YEREMIA 32:24 - KITTA' MATANGKASA'

²⁴ Le'ba'mi nabangung tu Babel tembo'-tembo' angkurungai attammulili kotaya untu' angngallei, na kamma-kamma anne a'bakkami ke'nanga. Pa'bundukang, kacipurang, siagang garring la'jari saba' ri anne kotaya natu'guru' mae ri limanna musua. Kiciniki angkanaya sikontu apa Kipaua a'rupa ngasemmi.

YEREMIA 32:24 Referans Kwoze

YEREMIA 33:4

Balla' karaenna Yehuda siagang sikamma ballaka ri kota Yerusalem le'baki nibongkara' untu' ampakajarreki pattahangnganga mae ri pakkurunna siagang pammuccu'na musua. Mingka iNakke, Batara, Allata'alana Israel, Kukana,

YEREMIA 32:36

Batara, Allata'alana Israel, Nakana ri nakke, “Yeremia, nakana bansa Israel lanri pa'bundukang, kacipurang siagang garring natu'guru' anne kotaya mae ri limanna karaeng Babel. Kamma-kamma anne pilangngeri tongi apa laKupaua.

PAOLE 4:26

Tapporo langika siagang linoa a'jari sa'bi anne alloa angkanaya punna tena numannuruki mae ri nakke, tasalloami nu'lanynya' battu ri butta nupammantangngia ri ba'leanna anjo Binanga Yordan. Tasalloako lammantang anjoreng, lanri laniancuru' taba sikaliko.

ZAKHARIA 1:6

Tete ri sikamma anjo na'bi atangKu ngaseng, Kupabattumi sikamma parentaKu siagang sikamma pappakaingakKu mae ri boe-boenu. Mingka tena najampangi ke'nanga sa'genna musti natanggongi ke'nanga kale'bakkang kajariang kodina. Nampa assesse' lalammo ke'nanga, siagang mangakumi ke'nanga mae ri Nakke angkanaya iNakke, Batara Kaminang Koasaya, le'ba' anghukkungi ke'nanga situru' kasalanna ke'nanga, siagang sangkamma apa le'baka Kupattantu.”

YEHEZKIEL 21:22

A'nyatami angkanaya anjo pana naallea lima kananna nia' pammatei mae ri Yerusalem! Anjo battuanna angkana karaenga musti nabunduki kota Yerusalem, akkioki untu' a'bundu' na nasuro tantarana ansusungi pakkakasa' untu' nipake anrumbang, napatabai ri sikamma pakke'bu' lompona Yerusalem, attambung butta a'jari tembo' untu' angkurungi Yerusalem, siagang angngeke kaloro'-kaloro'.

YEHEZKIEL 14:21

Nakana Batara Kaminang Tinggia, “LaKupabattui appaka hukkungang kaminang hebaka mae ri Yerusalem untu' angngancuruki baji' narupataua kammayatompa olo'-oloka. Anjo appaka hukkungang iamintu: bundu', kacipurang, olo'-olo' sekke' siagang garring.

YEREMIA 32:3

ri Karaeng Zedekia lanri nitudua' le'ba' ampa'la'bangi kupau angkanaya akkana kammai anne Batara, “LaKupa'biangi karaeng Babel ambetai siagang angngempoi anne kotaya,

MATIUS 24:35

Lalanynyaki langika siagang linoa, mingka tuli lania'na kana-kanangKu satunggu-tungguna.”

YEREMIA 52:6

Ri tanggala' salapang bulang appa' ia todong anjo taunga, ri wattunna sanna' dudumo bala kacipuranga, sa'genna tena sikalimo lanakanre ra'yaka,

YEREMIA 32:25

Mingka manna nakamma mamo, o Batara Kaminang Tinggia, iKatte ansuroa' amballi anne tampaka ri dallekanna sa'bi-sa'bia, manna nasinampe' mamo nanialle anne kotaya ri tu Babel.”

YEREMIA 24:10

LaKupabattui mae ri ke'nanga pa'bundukanga, kacipuranga, siagang garringa sa'genna mate ngaseng ke'nanga siagang tenamo ammantang tassesa anrinni ri pa'rasangang le'baka Kupassareang mae ri ke'nanga siagang boe-boena ke'nanga.”

YEREMIA 16:4

Lamatei ke'nanga lanri nitaba ri garring angngeranga kamateang, siagang lamatei ke'nanga lalang pa'bundukang yareka mate naallei cipuru'. Tena manna sitau langngarru' yareka antarawangi ke'nanga. Latassiaraki maya'na ke'nanga rapang pupu' panynyoppongi ri butta, siagang nikanre ri jangang-jangang siagang olo'-olo' sekke'.

