa sa'genna satunggu-tungguna.’ Anne pa'rasanganga laKupa'jari kalumanynyangi sangkamma riolo. INakke, Batara, anne akkana.”

YEREMIA 33:11 Referans Kwoze

1 PATTOTTORANG 16:34

Sukkurukko ri Batara, nasaba' baji'Na; niaki pangngamaseanNa satunggu-tungguna.

PAMMUJI 107:22

Boli'mi kamma appala' sukkuru' ke'nanga angngerang passare, na nakabarrang panggaukanNa siagang kelong-kelong marannu.

PAMMUJI 107:1

“Sukkurukko mae ri Batara saba' Ia bajiki, pangngamaseanNa sa'genna satunggu-tungguna.”

PAMMUJI 106:1

Pujimi Batara! Sukkurukko mae ri Batara, saba' bajiki; pangngamaseanNa sa'genna satunggu-tungguna.

IBRANI 13:15

Lanri kammana, tete ri Isa, paralluki' tuli mammuji-muji ri Allata'ala; iaminjo a'jari koro'bang sukkurutta mae ri Ia, nipassareanga lalang kana-kana nipaua untu' ampakala'biriki arenNa.

YESAYA 51:11

Nalammotere'mo sikamma tau Nalappassanga Batara akkio' rannui ke'nanga antama' ri Yerusalem corai rupanna ke'nanga lanri karannuang mannannungang. Rannui siagang ma'reja-rejai ke'nanga, lanynya'mi susaya siagang kunrarenga.

2 PATTOTTORANG 29:31

Le'baki anjo nakanamo Hizkia, “Lanri kamma-kamma anne le'ba' kabusu' mako nitangkasi untu' Batara, jari salaku tanra sukkuru'nu, musti angngerangko koro'bang mae ri Balla'Na Batara.” Nampa sikontu tau hadereka anjoreng massing naerammi anjo passarea, ba'lalo nia' todong battu ri ero' kalenna tonji nangngerang olo'-olo' untu' nipassareang salaku koro'bang nitunu.

PAPPICINI' 18:23

Tenamo nalaccini' taua singara' lampu lalang ri kau; siagang tena tommo lanilangngere' passua'-suarrang pa'buntingang antureng. Sikamma padanggannu kaminang pore ri lino, siagang nutipumi sikontu bansaya ri lino siagang pangngassengang bale'-bale' matanu!”

YOHANES 3:29

Ia bunting bainea, bunting bura'nea pata. Anjo passari'battanganna bunting bura'nea poro ammentennaji anrurungangi siagang ampilangngeri kananna; na sanna' nangaina ampilangngeri sa'ranna anjo bunting bura'nea. Inakke kamma tomma' anjo. Sannang sikalimi atingku kamma-kamma anne.

1 PATTOTTORANG 16:8

Sukkurukko mae ri Batara birittakangi kalompoanNa caritakangi apa Nagaukanga ri tangnga-tangngana bansa-bansaya.

ZAKHARIA 8:19

“Puasa nigaukang lalang bulang makaappa', makalima, makatuju, siagang makasampulo la'jari passua'-suarrang appakarannua siagang appakasannanga mae ri pandudu'na Yehuda. Mangngaiko ri katojengang siagang passiamakkang!”

ZEFANYA 3:14

He Israel, rannu mako nukkelong! He Yerusalem, pakarannumi sikontu atinnu!

YEREMIA 33:7

Yehuda siagang Israel laKupa'jari porei sangkamma riolo siagang lammentengi ammotere' salaku ummakKu.

YEREMIA 7:34

Anne pa'rasanganga la'jari parang kalotoro' naroso'. LaKupammari sa'ra rannua siagang sa'ra passua'-suarrang pa'buntinganga ri kota-kota Yehuda siagang ri agang-agang niaka ri Yerusalem.

YESAYA 52:9

Akkio' rannuko, he sikamma rumbanna Yerusalem, saba' Nasaleori Batara umma'Na na Napakabebasa' Yerusalem.

PAMMUJI 116:17

Langngeranga' koro'bang sukkuru' mae ri Katte, nakuappanai' pappala' doang mae ri Katte.

