YEREMIA 32:21 - KITTA' MATANGKASA'

²¹ Lanri koasa siagang kagassingang lompoTa Kierangi umma' Israel assulu' battu ri Mesir. Kigaukangi gau'-gau' appakalannasaka siagang gau'-gau' malompoa appakagegereka ri musu-musua.

YEREMIA 32:21 Referans Kwoze

PAOLE 26:8

Lanri KoasaTa siagang kagassingang malompoTa naKilappassang ikambe battu ri Mesir. Kigaukangi gau'-gau' malompoa siagang appakalannasaka, kammayatompa Kipabattui kajariang-kajariang appakagegereka mae ri musua.

KALAPPASSANG 6:6

LaKupa'jariko ummakKu, siagang iNakke a'jari Allata'alanu. Na lanuassemmo angkanaya iNakkemi anne Batara, Allata'alanu, le'baka allappassangko battu ri Mesir, ampare' atayako.

PAMMUJI 105:43

Nampa naantara' umma'Na siagang rannu, tunipileNa siagang makkio' rannu.

PAMMUJI 105:37

Nampa Naantara' bansa Israel assulu', angngerangi ke'nanga pera' siagang bulaeng; yangasenna baji' ngaseng tubuna siagang gassing.

1 PATTOTTORANG 17:21

Ri sikontu linoa tena bansa sangkamma Israel. Tena ruanna bansa Israel Kilappassang battu ri nipare' ataya untu' a'jari umma' KalenTa. Sikontu anjo gau' malompoa siagang appakalanasaka mae ri ke'nanga sa'genna a'jari masahoro'mo arenTa malla'bang lino. Kilappassangi ummatTa battu ri Mesir, siagang Kipakabellai bansa-bansa maraenga ri wattunna maju ummatTa a'bundu'.

PAOLE 4:34

Le'bakika nia' rewata barani angngalle se'reang bansa battu ri bansa-bansaya nampa napa'jari ke'nanga umma' kalenna, sangkamma Nagaukanga Karaeng Allata'alanu untu' ikau ri Mesir? Kalennu anciniki antekamma bateNa Allata'ala appabattu kagassingang lompo, angngeranga bala siagang pa'bundukang, anggaukangai gau'-gau' appakalannasaka siagang apa-apa hebaka.

KALAPPASSANG 13:14

Punna ri bokoang allo nakkuta'nang ana'nu angkana apa ngaseng battuanna anjo sikammaya, musti appialiko angkana, ‘Lalang koasa malompoNa Batara na Naerang maki' assulu' battu ri pa'rasangang Mesir, tampatta nipare' ata.

KALAPPASSANG 13:9

Anne passua'-suarranga anjari pangngu'rangi mae ri kau, sanrapang pammatei nisikkoka ri limannu yareka pammatei ri abannu. Anne passua'-suarranga anjari pappiu'rangi mae ri kau sollanna tuli nubicara siagang tuli nupilajari Hukkung-hukkunNa Batara; saba' Napasulukko Batara battu ri Mesir siagang koasa malompoNa.

KALAPPASSANG 6:1

A'bicarami Allata'ala mae ri Musa nakana, “INakkemi Batara.

PAOLE 7:19

U'rangi sikamma bala lompo nucinika kalennu, gau'-gau' appakalannasa', siagang kakoasang lompo Napakea Karaeng Allata'alanu untu' allappassangko. Kamma tomminjo laNagaukanga Karaeng Allata'alanu mae ri sikontu bansa nukamallakkanga.

2 SAMUEL 7:23

Ri sikontu linoa tena nia' bansa sangkamma Israel. Tena ruanna bansa Israel le'ba' Kilappassang battu ri tunipare' ataya untu' Kipa'jari umma' kalenTa. Sikontu gau' malompoa siagang appakalannasaka Kigaukanga mae ri ke'nanga, ampa'jari masahoroki arenTa ri sikontu linoa. Bansa-bansa maraenga siagang rewata-rewatana le'ba'mi Kibongka ri wattunna maju ummatTa a'bundu'.

KALAPPASSANG 3:20

Mingka laKupakei kakoasangKu, siagang laKuhukkungi Mesir, iamintu Kupitujui siapa are bala lompo. Le'baki anjo, lanasare mako ising untu' a'lampa.

PAOLE 11:3

siagang sikamma gau' appakalannasa' le'baka Nagaukang. Kalennu anciniki apa Nagaukanga mae ri karaeng Mesir siagang sikontu pa'rasanganna.

YESAYA 63:12

Kemae Batara le'baka anrurungangi Musa siagang limanNa makassaka, ambage ruayai je'neka ri dallekanna ke'nanga sollanna masahoro' arenNa satunggu-tungguna?