YEREMIA 28:16 - KITTA' MATANGKASA'

¹⁶ Lanri kammana anjo KalenNa Batara ampaui angkanaya lanipa'lanynyakko battu ri tompo'na buttaya. Ia memang anne taunga nulamate, lanri nusurona anne bansaya angngewai Batara.”

YEREMIA 28:16 Referans Kwoze

YEREMIA 29:32

siagang lanri nasuro mako ambaliangA', jari laKuhukkungi siagang jari-jarina. Tena manna sitau battu ri ke'nanga lammantang ri tangnga-tangngana ikambe untu' anciniki apa-apa baji' Kugaukanga mae ri sikontu ummakKu. INakke, Batara, anne akkana.”

PA'JARIANG 7:4

Tuju allopi nalaKupaturung bosia, tenaya nammari-mari patampulo allo patampulo bangngi, sollanna ancuru' ngaseng sikamma apa attallasa' le'baka Kupa'jari.”

YEREMIA 20:6

Siagang ikau, Pasyhur, siagang sikontu kaluarganu lanijakkala' tongko nampa niengkakko mange ri Babel. Anjorengko lamate siagang nitarawang; kammayatompa sikontu agannu le'baka allangngereki sikamma balle-ballenu.’ ”

1 KARAENG-KARAENG 13:34

Passabakkang iaminjo panggaukang ja'dala'na nacilakamo siagang ancuru' taba sikali turunganna.

PAOLE 6:15

Punna anynyombako mae ri rewata-rewata maraenga, lanitujuko ri pangngalarroiNa Karaeng Allata'alanu siagang lanipanrakiko taba sikali, lanri anjo Karaeng Allata'alanu niaka ri tangnga-tangnganu taerokai nipasangkamma siagang apa-apa maraenganga.

KALAPPASSANG 32:12

Punna Kiancuruki ke'nanga, lanakanamo tu Mesirka angkana Kipimpingi anjo bansaya assulu' battu ri Mesir sollanna akkulle Kibuno ke'nanga ri monconga siagang Kiancuru' taba sikali ke'nanga. TeaKi' appakammai, o Batara; Kipinra laloi anjo pattujunTa ero' ancilakai anjo bansaya.

AMOS 9:8

INakke, Batara Kaminang Tinggia, amparhatikangi anne kakaraenganna Israel dorakaya, siagang laKupa'lanynyaki ke'nanga battu ri buttaya. Mingka jari-jarina Yakub tena nalaKupanraki ngaseng. INakke, Batara, anne akkana.

YEREMIA 28:3

Lalang wattu ruan taunga anne labattua laKupoterangi barang-barang battua ri BallakKu, ia le'baka niengka' mange ri Babel ri Karaeng Nebukadnezar.

PAMMILANGNGANG 29:32

Ri allo makatujua passareangi tuju kayu sapi laki rungkaya, ruang kayu gimbala' laki, sampulo angngappa' ana' gimbala' laki umuru' tassitaunga, massing tenaya ngaseng callanna.

YEREMIA 28:17

Nampa anjo memang taunga ri bulang makatuju, namate Hananya.

AMOS 7:17

Nakana Batara angkanaya la'jari pasundalaki bainennu ri agang-agang kotaya, siagang sikamma ana'nu lanibunoi lalang pa'bundukang. Buttanu lanipa'bage-bageangi mae ri tau maraenga, nampa ikau kalennu lamateko ri pa'rasanganna tau tenaya natappa' ri Batara. Pandudu'na Israel ma'nassa laniengkaki mange ri pammelakkanga, bella battu ri pa'rasangang kalenna.”