2 SAMUEL 20:15

Nalangngere'mi ana' buana Yoab angkanaya niaki Seba anjoreng; nampa nakurummo ke'nanga anjo kotaya. Appatambummi butta ke'nanga ri tammulilina tembo' bageang pantarang nampa appakkaramula angngeke butta irawanganna anjo temboka sollanna narumbang anjo temboka.

YESAYA 37:33

Iaminne kananNa Batara ri passala'na karaeng Asyur: ‘Talantamakkai ri Yerusalem yareka talanapatembakai panana mange ri anjo kotaya. Sikamma tantarana ammakea pa'lapa' barambang tena la'reppese' mange ri anjo kotaya, siagang tena nalanibangung pattahangngang untu' antammulili anjo kotaya.

YEREMIA 6:6

Le'ba'mi Naparentakang Batara Kaminang Koasaya anjo sikamma pamarentaya sollanna anna'bang poko'-poko' kayu nampa appaenteng pattahangngang ri sikamma bulu'-buluka untu' antammulili Yerusalem. Nakana Batara, “LaKuhukkungi anne kotaya lanri jai sikali panggaukang anjallakkang ilalang.

YEREMIA 20:5

LaKulappassangi musunna ke'nanga anrampasaki siagang angngengkaki mange ri Babel sikontu kakalumanynyangnganna siagang barang-baranna anne kotaya, ba'lalo barang-barang pisakana sikamma karaenna Yehuda.

YEREMIA 29:17

Nakana Batara Kaminang Koasaya, ‘INakke lappabattu pa'bundukang, kacipurang, siagang garring mae ri ke'nanga. LaKugauki ke'nanga sanrapang rappo-rappo ara sannaka botto'na, sa'genna takkullea nikanre.

YEREMIA 29:18

LaKuondang tojengi ke'nanga siagang pa'bundukang, kacipurang, siagang garring sa'genna sikontu bansaya ri sikontu linoa la'jari mallaki anciniki ke'nanga. Kemae-kemae Kupasisa'la'-sa'la' ke'nanga, anjorengi lamalla' siagang lannekkere' taua anciniki apa kajarianga mae ri ke'nanga. Lanicau-caui ke'nanga, siagang arenna ke'nanga lanipakei a'jari kana pattunra.

YEREMIA 32:5

Nampa laniengka' Zedekia mange ri Babel siagang ammantang anjoreng sa'genna Kuhukkung. Manna pole nanabunduki tu Babel, mingka tena nakkulle lambetai. INakke, Batara, anne akkana.”

YEREMIA 32:28

Anne kotaya laKulappassangi nikoasai ri Nebukadnezar karaeng Babel siagang pasukanna. Lanaallei ke'nanga anne kotaya,

YEREMIA 52:4

lanri kammana anjo battumi Karaeng Nebukadnezar siagang sikontu tantarana nampa nabunduki Yerusalem ri tanggala' sampulo bulang sampulo ri taung makasalapang pamarentahanna Zedekia. Ambangungi ke'nanga pattahangngang ri pantaranna kotaya, ambangungi tembo' pakkurung,

YEHEZKIEL 26:8

Pandudu'na sikontu kotaya ri bontoa lanibunoi lalang pa'bundukanga anjo. Musua langngekei kaloro'-kaloro' pattahangngang, appare' tembo'-tembo' pakkurung siagang anynyusung pannangkisi'-pannangkisi' lompo untu' napake ke'nanga salaku pattahangngang angngewako.

HABAKUK 1:10

Nacau-caui ke'nanga karaeng-karaenga siagang nakakkali pagawe-pagawe tinggia. Nagampangangi sikamma pattahangnganga siagang natambungi butta nampa naalle anjo pattahangnganga.

YEHEZKIEL 4:2

Nampa gambaraki se're garisi' angkurungi anjo kotaya, iamintu garisi'-garisi' solongang, butta-butta pannambungi, kema-kema siagang pakkakasa' untu' panrumbang, ri tammulilina tembo'-tembo' kalli'na.

YEHEZKIEL 21:27

Anne kotaya laKuancuru' taba sikali, sa'genna kemae-kemae nia' loro-loro. Mingka anjo passalaka nampami kajariang punna anjo tau Kupilea untu' anghukkungi anne kotaya battumi. Mae ri ia laKupassareang anne kotaya.’ ”