YEREMIA 27:16 - KITTA' MATANGKASA'

¹⁶ Nampa kupauang imang-imanga siagang sikontu ra'yaka angkanaya akkana kammai anne Batara, “Teako pilangngeri na'bi-na'bi angkanaya tenamo nasallo nalanierang ammotere' barang-barang niaka ri BallakKu battu ri Babel. A'balle-ballei ke'nanga.

YEREMIA 27:16 Referans Kwoze

YEREMIA 28:3

Lalang wattu ruan taunga anne labattua laKupoterangi barang-barang battua ri BallakKu, ia le'baka niengka' mange ri Babel ri Karaeng Nebukadnezar.

2 KARAENG-KARAENG 24:13

Sikontu pakkakasa' bulaeng napareka Karaeng Salomo untu' Balla'Na Batara, nipanraki ri Nebukadnezar. Nampa sikontu barang-barang niaka anggaranna lalang ri anjo Balla'Na Batara siagang ri balla' karaenga naengkaki mange ri Babel. Sikontu anjo passalaka kajariangi situru' apa le'baka Napau riolo Batara.

DANIEL 1:2

Nisaremi pangngellai ri Batara untu' ambetai Karaeng Yoyakim, kammayatompa anrampasaki siapa are jaina barang-barang tinggia anggaranna ri Balla'Na Batara. Sikamma tau nitahanga, naerangi mange ri balla' rewatana ri Babel, nampa sikamma barang-barang tinggia anggaranna narampasaka, naboliki lalang ri gudang-gudanna anjo balla' rewataya.

YEREMIA 27:10

Natipuko ke'nanga sa'gennu nierang a'lampa bella battu ri pa'rasangannu. LaKubongkako battu ri pa'rasangannu siagang lapanrakko.

YEREMIA 27:14

Teaki' pilangngeri na'bi-na'bi ampisangkaiaki' tundu' mae ri karaeng Babel, nasaba' natipuki' ke'nanga karaeng.

YESAYA 9:15

Sikamma pamimpinna anjo bansaya napasala oloammi siagang napa'jari lingumi ra'yaka.