YEREMIA 3:1 - KITTA' MATANGKASA'

¹ Nakana Batara, “Punna nia' sitau baine nitalla' ri bura'nenna, nampa anjo bainea nibaineangi ri bura'ne maraeng, takkulleai anjo le'ba' bura'nenna ambaineangi pole ammotere', lanri anjo passala' kammaya lammanraki ri anne pa'rasanganga. Ikau tu Israel, jai sikalimi tanrinnu, antekamma batenu lakkulle ammotere' mae ri Nakke!

YEREMIA 3:1 Referans Kwoze

YEHEZKIEL 16:26

Mesir nuaganga singngampi', anjo sannaka lalena, le'ba'mi nuagang sikatinroang. Nupakkunjung-kungjungiangi assundala' untu' ampakalarroA'.

YEREMIA 4:1

Nakana Batara, “He umma' Israel, punna erokko ammotere', ammotere' mako mae ri Nakke. Pelaki rolong anjo barhala-barhala Kukabirissia, nampa majarre' mako mae ri Nakke.

YEREMIA 2:20

Nakana Batara, “Sallo mako taeroka anynyomba ri Nakke; taeroka mannuruki yareka mappilangngeri ri Nakke Irate ri tunggala' bulu' tinggia nai', siagang irawanganna poko' kayu lompoa anjorengko anynyomba ri rewata-rewata kacopponganga.

ZAKHARIA 1:3

Mingka kamma-kamma anne Kukana mae ri kau ngaseng: Ammotere' mako mae ri Nakke, naKuammotere' todong mae ri kau ngaseng.

HOSEA 1:2

Ri wattunna uru a'bicara Batara mae ri bansa Israel tete ri nakke, Nakana Batara, “Hosea, a'buntingko siagang sitau baine nangaia assundala' nampa ana'-ana'nu la'jari sangkamma tongi anjo bainennu. UmmakKu sangkammai anjo bainennu; tena namajarre' pa'mai'na ke'nanga mae ri Nakke, siagang nabokoiA'.”

YEHEZKIEL 33:11

Paui mae ri ke'nanga angkanaya lanri iNakke, Allata'ala mattallasaka, Batara Kaminang Tinggia, tena naKusannang punna mate tau ja'dalaka; kabalekanna Kukellai nabokoi ke'nanga dosa-dosana sollanna tuli attallasa'. He bansa Israel, ammari mako a'gau' ja'dala'! Angngapa nuero' mate?

YEREMIA 4:14

Yerusalem, pelaki kaja'dallanga battu ri atinnu sollannu nipasalama'. Siapapi sallona anjo pikkirang-pikkirang ja'dalaka lanuboli' ri atinnu?

YEREMIA 3:9

siagang tena sikali siri'-siri'na. A'gau' bawangi lanri anynyombai ri batua siagang poko'-poko' kayua, sa'genna a'jari rantasa' anne pa'rasanganga.

YEREMIA 2:23

Barani tojengko angkana tena nupalla', siagang tenale'bakako amminawang ri Rewata Baal! Ciniki gio'-gio'nu ri lappara'na ka'bunga, u'rangi kaja'dallannu siagang akuimi! Rapangko unta gana balereka, piti lari-lari takkulle nilewai,

HAKING-HAKING 19:2

Mingka ri boko, larroi anjo baine piarana, sa'genna ammotere' mange ri balla'na manggena ri Betlehem. Narapiki patambulang sallona ammantang anjo bainea anjoreng,

MIKHA 2:10

Ambangung mako siagang a'lampamako, anrinni tenamo naamang. Dosa-dosana appabattui bala appakamalla'-malla' mae ri anne tampaka.

YEREMIA 3:22

He ikau ngaseng sikontu tau ambokoiyai Batara, ammotere' mako! LaNapammolleko battu ri garrinnu, siagang laNapa'jariko majarre' ri pa'mai'nu. Nukana ngaseng, “Iyo, kamma-kamma anne ammotere'mi ikambe mae ri Batara, nasaba' Iami Allata'alana ikambe.

YEREMIA 2:7

Kuerangi ke'nanga mange ri pa'rasangang coppong untu' angkasiaki sikamma wassele' bajika anjoreng. Mingka anjorengi narantassi ke'nanga buttaKu nanapa'jari appakaringi'-ringi' apa-apa Kupatanga.

YESAYA 24:5

A'jari rantasaki buttaya lanri pandudu'na nadakkai sikamma parentaNa Allata'ala, napinrai sikamma apa le'baka Napattantu Allata'ala, siagang tanarupaiyai ke'nanga parjanjiang le'baka Napare' siagang ke'nanga untu' satunggu-tungguna.

PAOLE 22:21

anjo bainea musti nierangi mange ri pakke'bu' balla'na tau toana. Anjoreng ri tampaka musti nisambilai siagang batu anjo bainea ri tubura'-bura'nea ri anjo kotaya sa'genna mate. Anjo bainea le'baki ampanggaukang appakasirika mae ri bansata lanri nagaukanna assikatinroanga siagang bura'ne ri tenanapa na'bunting, ri wattu ammantanna ija ri balla'na manggena. Lanri nihukkunna anjo bainea nupaccappu'mi anjo kaja'dallang kammaya.

MATIUS 5:31

“Nia' todong pangngajarang kammaya anne: Inai-nai antallaki bainenna, parallui nasare sura' talla'.

PAMMUJI 106:38

Napassolongi cera'na tau tenaya nasala, cera'na ana'-ana' kalenna ke'nanga, untu' nikoro'bangkang mae ri barhala-barhala; sa'genna nara'massi ke'nanga anjo pa'rasanganga.

YEREMIA 22:20

Nakana Batara, “He pandudu'na Yerusalem, a'lampako mange ri Libanon siagang Basan, nampa akkiokko anjoreng. Ammarrangko ri monconna Moab, nasaba' sikontu agannu nibeta ngasemmi.

PIRAUNG 1:2

Tuntung bangngimi angngarru' si'na nyawana, ammatti' je'ne' matanna. Tenamo manna sitau tanrinna maero' battu ansaleori. Nibali' ballang ri bela-belana ta'giling ma'jari bali mae ri kalenna.

HOSEA 2:2

Nakana Batara, “He ana'-anakKu, anjo amma'nu teaimi bainengKu, siagang iNakke teaiMa' bura'nenna. Lanri kammana anjo akkara-kara mako siagang ia, sollanna tenamo na'gau' bawang siagang assundala' pole.

YEREMIA 31:22

Siapapi sallonu tuli ranggasela, he bansa tenaya namajarre' ri Nakke? Appa'jariMa' apa beru ri lino, apa appakalannasaka – rapang baine nila'langngi ri bura'ne.”

YEHEZKIEL 16:30

Nakana Batara Kaminang Tinggia, “Kabusu'na anjo nugaukangi salaku pasundala' tenaya siri'na.

YEHEZKIEL 16:35

He Yerusalem, pasundalaka, pilangngeri apa kananNa Batara Kaminang Tinggia, angkana, “Le'ba'mi nusungke bajunnu, siagang salaku pasundala' nupassareammi kalennu mae ri sikamma tanrinnu siagang mae ri anjo barhala-barhalanu appakaringi'-ringika. Ana'-ana'nu nubunoi siagang nukoro'bangkangi mae ri anjo barhala-barhalaya.