YEREMIA 30:16 - KITTA' MATANGKASA'

¹⁶ Mingka kamma-kamma anne sikontu angnga'lukako lania'lu' tongi, siagang sikontu musunnu laniengkaki mange ri butta pammelakkang. LaKujallakkangi tau anjallakkangako, laKuellaki tau angngellakako.

YEREMIA 30:16 Referans Kwoze

YEREMIA 10:25

Pa'bettese'mi larroTa mae ri bansa-bansa tenaya naaniKi' siagang tenaya naero' anynyomba ri Katte. Nasaba' le'ba'mi napanraki taba sikali ummatTa siagang naancuru' pa'rasanganna ikambe.

YESAYA 33:1

Cilakai sikamma musunta! Angngellaki ke'nanga, manna pole tena naniellaki, angngalle bokoi, manna pole tenaja nialle bokoi. Mingka le'baki ke'nanga angngella' siagang angngalle boko, kalenna ke'nanga laniella' siagang lanialle boko.

KALAPPASSANG 23:22

Punna mannurukiko ri ia siagang nugaukang sikontu Kuparentakanga, iNakke la'bundu' angngewai sikontu musunnu.

ZAKHARIA 2:8

Inai-nai ampitabaiko lima, iami ampitabai lima ana' nikarimangngingKu.” Na Nasuroma' Batara Kaminang Koasaya ampabattui anne pasanga mae ri bansa-bansa le'baka angngellaki umma'Na, angkana,

PAPPICINI' 13:10

“Tau lanitarungkua, musti lanitarungkui. Siagang tau lanibunoa siagang pa'dang mattantu lanibunoi siagang pa'dang. Iaminjo saba'na namusti sa'bara' siagang tamamminraya Umma'Na Allata'ala.”

ZAKHARIA 12:2

“LaKupa'jari Yerusalem sanrapang piala niaka anggoro'na; sikamma pa'rasangang singngampi'na lanainungi anjo anggoroka nampa ta'royong-royong rapang tau nasa'ringa. Na punna nitammulili Yerusalem ri musua, sikamma kota-kota niaka ija ammantang ri pa'rasangang Yehuda lanitammulili tongi ri musu.

YO"EL 3:8

Ana'nu bura'ne baine laKubalukangi mae ri pandudu'na Yehuda, nampa nabalukang ke'nanga mae ri Syeba, iamintu pa'rasangang sannaka bellana. INakke, Batara, anne akkana.

YESAYA 14:2

Jai bansa lantulungi bansa Israel untu' ammotere' mange ri pa'rasangang Napassareanga Batara mae ri ke'nanga, anjoreng, anjo bansa-bansa maraenga la'jari atai mae ri tu Israel. Lanatahangi tu Israel tau le'baka antahangi ke'nanga, siagang lanaparentai tau le'baka anjallakkangi ke'nanga.

PAMMUJI 129:5

Boli'mi sikamma tau birisika ri Sion nibetai siagang ditunrungi ammunduru'.

ZEFANYA 2:8

Nakana Batara Kaminang Koasaya, “Kulangngere'mi bansa Moab siagang Amon anghinai siagang ancau-caui ummakKu. A'bicara tampoi ke'nanga angkanaya lanarampasaki buttana ummakKu.

HABAKUK 2:16

Kamma-kamma anne narapi'mi wattunnu untu' nipakasiri', siagang tena nanipakalompoko. Kalompoannu lanipinrai a'jari katunang. LaNapassako Batara angnginung battu ri cangkiri' niboneia ri hukkungang untu' kalennu. Lanuinungi nampa ta'royong-royongko.

NAHUM 1:8

Kontui a'ba lompoa battu Naancuruki musu-musunNa. Ia barania angngewai Nalappassangi kamateang sa'genna ancuru'.

MIKHA 7:10

Riolo nahinaki' musua nakana, “Kemaeji anjo Batara, Allata'alanu?” Mingka kamma-kamma anne lanaciniki ke'nanga apa Nagaukanga Batara untu' ikatte, siagang la'jari siri'-siri'mi ke'nanga. Laniciniki anjo musu-musunta nibeta siagang nionjo'-onjokang rapang peo' ri aganga.

MIKHA 4:11

Jaimi bansa akkumpulu' ero' ambundukiko, he Yerusalem! Nakana ke'nanga, “Musti niancuruki Yerusalem! Eroki ikambe anciniki anjo kotaya a'jari loro!”

YEHEZKIEL 35:5

Battu riolo iji nanumusu Israel siagang nulappassang ke'nanga nibuno ri wattunna nituju ri bala salaku hukkungang kala'busang mae ri dosana ke'nanga.

YEHEZKIEL 29:6

Jari naassemmi sikontu ra'ya' Mesir angkanaya iNakkemi Batara.” Nakana Batara, “He bansa Mesir! Narannuangi tu Israel bantuannu, mingka sanrapang jako bawang takkang lammaya.

