YEREMIA 26:4 - KITTA' MATANGKASA'

⁴ Nasuroa' Batara ampaui anne mae ri ke'nanga, “INakke, Batara, le'baki Kuparentakang mae ri kau sollanna mannurukiko mae ri Nakke siagang nupajappa hukkung-hukkung le'baka Kupassareang mae ri kau.

YEREMIA 26:4 Referans Kwoze

1 KARAENG-KARAENG 9:6

Mingka punna ikau yareka turungannu nubokoiA' siagang tena numannuruki ri hukkung-hukkungKu siagang parenta-parentaKu, kammayatompa anynyombako ri rewata-rewata maraenga,

YEREMIA 44:10

Mingka sa'genna kamma-kamma anne taerokako ampakatunai kalennu siagang attallasa' situru' hukkung Kupassareanga mae ri kau siagang mae ri boe-boenu.

YESAYA 1:20

Mingka punna angngewako ri Nakke, lamateko lalang bundu'. INakke, Batara, anne a'bicara mae ri kau ngaseng.”

IBRANI 6:18

Anjo ruaya passala' takkulleai lamminra; tena olona la'balle-balle Allata'ala ri janjinNa siagang sumpaNa! Lanri kammana, ikatte tau a'la'langamo irawanganNa Allata'ala, nikellaiki' anna'gala' jarre' mae ri panrannuang niaka ri dallekanta.

PAOLE 31:20

LaKuerangi ke'nanga mange ri anjo pa'rasangang kalumanynyanga siagang copponga buttana, sangkamma Kupa'janjianga mae ri boe-boena ke'nanga. Anjorengi ke'nanga lattallasa' siagang sannang siagang anggappai sikamma kanre-kanreang naparalluanga ke'nanga. Mingka kale'bakkanna lata'gilingi ke'nanga nampa anynyomba mae ri rewata-rewata maraenga. LanasorongbokoA' ke'nanga siagang takkaluppai ri parjanjiangKu,

PAOLE 11:32

musti nuturuki sikontu hukkung kupabattua mae ri kau anne alloa.”

PAOLE 4:44

Nampa napassareang Musa hukkung-hukkunNa siagang paratorang-paratoranNa Allata'ala mae ri bansa Israel.

PAOLE 4:8

Bansa lompo kereanga nia' hukkung-hukkung adele' kammaya, sangkamma hukkung-hukkung kupangngajarranga mae ri kau ngaseng anne alloa?

YEREMIA 17:27

Yangasenna anjo lakajariangi punna mannurukiko mae ri Nakke siagang nusa'la' allo Pammari-marianga untu' iNakke. Teako angngangkaki barang-barang apa mamo allalo ri sikamma pakke'bu' lompona Yerusalem ri anjo alloa. Punna nudakkai anjo parenta-parentaKu, laKutunui pepe' sikamma pakke'bu'na Yerusalem siagang sikamma balla' karaenna sa'genna la'busu'; na anjo pepeka takkulleai nibuno.’ ”

YEREMIA 22:5

Mingka punna tena nuturuki parenta-parentaKu, assumpA' angkanaya anne balla' karaenga la'jari loro-loro mami le'ba' nakanre pepe'. INakke, Batara, anne akkana.

YEREMIA 32:23

Mingka ri wattunna battu ke'nanga mae anrinni ri pa'rasanganga siagang naempoi, tenamo namannuruki ke'nanga ri parenta-parentaTa, kammayatompa taerokai attallasa' situru' ajarang-ajaranTa. Sikontu apa Kiparentakanga mae ri ke'nanga tena manna se're nagaukang ke'nanga. Lanri kammana anjo naKipabattumo sikontu anne balaya mae ri ke'nanga.

YEREMIA 7:14

Jari, anne BallakKu nupattoanga, siagang anne tampa' Kupassareanga mae ri boe-boenu siagang mae ri kau, laKupakamma tongi kota Silo riolo.