2 PATTOTTORANG 7:3

Ri wattunna nacini' ra'ya' Israel anjo pepe' turunga battu rate ri langika siagang singara' kahaderanNa Batara ampantamakki Balla'Na Batara, su'ju' kabusu'mi ke'nanga naung ri daparaka, nampa anynyomba siagang ammuji ri Allata'ala, lanri baji'Na siagang mangngamaseangi satunggu-satungguna.

ZAKHARIA 10:7

Umma' Israel la'jari sangkamma tubarani makassaka, rapang tau angnginunga anggoro' larannui pa'mai'na ke'nanga. Jari-jarina ke'nanga battu ri jammanga mae ri jammang poleanga talanakaluppaiyai anne pammetang Kupassareanga. La'rannu-rannui ke'nanga lanri apa Kugaukanga mae ri ke'nanga.

ZAKHARIA 9:17

Tamaka baji'na buttaNa Batara sallang, teai sipato' baji'na siagang ga'gana! Anjorengi coppong sikali timbona anggoroka siagang gandunga, sa'genna pila' katambang gassinna turungkaya siagang tuloloa.

YUNUS 2:9

Mingka lakkelonga' pammuji mae ri Katte siagang assarea' koro'bang untu' iKatte. Sikontu janjingku lakurupai. IKatte Batara mappasalamaka.”

YEREMIA 33:26

kammatommi anjo latuli Kuta'galaki parjanjiangKu siagang jari-jarina Yakub, siagang atangKu Daud. Nia' sitau battu ri jari-jarina Daud laKupile untu' ammarenta ri jari-jarina Abraham, Ishak, siagang Yakub. LamangngamaseangA' mae ri ummakKu, siagang Kupa'jari kalumanynyangi ammotere' ke'nanga.”

YEREMIA 25:10

Sikamma sa'ranna tau a'rannu-rannua siagang passua'-suarranna pa'buntinganga laKupammari. Latenamo minynya' lampunna ke'nanga, siagang lacappu'mi gandunna ke'nanga.

YEREMIA 16:9

Pilangngeri anne eroka Kupau ri kau, iNakke Batara Kaminang Koasaya, Allata'alana Israel. Sa'ra rannuna siagang kakkala'na anjo passua'-suarrang pa'buntinganga laKupammari ngasengi. Anjo sikammaya lanacini' ngasengi sikamma tau attallasaka ri anne jammannu.

NEHEMIA 12:43

Anjo alloa jai koro'bang nipassareang ri Batara. A'rannu-rannui ra'yaka lanri nipakasunggui ri Allata'ala. Sikamma bai'-bainea siagang ana'-anaka amminawang tongi assua'-suara', siagang kalangngerammi sa'genna bella sa'ra karannuanna ke'nanga.

NEHEMIA 8:12

Jari ammotere'mi sikontu ra'yaka untu' angnganre, angnginung, siagang a'bage-bage kanre mae ri tau maraenga. Rannumi pa'mai'na ke'nanga lanri napahammi battuanna anjo nalangngereka ke'nanga nibaca.

EZRA 6:22

Tuju allo sallona ke'nanga a'rannu-rannu assuarri Passua'-suarrang Roti Tenaya nammake Pa'gambang. Sannang sikali nyawana ke'nanga lanri Napagio'na Batara nyawana karaeng Asyur, sa'genna a'jari lammoro' pa'mai'mo anjo karaeng Asyur mae ri ke'nanga, nampa nabantumo ke'nanga lalang anjo jama-jamang pambangunanna Balla'Na Batara, Allata'alana Israel ri Yerusalem.

YESAYA 51:3

Ikau Yerusalem, laKusaleoriko, siagang sikontu niaka ammantang ri alla'na rumbangannu. Sikamma parang kalotoro'nu Kupa'jari koko ga'ga, rapang Eden, koko coppongKu. Anjoreng taua larannui siagang ma'reja-rejai siagang appala' sukkuru' lalang kelong-kelong.

