YEREMIA 32:8 - KITTA' MATANGKASA'

⁸ Nampa kamma le'ba' Napaua Batara, battumi Hanameel mae ri nakke ri parang lakkenna balla' karaenga, siagang napala' sollanna kuballi tampa'na. Lanri kammana, tappa' tojemma' angkanaya le'ba' tojemmi a'bicara Batara ri nakke.

YEREMIA 32:8 Referans Kwoze

YEREMIA 32:7

angkanaya Hanameel, ana' bura'nena purinangku Salum, labattui napala' sollanna kuballi tampa'na ri Anatot ri daera Benyamin. Nasaba' inakkemi bijanna kaminang a'reppeseka akkullea amballi anjo tampaka.

YEREMIA 32:2

Anjo wattua tantarana karaeng Babel nabunduki Yerusalem. Nitahanga' ri parang lakkenna balla' karaenga

YEREMIA 33:1

Ri wattungku nitahang ija ri paranglakkenga, anggappa' pasang maraeng battu ri Batara,

1 KARAENG-KARAENG 22:25

Appialimi Mikha angkana, “Sinampe' nuciniki buttina, ri wattunnu antama' ri se'reang kamara' untu' accokko.”

YOHANES 4:53

Nau'rangimi manggena anjo anaka angkanaya iaminjo wattua na Nakana Isa ri ia, “A'jari baji' mintu ana'nu.” Jari a'jari tappa'mi anjo taua siagang sikontu bone balla'na, mae ri Isa.

ZAKHARIA 11:11

Anjo memang alloa natanipa'jariamo anjo parjanjianga. Najannangngima' anjo sikamma padanggang gimbalaka, siagang napahammi ke'nanga angkanaya KalenNa Batara a'bicara tete ri sikontu apa kugaukanga.

1 PATTOTTORANG 6:60

Ri daerana suku Benyamin anggappa tommi ke'nanga desa-desa siagang parang ruku'na, iamintu: Geba, Alemet, siagang Anatot. Yangasenna nia' sampulo antallu desa untu' a'jari tampa' napammantangia kaluargana ke'nanga.

1 KARAENG-KARAENG 2:26

Nampa nakanamo Karaeng Salomo ri Imang Abyatar, “A'lampamako mange ri kamponnu ri Anatot. Siratangko nihukkung mate, mingka anne alloa tena kulammuno, lanri siagannu ija manggeku, amminawang tongko angkasiaki sikontu kapa'risanna. Siagang nuurusu' tongi Patti ParjanjianNa Batara.”

YEREMIA 1:1

Anne kittaka nacaritai kana-kana napabattua Yeremia ana'na Hilkia, kalase'renna imang battua ri kota Anatot ri daerana Benyamin.

YEREMIA 32:25

Mingka manna nakamma mamo, o Batara Kaminang Tinggia, iKatte ansuroa' amballi anne tampaka ri dallekanna sa'bi-sa'bia, manna nasinampe' mamo nanialle anne kotaya ri tu Babel.”

YEREMIA 37:12

Jari inakke kubokoimi Yerusalem nampa a'lampa mange ri daerana Benyamin untu' antarimai bageang warisikku battu butta pisaka kaluargaku.

YEHEZKIEL 12:7

Nampa kugaukammo anjo parentaNa Batara mae ri nakke. Anjo memang alloa, ri wattu allona, kuparutusu'mi barang-barangku antama ri se'reang pa'roko', sangkamma biasaya nagaukang tau annompanga. Ri wattunna appakkaramulamo bangngi, appare'ma' so'bolo' siagang limangku ri tembo' ballakku, nampa assulukka' battu ri anjo so'boloka. Niparhatikamma' ri sikontu taua nakupisang pa'rokokku ri salanggangku, nampa a'lampama'.