YEREMIA 28:15 - KITTA' MATANGKASA'

¹⁵ Yangasenna anjo kupabattui mae ri Hananya, nampa kukana pole, “Pilangngeri he Hananya! Tena naNasuroko Batara; nupa'jari tappa'mi anne bansaya ri bicara balle-ballea.

YEREMIA 28:15 Referans Kwoze

YEREMIA 27:15

Nakana kalenna ke'nanga a'bicarai lalang arenNa Batara, mingka a'balle-ballei ke'nanga. KalenNa Batara angkana tena naNasuroi ke'nanga. Lanri kammana lanipasisa'la'-sa'lakki siagang nipanrakiki' karaeng siagang ngaseng anjo na'bi-na'bi a'balle-ballea mae ri katte.”

YEREMIA 23:21

Nakana Batara, “Attojeng-tojeng sikali anjama anjo na'bi-na'bia, padahala' tena naKusuroi ke'nanga. ArengKu napau ke'nanga appabattu kabara', padahala' tena pasang Kupassareang mae ri ke'nanga.

YEHEZKIEL 22:28

Sikamma na'bia nacokkoi anjo dosa-dosaya; rapangi ke'nanga tau appa'leoki tembo' ra'masa'. Paccini'-paccini'na ke'nanga sangnging tena nakontutojeng; kammayatompa sikamma botona ke'nanga sangnging balle-balle. Naani ke'nanga angkanaya anjo pasang napabattua ke'nanga iamintu pasang natarima battu ri Batara Kaminang Tinggia, padahala' tena sikali-kali Kule'ba' a'bicara mae ri ke'nanga.

PIRAUNG 2:14

Apa napabattua na'bi-na'bia mae ri kau, sangnging balle-balleji bawang. Tena le'bakai nasungke ke'nanga dosanu, sa'genna tena nutoba'. Kabalekanna iaji bawang napabattu ri kau kana-kana baji' a'balle-ballea.

YEREMIA 29:23

Kammami anjo sarenna ke'nanga, lanri le'ba'na nagaukang dosa-dosa lompoa ri Israel, iamintu: a'gau' bawangi ke'nanga, siagang napakei arenNa Batara untu' ancaritai apa-apa tenaya natojeng. Anjo kammaya sisalai siagang ero'Na Batara. Naassengi apa nagaukanga ke'nanga, siagang ia KalenNa a'jari sa'bi angngewai ke'nanga. Kammami anjo le'baka Nakana Batara.”

YEHEZKIEL 13:22

Tau bajika tenaya naero' Kuapa-apai, nupakaca'di nyawana lanri balle-ballenu. Tau ja'dalaka nupakalompoi nyawana sollanna tuli doraka siagang tena nipasalamaki ke'nanga.

1 KARAENG-KARAENG 22:23

Nampa nakana pole Mikha, “Jari iaminjo kajarianga! Nipa'jari a'balle-balle ngasemmi ri Batara anjo na'bi-na'bita, nasaba' le'ba'mi Napattantu Batara angkana laNapitujuiki' bala!”

YEREMIA 20:6

Siagang ikau, Pasyhur, siagang sikontu kaluarganu lanijakkala' tongko nampa niengkakko mange ri Babel. Anjorengko lamate siagang nitarawang; kammayatompa sikontu agannu le'baka allangngereki sikamma balle-ballenu.’ ”

ZAKHARIA 13:3

Na punna nia' ija tau nakana kalenna appabattui pasang, kalenna anrong manggena langkana ri ia angkana musti nihukkung matei lanri appauna kana balle-balle. Punna tuli nakana ija kalenna na'bi, lanicokai sa'genna mate ri manggena siagang amma' kalenna.

YEREMIA 28:11

Ri dallekanna sikontu ra'ya' niaka hadere' anjoreng, nakanamo, “Nakana Batara, kammaminne carana laNatepo' lembarang napatabaya Nebukadnezar mae ri salangganna sikontu bansaya; laNagaukangi Batara anjo kammaya lalang ruan taung anne labattua.” Le'baki anjo a'lampami Hananya.

YEREMIA 7:8

Mingka, sikontutojenna tena matu-matunnu tappa' ri kana-kana balle-ballea.

YEREMIA 29:8

INakke Batara Kaminang Koasaya, Allata'alana Israel, ampakaingakko sollanna tena nupassareangi kalennu nitipu ri na'bi-na'bi niaka ammantang ri tangnga-tangnganu yareka ri nai-nai mamo nakanaya kalenna akkullei ke'nanga natappu apa lakajarianga ri allo labattua. Teako parhatikangngi so'na-so'nana ke'nanga.

YEHEZKIEL 13:6

Sikamma paccini'na ke'nanga sangnging tena nakontutojeng siagang sikamma botona ke'nanga sangnging balle-balle. Naani ke'nanga kalenna angngerang pasang battu ri Nakke, padahala' iNakke tena le'bakai Kusuro ke'nanga. Antekamma lakkulle ke'nanga manrannuang ri botona ke'nanga anjo angkana la'rupai?

YEHEZKIEL 13:9

INakke langhukkungko, he na'bi-na'bi appabattua boto balle-balle siagang paccini' takontutojenga! Takkullea mako amminawang angngalle kaputusang lalang ri pa'rappunganna ummakKu. Lanigarisiki areng-arennu battu ri bansa Israel, siagang tenamo nulammotere' mange ri butta passolongang cera'nu. Na nuassemmo angkana iNakke Batara Kaminang Tinggia.

PAOLE 13:6

Punna nia' sari'battannu, yareka ana' bura'nenu yareka ana' bainenu yareka bainennu nukamaseanga, yareka agang baji'nu anynyonyo' cokko-cokkoko untu' anynyomba mae ri rewata-rewata maraeng tenaya nuassengi siagang tenaya naassengi boe-boenu, rewata-rewata battua ri bansa-bansa ambania siagang bellaya ammantang,

PAOLE 18:20

Mingka punna nia' sitau na'bi barani appabattu pasang lalang arengKu, nampa teai iNakke ansuroi anggaukangi anjo kammaya, musti matei lanri anjo panggaukanna; kammayatompa sikamma na'bi a'bicaraya lalang arenna rewata-rewata maraenga musti matei.’

YEREMIA 23:31

LaKuewa tongi na'bi-na'bi appabattua kana-kana kalenna tonji, nampa nakana anjo kanaya kana battu ri Nakke.