YEREMIA 32:43 - KITTA' MATANGKASA'

⁴³ Nakana taua anne pa'rasanganga a'jarimi sangkamma parang luara' tenaya nipammantangngi ri tau siagang olo'-olo', siagang anne pa'rasanganga tu'guru'mi antama ri limanna tu Babel. Mingka iNakke Kukana, sallang sikamma koko-kokoa lanipareki pole balu'-balukang ri anne pa'rasanganga;

YEREMIA 32:43 Referans Kwoze

YEREMIA 32:15

Batara Kaminang Koasaya, iamintu Allata'alana Israel, Nakana angkanaya, balla', tampa', siagang koko anggoro' lanipare' balukangi sallang.”

YEREMIA 32:36

Batara, Allata'alana Israel, Nakana ri nakke, “Yeremia, nakana bansa Israel lanri pa'bundukang, kacipurang siagang garring natu'guru' anne kotaya mae ri limanna karaeng Babel. Kamma-kamma anne pilangngeri tongi apa laKupaua.

YEREMIA 33:10

Nakana Batara, “Nakana taua anne tampaka sangkammai parang lompo, tena tau siagang olo'-olo' ammantang anjoreng. Anjo kananna ke'nanga memang annabai, nasaba' kota-kotana Yehuda siagang agang-aganga ri Yerusalem kosong ngasemmi; tena tau yareka olo'-olo' ammantang anjoreng.

YEREMIA 32:25

Mingka manna nakamma mamo, o Batara Kaminang Tinggia, iKatte ansuroa' amballi anne tampaka ri dallekanna sa'bi-sa'bia, manna nasinampe' mamo nanialle anne kotaya ri tu Babel.”

YEREMIA 33:12

Nakana Batara Kaminang Koasaya, “Anne pa'rasangang siagang kota-kotana sangkammaya parang lompo, tena nipammantangngi ri tau yareka olo'-olo'. Mingka manna nakamma, ri bokoangallo lania' ammotere' parang-parang ruku' tampa'na taua akkalawaki gimbala'.

YEHEZKIEL 28:26

Lattallasaki ke'nanga siagang amang anjoreng, siagang ambangung balla' siagang appareki koko-koko anggoro'. LaKuhukkungi sikamma bansa singngampi'na ke'nanga le'baka anghinai ke'nanga sa'genna a'jari amang Israel. Na naassemmi ke'nanga angkanaya iNakke Batara.”