YEREMIA 32:17 - KITTA' MATANGKASA'

¹⁷ “O Batara Kaminang Tinggia, iKattemi ampa'jari langika siagang buttaya lanri koasa siagang kagassingang lompoTa. Tena apa-apa sukkara' mae ri Katte.

YEREMIA 32:17 Referans Kwoze

LUKAS 1:37

Nasaba' punna Nakaerokang Allata'ala, tena apa-apa takkulle Napa'jari.”

YEREMIA 32:27

“INakkemi Batara, Allata'alana sikontu rupataua. Tena apa-apa sukkara' mae ri Nakke.

PA'JARIANG 18:14

Maka niakka apa tantamaya ri akkala' untu' Batara? Sangkamma Kupakkanaya sumpaeng, salapang bulang sallang labattua' pole mae anrinni. Na anjo wattua lamana'mi Sara sitau ana' bura'ne.”

MATIUS 19:26

Nicinikimi ke'nanga ri Isa; nampa Nakana Isa ri ke'nanga, “Anjo tena memang nantama' ri akkala'na rupataua. Mingka tena tamakkulle punna Nakaerokang Allata'ala.”

KALAPPASSANG 20:11

Lalang wattu annang allo, iNakke, Batara, Kupa'jari buttaya, langika, tamparanga, siagang sikontu apa niaka lalang, mingka ri makatujuna alloa ammari-mariA'. Iaminjo saba'na iNakke, Batara, Kubarakkaki Allo Pammari-marianga siagang Kusa'laki untu' KalengKu.

YEREMIA 27:5

“Lanri koasa malompoKu siagang lanri kagassingangKu nale'ba' Kupa'jari linoa siagang rupataua kammayatompa sikontu olo'-oloka, nampa akkulle Kupassareang mae ri inai-nai mamo Kukaerokia.

LUKAS 18:27

Appialimi Isa Nakana, “Apa tenaya nantama' ri akkala'na rupataua, tena tama'jari punna Naerokang Allata'ala!”

2 KARAENG-KARAENG 19:15

nampa appala' doang angkana, “O Batara, Allata'alana tu Israel, niaka ri empoang kala'biranNa irate ri patunna malaeka' akka'nyika, tena ruanTa Allata'ala makoasaya mae ri sikontu kakaraenganga ri tompo'na buttaya. IKattemi ampa'jari langika siagang buttaya.

YESAYA 45:12

INakkemi Batara ampa'jariai buttaya, siagang ampa'jari rupataua untu' ampammantangngi. Lanri koasaKu naKuka'rang langika, siagang amparentai mataalloa, bulanga na sikamma bintoenga.

PAPPICINI' 4:11

“O Batara, Allata'alana ikambe! IKatteji bawang siratang annarima pammuji, pappakala'biri' siagang kakoasang. Nasaba' iKattemi ampa'niaki sikontu apa-apa niaka, siagang lanri erotTa tommi nanjari siagang attallasa' sikontu apa-apa niaka.”

PAMMUJI 102:25

Nampa kukana, “O, Allata'ala, teaKi' allei nyawaku ri tangnga-tangngana tallasakku.” O, Batara, iKatte attallasa' satunggu-tungguna,

YEREMIA 51:15

Batara ampa'jari buttaya lanri koasaNa, Napareki linoa lanri kacara'dekanNa, Naka'rangi langika lanri akkala' baji'Na.

NEHEMIA 9:6

Nampa appala' doammo ra'ya' Israel kamma anne, “IKattemi Batara, iKattemi tena ruanTa; Kipa'jari bintoenga na sikontu langika, kammayatompa tamparang, butta siagang sikontu bonena, nampa Kisare katallassang siagang Kiparakai. Ri Kattemi anynyomba sikamma koasaya ri langi'; akkulantuki ke'nanga, tundu' mae ri Katte.

YESAYA 42:5

Karaeng Allata'ala ampa'jari siagang angka'rangi langika; Ia ampareki buttaya siagang sikamma attimboa rateanna. Nasarei rupataua nappasa' katallassang siagang nyawa. Napabattui pasang kammaya anne mae ri atanNa,

DANIEL 2:22

Ia assungkei rahasia kaminang lantanga. Naassengi sikontu apa kajarianga lalang ri sassanga. Nikalimbuki ri caya singaraka.

YEREMIA 51:19

Allata'alana Yakub tena nasangkamma anjo barhalaya; Iami ampareki sikontu apa niaka. Arenna iamintu Batara Kaminang Koasaya; le'baki Napile tu Israel a'jari umma'Na.

YEREMIA 1:6

Appialia' angkana, “O Batara Kaminang Tinggia, inakke tena kucara'de' a'bicara lanri rungka dudu ija'.”

