YEREMIA 29:12 - KITTA' MATANGKASA'

¹² Jari lappala' tulungko mae ri Nakke. Labattuko mae ri Nakke appala' doang, nampa laKupiali pappala' doannu.

YEREMIA 29:12 Referans Kwoze

YEREMIA 33:3

“Akkiokko mae ri Nakke, na Kulappiali; laKupauangko apa-apa ga'gaya siagang appakalannasaka, ia tenayapa nanuassengi.

PAMMUJI 50:15

Akkiokko mae ri Nakke ri wattu kasukkarang, iNakke lallappassangko, siagang lamammujiko mae ri Nakke.”

PAMMUJI 145:19

Napakasannangi pa'mai'na sikamma tau mappilangngeria; Napilangngeri pakkio'na siagang Napasalamaki ke'nanga.

PAMMUJI 10:17

Batara, Kipilangngeri pappala' doanna tau tunaya na Kipakajarre' pa'mai'na ke'nanga.

YESAYA 65:24

Tenapa nappala' ke'nanga, naKuppialimo; tenapa nale'ba' ke'nanga appala' doang naKuturukiammo pappala'na ke'nanga.

ZAKHARIA 13:9

Bage talluna mami lasalama'. Siagang anjo ke'nanga laKupakatangkasaki rapang pera' nipakati'noka siagang pepe'. LaKuuji ke'nanga rapang tau angngujia bulaeng. Nampa lappala' doang ke'nanga mae ri Nakke, siagang laKupiali pappala'na ke'nanga. LaKupauangi ke'nanga angkanaya iami ke'nanga ummakKu, nampa ke'nanga lamangaku tongi angkanaya iNakkemi Karaeng Allata'alana ke'nanga.”

YEREMIA 31:9

A'jappai ke'nanga nammatti' je'ne' matanna, Kusaleori siagang Kururungangi ke'nanga. Kuerangi ke'nanga allalo ri tampa'-tampa' jaia je'ne'na, allalo ri agang lappara' tenaya nakkulle tatto'ro ke'nanga. INakke rapang mangge mae ri Israel; Efraim ana' bura'ne bungasakKu.”

YESAYA 30:19

He, ikau niaka ammantang ri Yerusalem, tena nutulusu' langngarru'. Mangngamaseangi Batara, siagang lalintaki appiali ri kau punna akkiokko appala' tulung ri Ia.

YEHEZKIEL 36:37

Nakana Batara Kaminang Tinggia, “He bansa Israel, Kupa'biang mako ammotere' appala' tulung mae ri Nakke; laKutambai jainu, sanrapang pa'rappungang gimbalaka jaina.

2 PATTOTTORANG 6:38

Punna anjoreng ri pa'rasanganga attojeng-tojengi siagang tulusuki pa'mai'na ambokoi dosa-dosana, siagang appala' doangi ke'nanga a'dalle' mae anrinni ri pa'rasangang Kipassareanga mae ri boe-boena ikambe, a'dalle' mae ri kota le'baka Kipile siagang ri anne Balla' le'baka kubangung untu' iKatte,

2 PATTOTTORANG 33:13

Naturukiammi Allata'ala pappala'na Manasye siagang nipoterammi mange ri Yerusalem untu' ammarenta poleang. Passala' anjo kajarianga a'jari tappa'mi Manasye angkanaya Iaminjo Batara, Allata'ala matojenga.

AYUB 22:27

Punna appala' doangko, laNapialiko, nakkulle nurupai sikontu janjinnu.

YESAYA 26:16

Le'ba'mi Kihukkung ikambe; lalang ri kasukkarrang a'gilingi ikambe mae ri Katte, siagang appala' doang mae ri Katte, o Batara.

YEREMIA 50:4

Nakana Batara, “Anjo wattua sallang tu Israel siagang tu Yehuda labattui siagang angngarru' amboyA', Allata'alana ke'nanga.

YEREMIA 51:50

Nakana Batara mae ri tu Israel ri Babel, “Ta'lappasa' mako battu ri pammunoang! Jari, a'lampamako kamma-kamma anne! Teako attayangngi! Manna pole bellako battu ri balla', angngu'rangiko ri Nakke, Bataranu, siagang mae ri Yerusalem.

HOSEA 14:9

Lanapelaki tu Israel patung-patung barhalana; laKuparakai ke'nanga naKupilangngeri pappala' doanna. Rapang poko' kayu tuli jaina leko'na, iNakke lalla'langngi ke'nanga. INakkemi kabattuanna sikontu barakkaka mae ri ke'nanga. INakke, Batara, anne akkana.”