YEREMIA 26:9 - KITTA' MATANGKASA'

⁹ Barani tojengko a'bicara lalang arenNa Batara, angkanaya anne Balla'Na la'jari sangkammai Silo, siagang angkanaya anne kotaya laniancuruki siagang la'jari tampa' tenamo nanipammantangngi.” Nampa nikatulumma' ri tau jaia.

YEREMIA 26:9 Referans Kwoze

LAMPA-LAMPANA 22:22

Appilangngeri ngasengi anjo tau jaia ri wattunna a'bicara Paulus. Mingka nalangngere'na ke'nanga anjo kala'busang kananna Paulus, ammarrang-marrammi ke'nanga angkana, “Bunoi anjo tau kammaya. Tena nasiratang attallasa'!”

LAMPA-LAMPANA 21:30

A'jari sanna'mi ricuna taua ri sikontu anjo kotaya, siagang assilari-larimi mange a'lipung. Najakkala'mi ke'nanga Paulus, nampa nare'resang assulu' ri Balla'Na Batara. Anjo wattua nitongko'mi linta' pakke'bu' Balla'Na Batara.

LAMPA-LAMPANA 13:50

Mingka nikompa-kompa salami ri tu Yahudia sikamma tumalompoa siagang bai'-baine tumalompoa ri anjo kotaya, ia tu mallakamo ri Allata'ala. Napasimusumi ke'nanga siagang Paulus na Barnabas. Sa'genna nibongkamo Paulus siagang Barnabas battu ri anjo daeraya.

LAMPA-LAMPANA 6:14

Le'baki nalangngere' ikambe angkana anne taua, angkanaya anjo Isa tu battua ri Nazaret, laNarumbangi anne Balla'Na Batara, nampa Napinra ngaseng pangngadakkang le'baka napassareang Musa mae ri katte!”

LAMPA-LAMPANA 5:28

Nakana imang lompoa, “Le'ba' mako nipisangkai ampangngajarrangi arenNa anjo Taua. Mingka kamma-kamma anne, apa le'ba' nugaukang! Nupa'la'bammi anjo pangngajarannu mae ri sikontu tau niaka ri Yerusalem. Kammayatompa, erokko ba'lalo ampakkanaiki' anne, angkanaya passala' ikambe anne namate anjo Taua.”

YOHANES 8:59

Massing angngallemi batu anjo tu Yahudia ero' nasambilai Isa; mingka a'lengu'mi Isa, nampa a'lampa ambokoi anjo Balla'Na Batara.

YOHANES 8:20

Niaki lalang ri Balla'Na Batara angngajara' wattunna Napau ngaseng anne bicaraya. Anjorengi ri ampi'na patti-patti doe' pakkoro'bangnganga anjo wattua. Mingka tenanniakka manna sitau anjakkalaki Isa, lanri tenapa nanarapiki wattunna.

MARKUS 15:11

Mingka niajara' salami anjo tau jaia ri imang-imang kapalaya sollanna Barabas napala' ke'nanga nilappassang.

MATIUS 27:20

Mingka imang-imang kapalaya siagang pamimping-pamimpinna tu Yahudia, tuli naajara' salai tau jaia sollanna napala' ri Pilatus, na Barabas nilappassang, nampa Isa nihukkung mate.

MATIUS 21:23

Le'baki anjo ammotere'mi Isa mange ri Balla'Na Batara. Antama'mi angngajara' lalang. Sitabanna angngajara', battumi mae ri Ia imang-imang kapalaya siagang pamimping-pamimpinna tu Yahudia. Akkuta'nammi ke'nanga angkana, “Apa passabakkanna nakkulle Nugaukang ngaseng anne? Inai assareKo koasa?”

MIKHA 2:6

Akkato'bai sikamma taua mae ri nakke, angkana, “Teako akkato'bai mae ri kambe. Teako akkato'bai ri passala'na sikammaya ngaseng anjo. Tena nalanipakasiri' ikambe.

AMOS 5:10

Nukabirisi tau angngewayai tenaya naadele' siagang a'bicara kontutojenga ri pangadelanga.

YEREMIA 9:11

Nakana Batara, “LaKupa'jari rumbangngang Yerusalem tampa' paccokkoanna kongkong romanga. Kota-kota Yehuda la'jari sinoi, tampa' tenayamo nanipammantangngi.”

YESAYA 29:21

tau nangaia ampitinai paranna tau, tau ampappisangkangai nihukkung tau ja'dalaka, siagang tau appa'la'banga carita-carita balle-balle sollanna tanggappaya kaadelang tau lambusuka.

2 PATTOTTORANG 25:16

Nakanamo Amazia, “Tongkoki bawanu! Punna tena kubunokontu! Tena le'bakaki' anne angngangkakko a'jari guru mae ri karaenga!” Jari a'merekimi anjo na'bia. Mingka rioloanganna anggappai kasampatang angkana, “Kamma-kamma anne kuassemmi angkanaya le'ba'mi Napattantu Allata'ala angkanaya laNaancurukki' lanri anjo panggaukanta, siagang lanri tenana kijampangi pappakaingakku.”

LAMPA-LAMPANA 3:11

Tuli amminawammi anjo taua ri Petrus siagang Yohanes. Na ri wattunna battu ke'nanga ri tampa' niarenga “Tampa' Salomo”, battu ngasemmi taua allipungi ke'nanga napakamma lannasa'.

LAMPA-LAMPANA 5:12

Jaimi kajariang siagang gau' appakalannasa' kajariang ri tangnga-tangngana tau jaia, lanri jama-jamang nagaukanga tunisuroNa Allata'ala. A'julu atimi a'rappungang sikamma tau tappaka ri Kamara' Salomo, ri Balla'Na Batara.

YOSUA 18:1

Le'baki nabeta tu Israel anjo pa'rasangang Napa'janjianga Batara, asse'remi ke'nanga ri Silo, nampa nabangung ke'nanga Kema KahaderanNa Batara.

YEREMIA 32:3

ri Karaeng Zedekia lanri nitudua' le'ba' ampa'la'bangi kupau angkanaya akkana kammai anne Batara, “LaKupa'biangi karaeng Babel ambetai siagang angngempoi anne kotaya,

YEREMIA 33:10

Nakana Batara, “Nakana taua anne tampaka sangkammai parang lompo, tena tau siagang olo'-olo' ammantang anjoreng. Anjo kananna ke'nanga memang annabai, nasaba' kota-kotana Yehuda siagang agang-aganga ri Yerusalem kosong ngasemmi; tena tau yareka olo'-olo' ammantang anjoreng.

YEREMIA 36:29

Nasuroa' Batara ampauangi karaenga kamma anne, “Le'baki nutunu anjo kitta' nigulunga, siagang akkuta'nangko ri Yeremia angkana angngapa natulisiki angkanaya labattui karaeng Babel angngancuruki anne pa'rasanganga kammayatompa ambunoi pandudu'na siagang olo'-olo'na.

PIRAUNG 4:13

Mingka kajariang tojemmi anjo kammaya, lanri dosana sikamma imanga siagang na'bia. Le'baki napasolong cera'na tau tenaya salana.