YEREMIA 14:13

Nampa kukanamo, “O Batara Kaminang Tinggia, Kiassengi angkanaya le'ba'mi na'bi-na'bia akkana mae ri ra'yaka angkanaya tena nalania' pa'bundukang yareka kacipurang lanri le'ba'maKi' a'janji angkanaya tuli lania'na kaamangngang anrinni ri pa'rasanganga.”

LAMPA-LAMPANA 17:24

Allata'ala ampa'jariai anne linoa siagang sikontu bonena, Iami Batarana langika siagang buttaya. Tena nalalang ammantang ri sikamma balla' rewata napareka rupataua.

LAMPA-LAMPANA 15:18

le'baka Napabattu memang ri jammang riolo.”

LAMPA-LAMPANA 14:15

“He, angngapa nanugaukang ngasengi anne kammaya? Ikambe anne tau biasa tonjaki' sangkamma ikau ngaseng! Niaki ikambe mae anrinni untu' ampabattui Kabara' Bajika mae ri kau ngaseng, sollanna nubokoi anjo apa-apa tenaya matu-matunna; na nubattu mae ri dallekanNa Allata'ala attallasaka, ampa'jariai langika siagang linoa, kammayatompa tamparanga siagang sikontu apa niaka lalang.

ZAKHARIA 12:1

Iaminne pasanNa Batara ri sesena Israel. LaNaka'rangi Batara langika, Napa'jari buttaya kammayatompa Nasarei katallassang rupataua, Nakana,

YESAYA 44:24

Kammaminne kananNa Batara Mappasalama'nu ampa'jariako baku' lalannu ri pammanakkang, “INakkemi Batara ampa'jariai yangasenna niaka, kale-kalennaya angka'rangi langika, tena ambantuA' naKupa'jari buttaya.

YEHEZKIEL 11:13

Lalang kupabattuna anjo kana-kana kammaya, ti'ring tu'guru'mi naung Pelaca nampa mate. Jari su'ju'ma' siagang akkio' angkana, “Aduh Batara Kaminang Tinggia! Apaka laKibuno ngasengi anne bansa Israel niaka tassesa?”

YEHEZKIEL 9:8

Lalang nigaukanna anjo pammunoanga, kale-kalengku nia' anjoreng. Su'juka' siagang akkio'ma' angkana, “O Batara Kaminang Tinggia, maka sanna' dudu kammami anjo larroTa mae ri Yerusalem, sa'genna ero' Kibuno kabusu' tau niaka ija ri anne Israel?”

YEREMIA 4:10

Nampa kukanamo, “O Batara Kaminang Tinggia, Kiballe-balleimi tu Yehuda siagang pandudu'na Yerusalem! Kikana angkana lania' kaamangngang, nampa kamma-kamma anne nyawana ikambe niancangi ri pa'dang.”

MARKUS 10:27

Nacinikimi Isa ke'nanga nampa appiali Nakana, “Untu' rupataua tena nantama' ri akkala'; mingka untu' Allata'ala tena takkulle anjari.”

2 KARAENG-KARAENG 3:18

Nampa nakana pole Elisa, “Mingka anjo sikammaya kara-kara ca'diji bawang mae ri Batara. Lanasare tongko pammetang mae ri tu Moab.

PAMMUJI 136:12

siagang lima kassa'Na na kalompoanna pangngamaseanNa sa'genna satunggu-tungguna.

YESAYA 59:1

Teako kapangngi angkana lamma dudui Batara untu' ampasalamakko, yareka tongolo' dudui untu' ampilangngeri pakkio'nu.

YEREMIA 21:2

“Appalakko pitunju' battu ri Batara untu' ikatte, nasaba' nikurummi kotata ri Nebukadnezar karaeng Babel siagang pasukanna. Gassingka lappa'niaki gau' malompo Batara untu' ikatte, na Napassa Nebukadnezar ampamonoki ammotere' pasukanna.”

YEREMIA 33:3

“Akkiokko mae ri Nakke, na Kulappiali; laKupauangko apa-apa ga'gaya siagang appakalannasaka, ia tenayapa nanuassengi.

DANIEL 6:20

Ri wattu subua ambangummi nai' karaenga nampa karo-karo a'lampa mange ri leang singaya.

ZAKHARIA 8:6

Anjo passalaka nakulle tena nantama' ri akkala'na ri sikamma tau attallasaka ija battu ri anne bansaya, mingka untu' iNakke teai apa tantama' ri akkala'.

PAMMILANGNGANG 11:23

Appialimi Batara angkana, “Apaka nukana nia' sanggana kakoasangKu? Lanuciniki angkanaya anjo apa Kupaua ma'nassa lakajariang tojengi yareka tena!”