YEREMIA 3:16 - KITTA' MATANGKASA'

¹⁶ Nampa punna pila' katambammi jainu ri anne pa'rasanganga, tenamo nalanabicara pole taua ri passala'na Patti ParjanjiangKu. Tenamo nalanawa-nawa yareka nau'rangi ke'nanga, ba'lalo tenamo nalanaparalluangi yareka tenamo nalappare' pole ke'nanga Patti Parjanjiang maraeng.

YEREMIA 3:16 Referans Kwoze

YEHEZKIEL 37:26

LapparekKa' parjanjiang siagang ke'nanga untu' ampattantui kaamangnganna ke'nanga sa'genna satunggu-tungguna. LaKubarakkaki ke'nanga siagang laKutambai jaina ke'nanga. LaKubangungi ri pa'rasanganna ke'nanga BallakKu, lammentenga anjoreng satunggu-tungguna.

YESAYA 65:17

Nakana Batara, “LaKupa'jari langi' berua siagang butta berua. Sikamma kajariang rioloa lanikaluppai siagang talaniu'rangiami.

MATIUS 3:9

Teako akkapangi angkanaya lakkullei nuliliang hukkunganNa Allata'ala lanri nukanana kalennu sossorannako Abraham. U'rangi angkanaya, manna anne batu-batua, akkulle tongi Napa'jari Allata'ala sossoranna Abraham!

YEREMIA 31:8

Battu wara' Kuerang ke'nanga ammotere'; Kupasse'rei ke'nanga battu ri cappa'-cappa'na buttaya. Tau butaya siagang tau pesoka lamminawangi ri ke'nanga, kammayatompa baine beru ammanaka siagang tianang salloamo. Labattu ngasengi ke'nanga ammotere' jai sipa'gangngang mae anrinni ri pa'rasanganga.

YEREMIA 30:19

Pandudu'na lanapujiA' siagang kelong-kelong, siagang akkio' a'rannu-rannu pa'mai'. LaKupa'jari ke'nanga nipakalompo siagang tenamo nanihinai, siagang jaina ke'nanga pila' laKutambai.

YESAYA 61:4

Lanabangungi ke'nanga kota-kota salloamo runtung nappaenteng tampa'-tampa' salloamo sino.

YESAYA 60:22

Ba'lalo manna kaluarga ca'dia siagang tunaya la'jari bansa lompo siagang kassa'. INakke Batara langngalle tindakang linta', ri wattu kaminang bajika.”

ZEFANYA 3:11

Anjo wattua, he ummakKu, tenamo nuparallu pole siri'-siri' lanri le'ba'nu angngewa mae ri Nakke. LaKubongkai sikamma tau tampoa siagang borroa, siagang tenamo nulangngewa mae ri Nakke irate ti bulu' matangkasakKu.

AMOS 9:9

LassareA' parenta siagang laKutapi bansa Israel rapang tau attapi gandung lalang ri pattapia. Untu' ampela' kabusuki tenaya bua'-bua'na battu ri ke'nanga, laKugoccangi ke'nanga ri alla'na bansa-bansaya.

YEREMIA 31:27

INakke, Batara, angkana labattui wattunna pa'rasangang Israel siagang Yehuda laKupirassi tau siagang olo'-olo'.

YEREMIA 7:4

Teako patappakki patipua, angkanaya, ‘Amangki', lanri anne Balla'Na Batara. Tojeng-tojeng anne Balla'Na Batara!’

YEREMIA 3:17

Anjo wattua kota Yerusalem laniarengi ‘Empoang Kala'biranNa Batara’, siagang sikontu bansaya la'rappungi ri anjo kotaya untu' anynyomba ri Nakke. Tenamo nalanaturuki ero' kalenna ke'nanga ja'dalaka siagang kapala batua anjo.

YEHEZKIEL 15:5

Tenamo! Ba'lalo ri tenanapa nanitunui tena todong nakkulle nipa'matu-matu. La'biangampa punna le'ba'mi nitunu siagang nipammutung ri pepe'!”