PIRAUNG 1:21

O Batara, pilangngeri kunrarengku, taenamo ansaleoria'. Rannumi musu-musungku, lanri Kipitujuingku bala. Kipabattu lalomi anjo allo le'baka Kipa'janjiang; Kipa'risimi ke'nanga kamma inakke.

YEREMIA 2:3

Israel, iNakke KalengKu ampatangko, Kusayanga lalang ri pa'maikKu. Kupitujui bala sikontu tau ansessayako, iNakke, Batara, anne akkana.”

YESAYA 54:17

Mingka sikamma sanjata nipareka untu' ambaliangko, tena ngaseng nala'matu-matu. Na sikamma tuduhang ri kalennu ri pangadelanga lanupa'butti angkanaya sala ngasengi. INakke lassareko hadia pammetang ikau sikamma atangKu,” kammaminjo kananNa Batara.

YESAYA 54:15

Punna nibundukiko, teai iNakke ampassuroangi, manna inai ambundukiko latu'guru' ngasengi.

ZAKHARIA 14:2

LaNapa'rappung ngasengi Batara sikontu bansaya untu' ambunduki Yerusalem. Laniallei anjo kotaya, laniellaki sikamma balla'na, siagang lanigau' bawangi sikamma tubai'-bainena. Tawaruanna pandudu'na laniengkaki mange ri butta pammelakkanga, mingka la'binna lammantangi anjoreng ri kotaya.

ZAKHARIA 1:14

nampa nasuroa' anjo malaekaka ampabattui apa Napaua Batara Kaminang Koasaya angkana, “Sanna' Kukarimangnginna siagang Kujampanginna kota Yerusalem, iamintu kotaKu matangkasaka.

YEREMIA 50:28

Sikamma tau laria mange ri Yerusalem battu ri Babel nacaritai antekamma batena Karaeng Allata'alata ambalasaki panggaukanna tu Babel mae ri Balla'Na Batara.)

YEREMIA 25:12

Le'baki anjo laKuhukkungi bansa Babel siagang karaenna lanri dosana ke'nanga. LaKuruntungi pa'rasangang Babel siagang Kubalang parekangi ancuru' sa'genna satunggu-tungguna.

YEREMIA 12:14

Nakana Batara, “Iaminne pasangKu ri passala'na bansa-bansa singngampi'na Israel, ampanrakiai pa'rasangang Kupassareanga mae ri ummakKu Israel. Rapang lamung-lamung nibi'buka battu ri buttaya, kamma tomminjo sikamma tau ja'dalaka laKupasuluki battu ri sikamma pa'rasanganna ke'nanga, kammayatompa laKulappassangi Yehuda battu ri panna'gallanna ke'nanga.

YEREMIA 8:16

Nia'mi musua ri kota Dan; kalangngerammi sa'ra jaranna ke'nanga, na sikontu bonena pa'rasanganga a'jari malla' ngasemmi. Battumi musua untu' angngancuruki sikontu pa'rasanganta, kammayatompa sikontu kota-kotata siagang sikontu pandudu'na.”

YEREMIA 30:15

Tea' mako akkunrarengi pole ri passala'na bokka'-bokka'nu, nasaba' tena panrannuang ri kau untu' lakkulle ammolle. Kuhukkung kammako anjo lanri jaina dosanu siagang lompona kasalannu.

PAOLE 30:7

Sikontu anjo pattunraya lanipituju mangei ri musu-musunnu birisika ri kau siagang anjallakkangako.

1 SAMUEL 17:53

Le'baki anjo ammotere'mi tu Israel battu angngondangi tu Filistin nampa narampasa' bone kemana ke'nanga.

PANGNGEBARANG 22:23

Saba', laNialleangangi ri Batara ri parkarana ke'nanga, siagang laNaallei nyawana tau anjallakkangai ke'nanga.

PIRAUNG 1:22

Parhatikangi anjo sikontu kaja'dallanna ke'nanga, na Kigaukang mae ri ke'nanga kamma Kigaukanga mae ri nakke lanri sikontu dosa kugaukanga mae ri Katte. Akkunrarenga' lalang ri ballasakku, si'na nyawaku kuta'ronang-ronang.”

ZAKHARIA 1:15

Mingka sanna' larroKu mae ri bansa-bansa nakanaya amang siagang sannang pakkasia'na. Nasaba' ri wattunna Kutahang larroKu mae ri ummakKu, anjo bansa-bansaya pila' natambai sessana ummakKu.

ZAKHARIA 2:12

Sikalipi pole Yehuda la'jari nipatang nisa'laka untu' Batara ri butta matangkasa'Na, siagang Yerusalem la'jari kota kaminang NikarimangnginNa.