2 PATTOTTORANG 20:21

Le'baki sipa'bicara siagang ra'yaka, nasuromi karaenga ampakei pakeanna sikamma pakelonga, iamintu pakeang biasaya napake ke'nanga ri upacara-upacara matangkasaka lalang ri agamaya. Anjo pakelonga musti a'barrisiki ri dallekanna barisanna tantaraya nampa akkelong suara' angkana, “Puji Batara! Mangngamaseangi satunggu-tungguna!”

YESAYA 35:10

Sikamma tau Nipakabebasaka ri Batara lammotereki; antamaki ke'nanga ri Yerusalem akkio' rannu, corai rupanna ke'nanga lanri karannuang mannannunganga. Larannui siagang lama'reja-rejai ke'nanga; lanynya'mi susaya siagang kunrarenga.

YEREMIA 17:26

Sikamma tau niaka battu ri kota-kota Yehuda, kammayatompa battu ri desa-desa niaka ri tammulilina Yerusalem; laniaki ke'nanga battu ri daera Benyamin, battu ri daera bangkeng buluka, battu ri daera monconga siagang battu ri daera Yehuda bageang timboro'. Langngerangi ke'nanga mange ri BallakKu iamintu olo'-olo' lanipare' koro'bang, baji' lanitunua kammayatompa tenaya, kammayatompa gandung passare, kamanynyang, siagang passare kasukkurang.

YEREMIA 30:19

Pandudu'na lanapujiA' siagang kelong-kelong, siagang akkio' a'rannu-rannu pa'mai'. LaKupa'jari ke'nanga nipakalompo siagang tenamo nanihinai, siagang jaina ke'nanga pila' laKutambai.

YEREMIA 32:44

sura' pammallina lanitekengi, nisarei segele', siagang nitekengi ri sa'bi-sa'bi. Anjo kammaya lakajariangi ri daerana Benyamin, ri desa-desa tammulilina Yerusalem, ri kota-kota Yehuda, ri kota-kota ri daera monconga, ri daera bangkeng buluka, siagang ri Yehuda bageang timboro'. Anne bansaya laKupakabajiki ammotere' katallassanna ri anne pa'rasanganga. INakke, Batara, anne akkana.”

NAHUM 1:7

Anjo Batara bajiki, Najagai umma'Na ri wattu susa, Najagai tau a'la'langa mae ri Ia.

PAMMUJI 85:7

Pakajarreki ikambe ammotere' sollanna rannu ummatTa lanri pannulunTa.

PAMMUJI 147:13

Saba' Ia ampakajarreki sikamma pakke'bu' lomponu, Ia ambarakkaki pandudu'nu.

YESAYA 52:8

Pilangngeri pakkio' rannuna pangawala'na kotaya, para ma'rannu-rannui ke'nanga! Saba' mata kalenna ke'nanga anciniki ammotere' Batara mange ri Sion.

YEREMIA 29:14

Tojeng, lanubuntulukKa'. LaKupasse'reko battu ri tangnga-tangngana tunggala' bansaya siagang battu ri pa'rasangang tampa'nu nipasisa'la'-sala' nipela'. LaKuerangko ammotere' mange ri pa'rasangang kabattuannu anne, siagang laKupakabajiki ammotere' katallassannu. INakke, Batara, anne akkana.’

YEREMIA 30:3

Nasaba' lanarapiki sallang wattunna nalaKupa'jari baji' ammotere' katallassanna ummakKu Israel siagang Yehuda. LaKuerangi ammotere' ke'nanga mange ri pa'rasangang le'baka Kupassareang mae ri boe-boena ke'nanga. Anjo pa'rasanganga lanapatangi ammotere' ke'nanga. INakke, Batara, anne akkana.”

AMOS 9:14

LaKupa'jari kalumanynyangi ammotere' ummakKu Israel. Lanabangungi ammotere' kota-kotana ke'nanga le'baka runtung, nampa ammantang ke'nanga anjoreng. Lanalamungi koko-koko anggoro'na ke'nanga, siagang nainung je'ne'na. La'lamung-lamungi ke'nanga, nampa nakanre wassele'na.