YEREMIA 28:1 - KITTA' MATANGKASA'

¹ Ia todong anjo taunga ri bulang lima taung makaappa' ri pamarentahanna Karaeng Zedekia, Hananya ana'na Azur, se're na'bi battu ri kota Gibeon, a'bicarai ri nakke ri Balla'Na Batara. Ri dallekanna imang-imanga siagang ra'yaka napaui ri nakke angkanaya

YEREMIA 28:1 Referans Kwoze

YEREMIA 27:1

Tena nasallo Zedekia ana' bura'nena Yosia a'jari karaeng Yehuda, Nasuroa' Batara

YOSUA 9:3

Mingka anjo tu Gibeon battua ri bansa Hewi le'ba'mi nalangngere' apa le'baka nagaukang Yosua mae ri kota Yerikho siagang Ai.

YEREMIA 37:13

Mingka ri wattungku battu mange ri Pakke'bu' Lompo Benyamin, komandang tantara tugasaka anjoreng natahanga' nampa nakana, “Erokko lari a'limbang mange ri tu Babel!” (Anjo komandang tantaraya niarengi Yeria, ana'na Selemya, cucunna Hananya).

YEREMIA 36:12

Nampa a'lampamo mange ri balla' karaenga, ri kantoro'na juru tulisi'na pamarentaya. Sitabangi rapa' anjoreng sikontu pagawe pamarentaya. Delaya ana'na Semaya, Elnatan ana'na Akhbor, Gemarya ana'na Safan, Zedekia ana'na Hananya, Elisama sitau jurutulisi', siagang sikamma pagawe maraenga niaki anjoreng.

YEREMIA 28:11

Ri dallekanna sikontu ra'ya' niaka hadere' anjoreng, nakanamo, “Nakana Batara, kammaminne carana laNatepo' lembarang napatabaya Nebukadnezar mae ri salangganna sikontu bansaya; laNagaukangi Batara anjo kammaya lalang ruan taung anne labattua.” Le'baki anjo a'lampami Hananya.

YEREMIA 27:12

Inakke, Yeremia, kupabattu tongi anne pasang kammaya mae ri Zedekia karaeng Yehuda. Kukana, “Manyara mako mae ri karaeng Babel. Mannurukiko ri ia siagang ri bansana, sollanta salama' karaeng.

YEREMIA 27:3

Nasuro tonga' ampabattui pasanNa mae ri karaeng-karaeng Edom, Moab, Amon, Tirus siagang Sidon, tete ri sikamma tunasuroa ke'nanga ia niaka battu mange ri Yerusalem untu' angkunjungi Karaeng Zedekia.

YEREMIA 23:28

Na'bi asso'naya musti angkanai, ‘Anne poro so'naji bawang.’ Mingka na'bi anggappaya pasang battu ri Nakke musti napabattui anjo pasanga siagang sitojennaya. Gandunga takkulleai nipasangkamma rarame.

YESAYA 9:15

Sikamma pamimpinna anjo bansaya napasala oloammi siagang napa'jari lingumi ra'yaka.

YOSUA 10:12

Anjo alloa ri wattunna Nasare Batara pammetang tu Israel mae ri Amori, a'bicarami Yosua mae ri Batara. Na ri dallekanna tu Israel, nakanamo Yosua, “E, mataalloa! Ammantangko irateanna Gibeon; Na ikau bulanga! Teako a'letteki battu ri rateanna Ka'bung Ayalon.”

1 KARAENG-KARAENG 3:4

Tampa' sambayang kaminang a'la'banga niasseng iamintu niaka ri Gibeon. Biasai Salomo assare koro'bang anjoreng. Ri se'reang wattu, sangkamma biasa, a'lampami pole mange anjoreng.

2 KARAENG-KARAENG 24:18

Wattunna a'jari Karaeng Zedekia ri Yehuda, 21 taung umuru'na. Ammarentai ri Yerusalem 11 taung sallona. Amma'na niarengi Hamutal, ana'na Yeremia battu ri kota Libna.

2 PATTOTTORANG 36:11

Wattunna a'jari Karaeng Zedekia ri Yehuda, umuru'na 21 taung; ammarentai ri Yerusalem 11 taung sallona.

YEREMIA 28:5

Jari ri dallekanna imang-imanga siagang sikontu ra'ya' ammentenga ri anjo Balla'Na Batara, kukanamo mae ri Hananya,

YEREMIA 28:17

Nampa anjo memang taunga ri bulang makatuju, namate Hananya.

YEREMIA 37:19

Kemae anjo sikamma na'bita le'baka angkana tena nalabattu karaeng Babel ambundukiki' karaeng siagang anne pa'rasanganga?

YEREMIA 49:34

Tena nasallo Zedekia a'jari karaeng Yehuda, a'bicarai Batara Kaminang Koasaya ri nakke, ri sesena pa'rasangang Elam.

YEREMIA 51:59

Pa'lapa' barambanna Karaeng Zedekia iamintu Seraya ana'na Neria cucunna Mahseya. Ri taung makaappa' pamarentahanna Zedekia karaeng Yehuda, Seraya amminawangi ri Zedekia mange ri Babel. Jari kusaremi se're tugasa'.

HOSEA 7:3

Nakana Batara, “Napakei akkala' balle-ballena siagang panggaukang-panggaukang ja'dala'na ra'yaka untu' ampakasannangi atinna karaenga siagang sikamma pagawe-pagawe pamarentaya.

YEREMIA 29:15

Turu' ri panggappanu, Nasaremako Batara na'bi-na'bi ri Babel.

YEHEZKIEL 13:6

Sikamma paccini'na ke'nanga sangnging tena nakontutojeng siagang sikamma botona ke'nanga sangnging balle-balle. Naani ke'nanga kalenna angngerang pasang battu ri Nakke, padahala' iNakke tena le'bakai Kusuro ke'nanga. Antekamma lakkulle ke'nanga manrannuang ri botona ke'nanga anjo angkana la'rupai?